6. (1821). fundur

Á fund bæjarráðs mætti Lúðvík Hjalti Jónsson, fjármálastjóri og gerði grein fyrir tilboðum í lántöku. Alls bárust tilboð upp á 2.100 milljónir að nafnvirði á kröfubilinu 2,45-2,65%. Bæjarráð samþykkir að leggja til við bæjarstjórn að heimila bæjarstjóra að semja um lántöku allt að fjárhæð kr. 1.850.000.000 verðtryggt með 2,64% vöxtum. Skuldabréf verða útgefin rafrænt og skráð á NASDAQ OMX (Kauphöll Íslands), með stækkun á áður útgefnum skuldabréfaflokki, sem auðkenndur er GARD 16 01, sbr. útgáfulýsingu, dags. 7. apríl 2016.

Bæjarráð samþykkir afgreiðslu byggingarfulltrúa að veita Sigurjóni Inga Garðarssyni, kt. 160770-5469 leyfi til að byggja við núverandi hús að Hvannalaundi 4.

Bæjarráð samþykkir afgreiðslu byggingarfulltrúa að veita leyfi til breytinga á innra skipulagi o.fl. við núverandi húsnæði í eigu Garðabæjar að Lyngási 9.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning vegna óverulegrar breytingar á deiliskipulagi Garðahrauns í tilefni umsóknar um að um að breyta opnum bílskýlum í lokaðar bílgeymslur á lóðum við Hraunprýði 6-12, sbr. 2. mgr. 43. gr. skipulagslaga nr. 123/2010 og 2. mgr. 44. gr. sömu laga.

Bæjarráð samþykkir að leggja til við bæjarstjórn að samþykkja tillögu skipulagsnefndar að umsókn um byggingarleyfi við núverandi hús við Hegranes 28 verði grenndarkynnt samkvæmt 1. mgr. 44. gr. skipulagslaga nr. 123/2010, þar sem ekki liggur fyrir samþykkt deiliskipulag fyrir svæðið.

Bæjarráð samþykkir að leggja til við bæjarstjórn að samþykkja tillögu skipulagsnefndar um lagfæringu á gögnum og umsögn vegna athugasemda Skipulagsstofnunar við samþykkt bæjarstjórnar frá fundi 5. október 2017 á tillögu um aðalskipulag Garðabæjar 2016-2030, sbr. bréf stofnunarinnar, dags. 5. janúar 2018. Samþykkt tillaga með breytingum skal send að nýju til meðferðar Skipulagsstofnunar samkvæmt 32. gr. skipulagslaga nr. 123/2010.

Bæjarráð samþykkir að leggja til við bæjarstjórn að samþykkja tillögu skipulagsnefndar um lýsingu á skipulagsverkefninu þar sem fram koma helstu áherslur og stefna við deiliskipulagsgerðina og fyrirhugað skipulagsferli. Skipulagslýsingin skal send til umsagnar Skipulagsstofnunar og annarra umsagnaraðila ásamt því að kynna hana almenningi.

Lögð fram.

Bæjarráð samþykkir að leggja til við bæjarstjórn að samþykkja tillögu skipulagsnefndar um að gera ekki athugasemd við lýsinguna samkvæmt 1. mgr. 30. gr. skipulagslaga nr. 123/2010 vegna tillögu að breytingu á aðalskipulagi Hafnarfjarðar er varðar breytta legu Ásvallarbrautar og tengingu við Kaldársveg. Skipulagsnefnd minnir á að komi til forkynningar tillögunnar samkvæmt 2. mgr. ofangreinds ákvæðis ber að leita umsagnar um tillöguna hjá aðliggjandi sveitarfélögum en mikilvægt er að í tillögunni sé gerð grein fyrir áhrifum umferðarflæðis á svæðinu.

Bæjarráð samþykkir að leggja til við bæjarstjórn að breyta samþykkt um heimild til lánveitingar Strætó bs. þannig að fram komi að lánstími verði allt að 38 ár.

Lagt fram.

Fylgiskjöl

• Tillaga til þingsályktunar um skilyrðislausa grunnframfærslu (borgaralaun), 9. mál. .doc

Lagt fram bréf mennta- og menningarmálaráðuneytis þar sem skólayfirvöld eru hvött til að undirbúa nemendur með jákvæðu hugafari til að takast á við PISA könnun sem lögð verður fyrir í mars. Jafnframt er boðað að Menntamálastofnun muni útbúa sérstakt kynningarefni í tengslum við málið.

Fylgiskjöl

• scan_02022018.pdf

Lagt fram yfirlit yfir samræmd próf haustið 2017 ásamt skýrslu Garðaskóla um samræmd próf.

Forstöðumaður fræðslu- og menningarsviðs benti á að upplýsingar um samræmd próf eru aðgengilegar á vef Menntamálastofnunar.

Fylgiskjöl

• samræmd próf haust 2017.pdf
• Skýrsla Garðaskóla.pdf
• Erindi til bæjarráðs _samræmd próf_02022018.doc

Bæjarverkfræðingur gerði grein fyrir að við hönnun mannvirkja á svæðinu verður tekið tillit til aðstæðna á varðandi stöðu grunnvatns og frárennslismála.

Bæjarráð vísar bréfinu til tækni- og umhverfissviðs.

Fylgiskjöl

• Ábending vegna frárennslismála

Bæjarráð samþykkir að veita Golfklúbbi Kópavogs og Garðabæjar styrk að fjárhæð kr. 7.574.664 til greiðslu fasteignagjalda fyrir árið 2018.

Fylgiskjöl

• Beiðni um niðurfellingu fasteignagjalda 2018.pdf