13. fundur

Lögð fram tillaga að rammaskipulagi Lyngássvæðis og Hafnarfjarðarvegar. Tillagan er unnin af ráðgjafateymi sem samanstendur af arkitektastofunni Batteríinu, landlagsarkitektstofunni Landslagi og verkfræðistofunni Mannviti. Byggir tillagan á vinnistillögu í samkeppni um rammaskipulag svæðisins sem fram fór á síðasta ári.

Svæðið sem rammaskipulagið nær til er 22,1 ha og skiptist í Lyngássvæði L (14,8 ha) og Hafnarfjarðarvegarsvæði H (7,3 ha).

Á svæðinu öllu gerir rammaskipulagið ráð fyrir 950-1400 íbúðareiningum (L=500-750, H = 450-650). Einnig er gert ráð fyrir atvinnuhúsnæði sem nemur 22.000-38.000 m2. (L= 2.000-5.000 H= 20.000-33.000)

Lyngássvæðið skiptist í 6 reiti: L1,L2,L3,L4,L5 og L6. Reitur L6 er austan Hraunsholtslækjar við Ægisgrund.

Hafnarfjarðarvegarsvæði skiptist í 3 reiti: H1, H2 og H3. Reitur H3 er vestan Hraunholtslækjar við Lækjarfit.

Skipulagsnefnd samþykkir tillöguna sem rammaskipulag svæðisins og skal það verða grundvöllur deiliskipulagsgerðar sem unnin verður í áföngum.

Með bréfi, dags. 29. desember 2016 sótti Landsnet hf. um framkvæmdaleyfi innan lögsögu Garðabæjar fyrir byggingu Lyklafellslínu. Um er að ræða byggingu háspennulínu 220/400 kV frá Lyklafelli í Mosfellsbæ að Hamranesi í Hafnarfirði. Á móti verða fjarlægðar Hamraneslína 1 og 2, sem liggja frá Geithálsi um Heiðmörk að Hamranesi, og Ísallína 1 og 2, frá tengivirki við Hamranes að álverinu.

Í umsókninni er vísað til 13. og 14. gr. skipulaglaga nr. 123/2010, sbr. 6. og 7. gr. reglugerðar um framkvæmdaleyfi nr. 772/2012.

Umrædd framkvæmd er matskyld samkvæmt lögum um mat á umhverfiáhrifum nr. 106/2000 og er fyrirliggjandi álit Skipulagstofnunar, dags. 17. september 2009 ásamt matsskýrslu Landsnets, dags. 10. ágúst 2009. Framkvæmdin er í samræmi við aðalskipulag Garðabæjar.

Í málinu liggja fyrir eftirfarandi gögn.

Umsókn Landsnets um framkvæmdaleyfi, dags. 29.12.2016.

Matsskýrsla frá 10.08.2009.

Álit Skipulagsstofnunar, dags. 17.09.2009.

Starfsleyfi heilbrigðiseftirlits, dags. 09.06.2017.

Skýrsla Eflu - lýsing mannvirkja vegna útgáfu framkvæmdaleyfis, dags. í des. 2016.

Skýrsla Landsnets frá febrúar 2017 - fyrirhugaðar framkvæmdir við breytingar 2017-2019 á flutningskerfi við höfuðborgarsvæði.

Skýrsla Eflu um áhættumat vegna vatnsverndar.

Fulltrúar Landsnets hafa kynnt fyrirhugðar framkvæmdir á sameignlegum fundi skipulagsnefndar og umhverfisnefndar sem haldinn var fimmtudaginn 5. október sl. Við kynningu og umfjöllun um málið hefur verið farið yfir áhrif framkvæmdanna á vatnvernd og í starfsleyfi heilbrigðisnefndar eru sett skilyrði um verklag og mengunavarnir. Þá hefur einnig farið fram umræða um möguleika á að leggja jarðstreng en fyrir liggur umsögn Umhverfistofnunar um að stofnunin sé ekki hlynnt lagningu jarðstrengja í hraunum. Í því sambandi er m.a. bent á að loftlínur eru afturkræfari framkvæmdir í hraunum en jarðstrengir sbr. áætlanir um niðurrif Hamraneslínu 1 og 2. Það mat liggur einnig fyrir að lagning jarðstrengs er ekki ásættaleg lausn á þessu svæði m.t.t. hagsmuna vatnsverndar.

Skipulagnefnd telur því að jarðstrengir í línustæði Lykafellslínu séu ekki umhverfislega betri kostur en fyrirhuguð loftlína.

Meirihluti skipulagsnefndar samþykkir með vísan til 13. og 14. gr. skipulagslaga, sbr. reglugerð um framkvæmdaleyfi nr. 772/2012 að leggja til við bæjarstjórn að Landsneti hf. verði skuli veitt framkvæmdaleyfi fyrir Lyklafellslínu innan lögsögu Garðabæjar enda verði framkvæmdin eins og lýst er í framkvæmdaleyfisumsókn, fylgi- og hönnunargögnum, og matskýrslu. Lögð er áhersla á að dregið verði sem kostur er úr neikvæðum áhrifum á umhverfið og framkvæmdaleyfið bundið skilyrðum sem fram koma í matskýrslu Landsnets, áliti Skipulagsstofnunar, leyfi Umhverfisstofnunar og starfsleyfi heimbrigðisnefndar. Baldur Ó Svavarsson situr hjá við afreiðslu málsins.

Lögð fram tillaga að deiliskipulagi Lunda sem hefur verið forkynnt.

Skipulagsnefnd leggur til að eftirfarandi breytingar verði gerðar á tillögunni:

-að gert verði ráð fyrir rými fyrir 3 bíla á hverri einbýlishúsalóð

-að gert verði ráð fyrir rými fyrir 2 bíla á rað-og parhúslóðum

-að á uppdrætti verði sýnd 2 bílastæði fyrir hvert íbúðarhús (einbýlishús/rað-og parhús)

-að bygging bílageymslu á íbúðarhúsalóð verði valkvæð

-rafhleðslutenginar bifreiða skal staðsetja innan íbúðarhúslóða og hleðsla bifreiða skal fara fram innan lóðarmarka

-að eftirfarandi tilmælum verði bætt við um gróður: "Mælst er til þess að ekki verði plantað hávöxnum trjátegundum (öspum eða grenitrjám) í görðum íbúðarhúsa innan deiliskipulagssvæðisins. Mælst er til að trjágróður fari ekki upp fyrir mænishæð bygginga og áhersla sé lögð á lágvaxnar gróðurtegundir. Á lóðarmörkum er mælst til þess að eigendur gróðursetji runna sem ekki nái hærri hæð en 1,8 m.

Skipulagsnefnd samþykkir að vísa deiliskipulagtillögunni til auglýsingar með ofangreindum breytingum í samræmi við 1.mgr.41.gr.Skipulagslaga nr.123/2010.

Lögð fram byggingarleyfisumsókn að lokinni grennarkynningu. Erindi hefur borist frá nágrönnum þar sem lýst er efasemdum um aukið byggingarmagn á meðan að svo mikill trjágróður sé á lóðinni . Skipulagsnefnd gerir ekki athugasemd við að byggingarleyfi verði veitt þar sem ekki er gerð athugasemd við stækkun hússins í grenndarkynningu. Skipulagsnefnd beinir því til bæjarverkfræðings að rætt verði við umsækjanda um að umfang trjágróðurs á lóð hans verði minnkað.

Málinu frestað þar til að deiliskipulag Arnarness sem nú er í auglysingu hefur tekið gildi.

Málinu frestað þar til að deiliskipulag Arnarness sem nú er í auglysingu hefur tekið gildi.

Lögð fram umsókn bæjarverkfræðings um framkvæmdaleyfi fyrir ljósabúnaði 2 gervigrasvalla í Ásgarði og Bæjargarði skv. tillögu Landlags efh dags 3.10.2017. Hæð ljósastaura verði ekki hærri en 9,5 metrar. Um er að ræða völl sunnan við Garðfit í Bæjargarði og völl í Ásgarði vestan við lóð Flataskóla.

Skipulagsnefnd leggur til við bæjarstjórn að framkvæmdaleyfi verði veitt fyrir ljósabúnaði fyrir gervigrasvöllinn í Ágarði annarsvegar og Bæjargarði hinsvegar.

Engar athugasemdir eru gerðar við verklýsingu aðalskipulagsbreytingarferlisins.