21. (2074. fundur

Lúðvík Hjalti Jónsson, fjármálastjóri kom á fund bæjarráðs og gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 1.000.000.000. Lánið er jafngreiðslulán með lokagjalddaga 20. mars 2039, verðtryggt með 3,20% föstum vöxtum og án uppgreiðsluheimildar. Í skilmálum lánssamnings kemur fram að tilgangur lánsins er fjármögnun á verkefni sem hefur almenna efnahagslega þýðingu, nánar tiltekið fjármögnun framkvæmda við byggingu Urriðaholtsskóla. Fyrir liggja drög að lánssamningi nr. 2306_34.

Bæjarráð vísar afgreiðslu málsins til bæjarstjórnar.

Bæjarráð samþykkir afgreiðslu byggingarfulltrúa að veita Lagernum Iceland ehf., kt. 451207-0750, leyfi fyrir stækkun núverandi verslunarhúss á lóðinni að Kauptúni 1.

Bæjarráð samþykkir að leggja til við bæjarstjórn að samþykkja afgreiðslu skipulagsnefndar um að synja umsókn lóðarhafa að Miðhrauni 18 um breytingu á deiliskipulagi Molduhrauns. Í umsókninni er farið fram á að breyta lögun byggingarreits lóðarinnar að Miðhrauni 18 til að gera mögulegt að stækka húsið með viðbyggingu á lóðinni að götu. Fyrir liggur umsögn deiliskipulagshöfundar þar sem fram kemur að umsókn um breytingu á deiliskipulagi lóðarinnar samrýmist ekki markmiðum deiliskipulags Molduhrauns m.a. um gagnkvæman umferðarrétt milli lóða og þá er einnig um að ræða að þrengt er að bílastæðum meðfram götu.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 31. gr. skipulagslaga nr. 123/2010, sbr. 1. mgr. 41. gr. sömu laga tillögu að breytingu á deiliskipulagi norðurhluta Hnoðraholts sem gerir ráð fyrir að hámarksfjöldi íbúða við Þorraholt fjölgi úr 220 í 236.

Lögð fram.

Bæjarstjóri kynnti drög að úthlutunarreglum og drög að úthlutunarskilmálum vegna úthlutunar og sölu byggingarréttar lóða í 1. áfanga norðurhluta Hnoðraholts.

Á fundi bæjarstjórnar Garðabæjar sem haldinn var 18. ágúst 2022 var samþykkt tillaga um að fela íþrótta- og tómstundaráði að hefja vinnu við að móta hugmyndir um notkun á óráðstöfuðu rými í Miðgarði.

Íþrótta- og tómstundaráð hefur síðan í ágúst 2022 unnið að mótun tillögu að nýtingu rýmisins. Við mótun tillögunnar hefur verið haft samráð við íbúa, frjáls félög í Garðabæ, ungmennaráð, öldungaráð, félög eldri borgara, Íþróttasamband fatlaðra, Frístundaheimilið Garðahraun og fjölskyldusvið Garðabæjar. Einnig hefur verið rætt við sjálfstætt starfandi aðila á sviði heilsutengdrar starfsemi.

Við gerð tillögunnar þarf að taka mið af ákveðnum þáttum í frumhönnun hússins er varða m.a. lagnakerfi, loftræstikerfi, flóttaleiðir og staðsetningu stigahúsa.

Greinargerð ráðsins um tillögu að nýtingu rýmisins byggir á hugmyndum sem fram komu hjá samráðsaðilum um fjölnota sali og sérhæfð rými. Í tillögu ráðsins er lagt til grundvallar að sérhæfð rými fái aðstöðu á 2. hæð og að á 3. hæð verði fjölnota salir. Í greinargerðinni er einnig gerð grein fyrir hugmyndum sem fram komu hjá samráðsaðilum en þykja ekki getað komið til greina vegna innra skipulags hússins s.s. stærð rýma og lofthæðar

Bæjarráð vísar greinargerð ráðsins um tillögu um nýtingu óráðstafs rýmis á 2. og 3. hæð Miðgarðs til bæjarstjórnar.

Fylgiskjöl

• Greinargerð ÍTG um óráðstafað rými í Miðgarði - maí 2023.pdf

Bæjarráð samþykkir að vísa endurnýjun samstarfssamningi við Ungmennafélag Álftaness til afgreiðslu bæjarstjórnar.

Bæjarráð vísar ályktuninni til kynningar í skipulagsnefnd og umhverfisnefnd.

Fylgiskjöl

• SSH-SSS-samgongur-undirritad_12-05-2023.pdf

Í tilkynningunni kemur fram að KPMG hefur unnið kostnaðar- og ábatagreiningu fyrir stjórnvöld sem veitir sýn á fjárhagsgögn ríkis og sveitarfélaga og samkeyrir við lýðfræðileg gögn.

Bæjarráð vísar málinu til kynningar í fjölskylduráði og öldungaráði.

Bæjarráð samþykkir tillögu menningar- og safnanefndar um tilnefningu á bæjarlistamanni Garðabæjar árið 2023. Tilnefningin verður tilkynnt á menningaruppskeruhátíð föstudaginn 2. júní 2023, kl. 17:00 í Sveinatungu.

Lagt fram.

Í dag fram að hádegi þriðjudag, allan daginn á morgun miðvikudag og fram að hádegi á fimmtudag gildir vinnustöðvum félagsmanna í Starfsmannafélagi Garðabæjar sem starfa á leikskólum. Á mánudaginn 5. júní nk. tekur gildi vinnustöðvun félagsmanna í Starfsmannafélagi Garðabæjar sem starfa á leikskólum og á bæjarskrifstofum og gildir til 5. júlí nk.. Ótímabundin vinnustöðvun tekur gildi 5. júní nk. í íþróttamannvirkjum og sundlaugum í Ásgarði og við Breiðumýri, hafi samningar ekki náðst eða vinnustöðvun aflýst.