13. fundur

Ómar Ívarsson skipulagsráðgjafi hjá Landslagi ehf kynnti afrakstur undirbúnings og greininga á forsendum deiliskipulagvinnunnar. Ljóst að útfærsla deiliskipulagsins getur kallað á aðalskipulagsbreytingu. Vísað til frekari úrvinnslu hjá skipulagsráðgjafa og tækni-og umhverfissviði.

Málið tekið fyrir að nýju eftir að Hornsteinar hafa uppfært greinargerð deiliskipulags Arnarness eftir ábendingar Skipulagsstofnunar í bréfi frá 28. maí síðastliðinn. Frá því að málið var tekið fyrir síðast hefur greinargerðin verið uppfærð, vinnu við húsakönnun er lokið og umsögn Minjastofnunar liggur fyrir auk þess sem búið er að uppfæra fornleifaskráningu í samræmi við gildandi staðla.

Lagt er fram deiliskipulag Arnarness, greinargerð og skipulagsskilmálar, deiliskipulagsuppdráttur, skýringaruppdráttur og húsakönnun. Ásamt bréfi Skipulagsstofnunar, dags. 28. maí 2018, og drög að bréfi til Skipulagsstofnunar vegna málsins. Einnig er umsögn Minjastofnunar lögð fram, tölvupóstur dags. 15.10.2018.

Það er mat skipulagsráðgjafa að breytingarnar kalli ekki á endurauglýsingu. Skipulagsnefnd tekur undir mat skipulagsráðgjafa samþykkir framlagðar breytingar og vísar málinu til bæjarráðs og bæjarstjórnar.

Guðbjörg Brá Gísladóttir greindi frá samræðum við Vegagerðina um útfærslur á endurbótum Hafnarfjarðarvegar og gatnamóta við Vífilsstaðaveg. Vísað til frekari vinnslu hjá tækni-og umhverfissviði.

Lögð fram tillaga að reiðskemmu hestamannafélagsins Sóta að lokinni grenndarkynningu byggingarleyfisumsóknar ásamt athugasemdum sem borist hafa. Lögð fram greinargerð hestamannafélagsins þar sem brugðist er við innsendum athugasemdum.

Það er mat tækni-og umhverfissviðs að ekki sé skynsamlegt að lækka bygginguna í landi vegna vatnsstöðu á svæðinu.

Skipulagsnefnd leggur til að við veitingu byggingarleyfis verði sett það skilyrði að litir reiðskemmunnar sé í skala jarðlita og að jarðvegsmótun umhverfis bygginguna dragi úr sjónrænum áhrifum byggingarinnar.

Að uppfylltum ofan greindum atriðum gerir skipulagsnefnd ekki athugasemd við að byggingarleyfi verði veitt sbr.44.gr.Skipulagslaga nr.123/2010.

Baldur Ó. Svavarsson sat hjá við afgreiðslu málsins.

Lögð fram umsögn Umhverfisstofnunar vegna tillagna að sjóvörnum við Hliðsnes og Blikastíg.

Skipulagsnefnd samþykkir að Vegagerðinni verði framkvæmdaleyfi fyrir sjóvörnum þeim sem tillagan gerir ráð fyrir við Hliðsnes og Blikastíg í eins og þeim er lýst í fyrirliggjandi gögnum og í samræmi við 13.gr.Skipulagslaga nr.123/2010.

Lögð fram umsókn um deiliskipulagsbreytingu og umsögn deiliskipulagshöfundar. Umsókn gerir ráð fyrir aukningu byggingarmagns lóðarinnar sem nemur gluggalausum rýmum á neðri hæð. Frágangur lóðarinnr er með þeim hætti að á aftari hluta neðri hæðar yrði að fylla upp í gluggalaus rými til þess að uppfylla ákvæði um heildar byggingarmagn. Grenndaráhrif viðbótarrýma er hverfandi. Vísað til skipulagsstjórat til frekari skoðunar og til afgreiðslu.

Lögð fram öðru sinni tillaga að deiliskipulagsbreytingu á lóðinni Dýjagata 15. Starfsmenn tækni-og umhverfissviðs hafa boðað þann aðila sem gerði athugasemd til viðtals en því var hafnað.

Lagöar fram þrívíddarmyndir arkitekts og höfundar fyrirliggjandi tillögu sem sýnir áhrif deiliskipulagsbreytingarinnar.

Skipulagsnefnd telur að áhrif breytingarinnar á aðliggjandi hús séu frekar til bóta frekar en baga.

Skipulagsnefnd samþykkir breytingartillöguna sem óverulega breytingu á deiliskipulagi Urriðaholts Vesturhluta í samræmi við 2.mgr.44.gr.Skipulagslaga.

Skipulagsnefnd gerir ekki athugasemd við tillöguna.

Skipulagsnefnd gerir ekki athugasemd við tillöguna.