2. fundur

Yfirlit yfir málaflokk fatlaðs fólk í Garðabæ.

Pála Marie Einrsdóttir, umsjónarþroskaþjálfi fór yfir glærur um stöðu málaflokks fatlaðs fólks í Garðabæ og svaraði fyrirspurnum fundarmanna.

Lagt fram til kynningar niðurstöður árlegrar þjónustukönnunar Gallup sem framkvæmd var í lok árs 2021 og byrjun árs 2022. Markmið könnunarinnar er að kanna ánægju með þjónustu 20 stærstu sveitarfélaga landsins og gera samanburð þar ásamt því að skoða breytingar frá fyrri mælingum.

Íbúakönnun - þjónustukönnun Gallup 2021. Í meginatriðum er niðurstaðan jákvæð í helstu málaflokkum og íbúar í heildina litið ánægðir með Garðabæ sem sveitarfélag til að búa í. Þjónusta við fatlað fólk er lítillega undir landsmeðaltali. Samráðshópur hvetur starfsmenn á fjölskyldusviði til að rýna frekar í niðurstöðu þjónustukönnunarinnar og nýta sem tækfæri til úrbóta.

Á fundi bæjarstjórnar Garðabæjar 15.9.2022 var samþykkt að fela bæjarstjóra í samráði við fjölskyldusvið Garðabæjar og samráðshóp um málefni fatlaðs fólks að leita til ráðgjafa um mótun tillögu að útfærslu og tímasetningu á rýnihópum notenda og aðstandenda um helstu þætti þjónustu Garðabæjar við fatlað fólk með það að markmiði að öðlast dýpri skilning á þörf þjónustuþega og kanna væntingar fólks til þjónustunnar. Með vinnu rýnihópanna verði leitast til að fá fram góðan og áreiðanlegan grunn til að vinna með til að bæta þjónustu við fatlað fólk í Garðabæ. Lagt skuli upp með að fundir rýnihópanna verði haldnir hið fyrsta og að samantekt úr vinnu hópanna liggi fyrir til kynningar í bæjarráði eigi síðar en tveimur vikum eftir að framkvæmd lýkur.

Tillaga um útfærslu og tímasetningu á rýnihópum notenda og aðstandenda um helstu þætti þjónustu Garðabæjar við fatlað fólk rædd. Samráðshópur lýsir yfir ánægju með framkomna tillögu og óskar þess að fá kynningu á samantekt úr vinnu hópanna í lok verkefnisins. Samráðshópurinn leggur áherslu á að rýnihópurinn endurspegli fjölbreyttan hóp fatlaðs fólks og aðstandenda.

Á fundi bæjarstjórnar Garðabæjar 15.9.2022 var samþykkt að fela fjölskyldusviði Garðabæjar í samráði við fjölskylduráð og samráðshóps um málefni fatlaðs fólks að yfirfara verklag við gerð áætlana um útvegun viðeigandi húsnæðis fyrir fatlað fólk, þ.m.t. aðgengi fatlaðs fólks og aðstandenda þeirra að upplýsingum um stöðu þeirra á biðlistum bæjarins. Stefnt skal að því að niðurstaða yfirferðar fjölskylduráðs og fjölskyldusviðs liggi fyrir til kynningar í bæjarráði eigi síðar en í lok nóvember n.k.

Snædís Björnsdóttir, lögfræðingur á fjölskyldusviði situr fundinn undir þessum lið og fer yfir núverandi verklag og svarar spurningum fundarmanna.

Fylgiskjöl

• Húsnæði fyrir fatlað fólk tillaga í bstj 15.sept 2022.pdf

Skýrsla starfshóps um heildarendurskoðun laga nr. 38/2018 sem unnin var af starfshóp skipuðum af félags- og barnamálaráðherra þann 21.01.2021.

SKýrslan starfshóps lögð fram til kynningar og umræðu.

Bréf frá umboðsmanni barna, dags. 28. jan. 2022 um mat á áhrifum ákvarðana sveitarfélaga á börn og réttur barna til þátttöku og áhrif.

Lagt fram til kynningar .

Brekkuás 11 búsetukjarni fyrir fatlað fólk.

Lagt fram til kynningar og umræðu.