20. fundur

Drög að starfsáætlun menningar- og safnanefndar lögð fram.

Starfsáætlun nefndarinnar um fundi nefndarinnar á árinu rædd og lögð fram.

Farið yfir helstu verkefni framundan á vorönn og vinnuskjal með dagsetningum helstu viðburða lagt fram.

Farið yfir dagskrá á Vetrarhátíð, safnanótt og sundlauganótt í Garðabæ.

Greint var frá undirbúningi við Vetrarhátíð sem verður haldin 2.-5. febrúar nk. með þátttöku allra sveitarfélaga á höfuðborgarsvæðinu. Í tilefni Vetrarhátíðar verða ýmsar byggingar lýstar upp og í Garðabæ verður forsetasetrið á Bessastöðum lýst upp ásamt klukkuturninum í ráðhúsi Garðabæjar.

Fjölbreytt dagskrá verður í boði á safnanótt föstudaginn 3. febrúar frá kl. 18-23. Söfn í Garðabæ sem taka þátt eru Hönnunarsafn Íslands, Bókasafn Garðabæjar á Garðatorgi, burstabærinn Krókur en auk þess er stefnt að opnun í fornminjakjallarann á Bessastöðum. Á sundlauganótt verður opið í Álftaneslaug laugardaginn 4. febrúar frá kl. 18-23. Þar verður boðið upp á dagskrá auk þess sem aðgangur er ókeypis um kvöldið.

Dagskráin í Garðabæ verður kynnt með auglýsingu og umfjöllun í Garðapóstinum og einnig á vef Garðabæjar og fésbókarsíðu bæjarins. Einnig er kynning á vegum Höfuðborgarstofu þar sem viðburðir eru kynntir sameiginlega í fjölmiðlum og hver viðburður er kynntur sérstaklega á vef Vetrarhátíðar.

Menningar- og safnanefnd samþykkir að styðja við tónleikaröð kennara á vorönn 2017 með sams konar hætti og gert var á haustönn 2016. Stefnt er að tvennum tónleika kennara á vorönn og verið er að skoða dagsetningar.

Jazzhátíð er fyrirhuguð 20.-22. apríl 2017.

Eins og fyrri ár er stefnt að Jazzhátíð Garðabæjar með upphaf á Sumardaginn fyrsta eða nánar tiltekið dagana 20.-22. apríl 2017. Sigurður Flosason stýrir listrænni dagskrá og undirbúningur er hafinn. Upplýsinga- og menningarfulltrúi greindi var frá fyrstu hugmyndum um dagskrá á hátíðinni.

Áfram verður unnið að dagskrá og umræðu haldið áfram á næsta fundi.

Þrennir tónleikar eru fyrirhugaðir í Þriðjudagsklassík á vorönn 2017.

Klassíska tónleikaröðin Þriðjudagsklassík verður með þrenna tónleika á haustönn 2017 á þriðjudagskvöldum í sal Tónlistarskóla Garðabæjar. Ingibjörg Guðjónsdóttir er listrænn stjórnandi hátíðarinnar. Fyrir fundinum lágu drög að dagskrá tónleikaraðarinnar.

Upplýsinga- og menningarfulltrúa var falið að fylgja málinu eftir á grundvelli fyrirliggjandi gagna.

Farið yfir fyrstu hugmyndir að fræðslu- og sögugöngum í samstarfi við umhverfisnefnd og Bókasafn Garðabæjar.

Greint var frá fyrstu hugmyndum að fræðslu- og sögugöngum á árinu í samstarfi við umhverfisnefnd og Bókasafn Garðabæjar. Í fyrra var farið í margar fræðslu- og sögugöngur og þær tengdar afmælisári Garðabæjar. Góð aðsókn var í göngurnar og þær mæltust vel fyrir.

Umræða var um nauðsyn þess að festa dagsetningar með góðum fyrirvara til að geta kynnt allar fræðslu- og sögugöngur ársins í einu.

Erindi leikfélagsins Verðandi var tekið fyrir í bæjarráði Garðabæjar og vísað til bæjarstjóra og menningar- og safnanefndar.

Erindi leikfélagsins Verðandi um styrk vegna leiksýningarinnar Kalli og súkkulaðiverksmiðjan í Fjölbrautaskólaskólanum í Garðabæ vorið 2017 var tekið fyrir í bæjarráði Garðabæjar 10. janúar sl. og vísað til bæjarstjóra og menningar- og safnanefndar.

Menningar- og safnanefnd tekur jákvætt í erindið. Útfærsla á styrkveitingu verður skoðuð með það í huga að bjóða nemendum úr 10. bekk frítt á sýninguna.

Drög að endurskoðaðri umhverfisstefnu lögð fram til umsagnar.

Drög að endurskoðaðri umhverfisstefnu Garðabæjar lögð fram til kynningar og umsagnar.

Menningar- og safnanefnd gerir ekki athugasemdir við fyrirliggjandi drög að endurskoðaðri umhverfisstefnu.