15. fundur

Lúðvík Hjalti Jónsson fjármálastjóri mætir á fundinn og kynnir forsendur fjárhagsáætlunar.

Lúðvík Hjalti Jónsson fjármálastjóri var gestur fundarins undir þessum lið og fór yfir forsendur fjárhagsáætlunar 2020.

Farið var yfir ferli við gerð fjárhagsáætlunar Garðabæjar 2020. Leitað verður eftir ábendingum íbúa eins og fyrri ár þar sem þeir geta sent inn ábendingar í gegnum vef Garðabæjar.

Fylgiskjöl

• Forsendurfjárhagsáætlunar2020.pdf
• Vinnuferli.pdf

Hringur Hafsteinsson frá Gagarín mætir og fer yfir

hugmyndaskjal um Hofsstaði og frumkostnaðaráætlun.

Hringur Hafsteinsson frá fyrirtækinu Gagarín var gestur fundarins undir þessum lið.

Fyrirtækið Gagarín hefur unnið tillögu að svokölluðum hönnunarfasa í tengslum við minjagarðinn á Hofsstöðum sem var kynnt fyrir nefndarmönnum á síðasta og þarsíðasta fundi. Hringur kynnti frumkostnaðaráætlun Gagarín í tengslum við greinargerðina/hugmyndaskjalið um Hofsstaði.

Umræður voru um málið og samþykkt að vísa greinargerð og frumkostnaðaráætlun Gagarín til kynningar í bæjarráði.

Á síðasta fundi var erindi leikfélagsins Verðandi í Fjölbrautaskólanum í Garðabæ tekið fyrir þar sem tekið var jákvætt í erindið en óskað eftir nánari upplýsingum.

Leikfélagið Verðandi óskar eftir styrk vegna uppsetningar á söngleiknum REIMT eftir Þorvald Bjarna Þorvaldsson og Karl Ágúst Úlfsson í leikstjórn hins síðarnefnda. Frumsýning verksins er í byrjun mars á næsta ári.

Menningar- og safnanefnd samþykkir að veita 300 þús kr styrk til uppsetningar á sýningunni sem verður nýttur til að bjóða nemendum úr 10. bekk í Garðabæ á sýninguna. Útfærsla á boðinu verður í samráði við skóla bæjarins og leikfélagið Verðandi.

Fylgiskjöl

• Styrkbeiðni.doc
• Menningar- og safnanefnd Garðabæjar - 14 (6.9.2019) - Beiðni um styrk vegna leiksýningar
• Frá leikfélaginu Verðandi um sýningu sem verður sett upp í mars 2020 í FG.docx

Erindi Félags áhugamanna um sögu Bessastaskóla tekið fyrir.

Bréf Félags áhugamanna um sögu Bessastaðaskóla, dags. 25. september 2019, um styrkbeiðni vegna fræðslufundar, vefsíðugerðar og varðveislu gagna lagt fram. Erindið var tekið fyrir á fundi bæjarráðs 1. október sl. og vísað til umfjöllunar menningar- og safnanefndar og til nánari skoðunar við afgreiðslu fjárhagsáætlunar fyrir árið 2020.

Menningar- og safnanefnd samþykkir að veita félaginu styrk að upphæð 325 000 kr fyrir árlegan fræðslufund 26. október nk. og varðveislu gagna er tengjast sögu félagsins.

Fylgiskjöl

• Umsókn um styrk 2019.docx
• Bæjarráð Garðabæjar - 37. (1897) (1.10.2019) - Bréf félags áhugamanna um sögu Bessastaðaskóla varðandi rekstrarstyrk, dags. 25.09.19.

Greint var frá því að hljómsveitin Dikta ætlar að koma fram í hinni árlegu Tónlistarveislu í skammdeginu sem verður haldin fimmtudagskvöldið 14. nóvember nk. á Garðatorgi. Hljómsveitin heldur í ár upp á 20 ára starfsafmæli sitt.

Farið var yfir hvernig staðið hefur verið að kynningu og hvernig umgjörð kvöldsins hefur verið á undanförnum árum.

Stefnt er að því að halda sameiginlegan fund menningar- og safnanefndar með stjórn Tónlistarskóla Garðabæjar síðar á haustönn. Rætt var um málefni sem ætti að taka fyrir á þeim fundi.

Umfjöllun um önnur verkefni framundan, s.s. haustdagskrá Bókasafns Garðabæjar, samstarf við bæjarlistamann, aðventudagskrá.

Vel tókst til með lýðheilsugöngur Garðabæjar sem voru haldnar í september. Mæting var góð og sérstaklega í göngu sem farin var 25. september sl. þegar gengið var um Garðahverfi með viðkomu í Króki.

Greint var frá fjölmörgum viðburðum sem hafa verið í Bókasafni Garðabæjar í september og sagt frá viðburðum sem eru framundan á haustönn í safninu.

Bjarni Bjarnason bæjarlistamaður Garðabæjar var gestur leshrings bókasafnsins í september og nánar verður skoðað með hvaða hætti bæjarlistamaður getur tekið þátt í viðburðum á vegum safnsins og menningar- og safnanefndar næsta árið.

Gert er ráð fyrir að tendra ljósin á jólatrénu á Garðatorgi laugardaginn 30. nóvember nk., daginn fyrir fyrsta sunnudag í aðventu.