9. fundur

Lögð fram tillaga að deiliskipulagi Urriðaholts Norðurhluta 3. Tillagan er unnin af Alta ehf, Landslagi ehf og Arkís ehf á vegum landeigenda í samvinnu við Garðabæ. Tillagan var í forkynningu frá 21.mars til 11.apríl sl. Haldinn var kynningarfundur á meðan forkynningu stóð. Tillagan er í fullu samræmi við aðalskipulag og rammaskipulag. Engar ábendingar bárust á meðan á forkynningu stóð.

Deiliskipulagið, sem nær til 9 ha svæðis, gerir ráð fyrir að hámarki 327 íbúðum í fjölbýli (3-5 hæðir) og rað- og parhúsum (1-2 hæðir), af mismundandi stærð í blandaðri byggð sem getur hentað fyrir alla aldurshópa. Við Urriðaholtsstræti verða fjölbýlishús með atvinnutengdri starfsemi á neðstu hæð sem snýr að götunni.

Skipulagsnefnd vísar tillögunni til auglýsingar í samræmi við 1.mgr. 41.gr. skipulagslaga nr. 123/2010.

Lagt fram erindi frá lóðarhafa þar sem óskað er eftir því að byggingarreitur efstu hæðar stækki um 28,5 m2.

Skipulagsnefnd metur breytinguna sem óverulega breytingu á deiliskipulagi Urriðaholts, norðurhluta 2 og vísar henni til grenndarkynningar. Grenndarkynna skal lóðarhöfum Dyngjugötu 1-3,5,7,9,11,13 og 15. Áður er tillagan er grennarkynnt skal liggja fyrir jákvæð umsögn deiliskipulagshöfundar og Urriðaholts ehf.

Lögð fram tillaga að óverulegri breytingu deiliskipulags Flata vegna áforma um stækkun einbýlishússins. Grenndarkynning hefur farið fram og engar athugasemdir voru gerðar. Breytingin skoðast því samþykkt.

Lögð fram fyrirspurn um breytingu deiliskipulags Akra sem nær til lóðarinnar við Akrabraut 1. Breytingin gerir ráð fyrir því að byggingareitur færist um 3,5 metra að Línakri og að kvöð verði sett sem banni umferð um syðri hluta lóðarinnar þar sem bygginging stendur.

Skipulagsnefnd leggur til að gert verði ráð fyrir göngutengingu frá bílastæðum að Línakri og að girðing og kvöð um gróður verði á vesturmörkum lóðar til að draga úr sjónrænum og truflandi áhrifum bílaumferðar á bílastæðinu.

Skipulagsnefnd leggur til að boðað verði til kynningar- og samráðsfundar með eigendum húsa við Línakur 2-12 og Línakur 3 um tillöguna.

Lagt fram. Súsanna B. Vilhjálmsdóttir lagði fram eftirfarandi bókun:

"Björt framtíð fagnar því að tillaga sem lögð var fram á bæjarstjórnarfundi 5.11.2015 um "að unnið verði á markvissari hátt að því að fjölga byggingu á litlum og ódýrum íbúðum í Garðabæ" sé tekin fyrir á skipulagsfundi. Í huga okkar er nauðsynlegt að bjóða upp á raunhæfa húsakosti fyrir ungt fólk og barnafólk með því að hefja samtalið strax við verktaka sem hafa óskað eftir lóðum til að byggja ódýrar íbúðir í Garðabæ t.d. í Lyngási"

Málinu frestað þar sem að ný umsókn hefur borist.

Lögð fram, að lokinni grenndarkynningu, umsókn um byggingarleyfi vegna og breytinga á einbýlishúsinu við Blikanes 14. Ein athugasemd hefur borist frá eigendum Blikaness 16 sem hafa áhyggjur af skerðingu sem verður á flatarmáli bílastæðis við breytinguna. Skipulagsnefnd gerir ekki athugasemd við að byggingarfulltrúi samþykki byggingarleyfið svo fremi sem gert verði ráð fyrir 3 bílastæðum á lóðinni meðfram lóðarmörkum að götu.

Lögð fram fyrirspurn um stækkun hússins að Stekkjarflöt 22. Tillagan gerir ráð fyrir stækkun byggingarreits að húsabaki. Skipulagsnefnd metur breytinguna sem óverulega breytingu á deiliskipulagi Flata og vísar henni til grenndarkynningar. Grenndarkynna skal eigendum Stekkjarflatar 20, 23 og 25 og Ungmennafélaginu Stjörnunni.