8. fundur

Lögð fram tilllaga að breytingu deiliskipulags Miðbæjar Garðabæjar efra svæðis sem nær til lóðarinna Garðatorg 6 (Lóð D). Tillaga gerir ráð fyrir því að á efri hæðum hússins sem er 3 hæðir með kjallara verði leyfilegt að vera með íbúðir ásamt skrifstofurýmum eða opinberri stofnun eins og gildandi deiliskipulag gerir ráð fyrir. Ekki verði skylt að vera með bílageymslur í kjallara en gert er ráð fyrir að íbúar hússins nýti sér bifreiðarstæði á lóðinni Garðatorg 7 B (lóð C) torg og bílakjallari. Byggingarmagn verði óbreytt.

Skipulagsnefnd leggur til að gert verði ráð fyrir bílakjallara undir byggingunni sem tengist bílakjallara að Garðatorgi 7B. Skipulagsnefnd heimilar kynningu tillögunnar í samræmi við 1.mgr. 43.gr. Skipulagslaga með ofangreindri breytingu.

Lögð fram fyrirspurn lóðarhafa um það hvort heimilað verði að reisa 3 einbýlishús á lóðinni Búðarflöt 2-4.

Skipulagsnefnd telur að tillagan falli ágætlega að byggðarmynstri svæðisins.Svarið er því jákvætt. Þar sem ekkert deiliskipulag er í gildi á svæðinu þarf að sækja um byggingarleyfi sem hægt verður að vísa í grenndarkynningu.

Lögð fram fyrrirspurn um tillögu að staðsetningu bílageymslu í norðausturhorni lóðarinnar Búðarflöt 1. Fyrir um 8 árum var tillaga að bílskýli á sama stað grenndarkynnt en ekkert varð úr framkvæmdum. Skipulagsnefnd telur að betur fari á því að staðsetja bílageymslu um 1 metra frá lóðarmörkum þar sem það sé meira í samræmi við byggðarmynstur hverfisins. Þar sem ekkert deiliskipulag er í gildi á svæðinu þarf að sækja um byggingarleyfi sem hægt verður að vísa í grenndarkynningu.

Lögð fram fyrirspurn um tillögu að sólskýli við íbúðarhúsið að Espilundi 11. Ekkert deiliskipulag telst í gildi í Lundum og því verður að leggja fram byggingarleyfisumsókn. Skipulagsnefnd heimilar grenndarkynningu tillögu sem er í samræmi við framlögð gögn í samræmi við 1.mgr.44.gr. Skipulagslaga.

Lögð fram tillaga að breytingu á deiliskipulagi Vesturhluta Urriðaholts sem nær til fjölbýlishúsalóðarinnar Holtsvegur 51 ásamt umsögn deiliskipulagshöfundar. Tillagan gerir ráð fyrir því að íbúðum fjölgi um eina, úr 16 í 17 íbúðir. Í stað 4-5 hæða byggingar þar sem fremri hluti byggingar var fjórar hæðir en aftari hluti 5 hæðir verður byggingin 5 hæðir þar sem fremri hluti 5. hæðar er inndregin að hluta. Bílastæðum á lóð fjölgar úr 32 stæðum í 34 stæði. Bílageymslum á lóð fjölgar úr fjórum í fimm. Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga nr. 123/2010.

Lögð fram tillaga að breytingu deiliskipulags Vesturhluta Urriðaholts sem nær til lóðarinnar Hraungata 13 ásamt umsögn deiliskipulagshöfundar. Tillögunni og umsögn deiliskipulagshöfundar er vísað til frekari skoðunar hjá tækni og umhverfissviði.

Lögð fram fyrirspurn lóðarhafa að parhúsinu Krókamýri 62 og 64 hvort leyft verði að byggja ofan á bílageymslur sem tengja húshlutana saman. Bent er á að í parhúsinu Krókamýri 70-72 var á sínum tíma heimilað að byggja ofan á bílageymslur. Þar sem að ekki er deiliskipulag í gildi á svæðinu heimilar skipulagsnefnd að byggingarleyfisumsókn sem er í samræmi við framlögð gögn verði vísað til grenndarkynningar í samræmi við 1.mgr.44.gr. Skipulagslaga.

Baldur Ó Svavarsson vék af fundi undir þessum lið.

Lagt fram til kynningar.