4. fundur

Sveinn Bjarki Þórarinsson arkitekt hjá Batteríinu kynnti drög að tillögu deiliskipulags háholts Hnoðraholts, sem gera ráð fyrir íbúðarbyggð í sérbýli og tilfærslu á lóðum leikskóla og búsetukjarna sem deillskipulag Hnoðraholts norður gerir ráð fyrir.

Skipulagsnefnd vísar drögunum til frekari mótunar hjá ráðgjöfum og umhverfissviði og felur skipulagsstjóra að undirbúa tillögu að breytingu Aðalskipulags Garðabæjar 2016-2030 sem tillagan kallar á.

Sveinn Bjarki Þórarinsson arkitekt hjá Batteríinu kynnti tillögu að breytingu deiliskipulags Vetrarmýrar sem gerir ráð fyrir auknu rými fyrir verslun og þjónustu undir áhorfendastúkum leikvangs sem eflir kjarna Vetrarmýrar fyrir fjölbreytta starfsemi. Tillagan gerir einnig ráð fyrir starfsemi hjúkrunarheimilis í tengslum við íbúðir fyrir aldraða.

Skipulagsnefnd vísar tillögunni til áframhaldandi mótunar hjá skipulagsráðgjöfum og umhverfissviði.

Drífa Árnadóttir skipulagsráðgjafi hjá Alta og Jón Pálmi Guðmundsson framkvæmdastjóri kynntu hugmyndir Urriðaholts ehf um hugmyndasamkeppni um uppbyggingu á háholti Urriðaholts sem munu kalla á breytingar á deiliskipulagi.

Vísað til áframhaldandi mótunar hjá Urriðaholti ehf, ráðgjöfum og umhverfissviði Garðabæjar.

Drífa Árnadóttir skipulagsráðgjafi hjá Alta og Jón Pálmi Guðmundsson framkvæmdastjóri Urriðaholts ehf kynntu drög að tillögu að breytingu deiliskipulags Urriðaholts norður 4. áfanga sem nær til lóðanna Urriðaholtsstræti 1-7 sem eru enn óbyggðar.

Vísað til áframhaldandi mótunar hjá Umhverfissviði, Urriðaholti ehf og skipulagsráðgjafa.

Lögð fram tillaga að deiliskipulagi íþróttasvæðis, golfvallar og útivistarskógar í Vetrarmýri og Smalaholti, að lokinni forkynningu, ásamt þeim ábendingum og umsögnum sem borist hafa.

Skipulagsnefnd vísar framlögðum gögnum til úrvinnslu hjá skipulagsráðgjafa og umhverfissviði.

Lögð fram hugmynd um útfærslu einbýlishúss sem lagar sig að ákvæðum deiliskipulags. Skipulagsnefnd gerir ekki athugasemd við tillöguna en leggur áherslu á að lóðaruppdrættir fylgi umsókn um byggingarleyfi sem sýni m.a. hvernig ganga skuli frá lóðarmörkum .

Lagðir fram aðaluppdrættir sem fylgja umsókn um byggingarleyfi fyrir atvinnuhúsnæði að lóðinni Skeiðarás 6 sem er óbyggð. Lóðin er innan þróunarsvæðis A sem er skilgreint í Aðalskipulagi Garðabæjar 2016-2030 en nú er unnið að tillögu að breytingu Aðalskipulags sem nær til sama svæðis sem verður sett fram sem rammahluti aðalskipulags. Vísað til skoðunar hjá umhverfissviði.

Lögð fram fyrirspurn um hugmynd að breytingu á lóðarmörkum lóðanna Teistunes 1 og Þernunes 5.

Skipulagsnefnd bendir á að breytingin hefur í för með sér breytingar á byggingarreit lóðarinnar Þernunes 5 auk þess sem mögulegt byggingarmagn þeirrar lóðar skerðist en eykst að sama skapi að Teistunesi 1.

Vísað til skoðunar hjá Umhverfissviði.

Lögð fram fyrirspurn lóðarhafa um viðbyggingu austan við núverandi hús.

Skipulagsnefnd gerir ekki athugasemd við hugmyndina enda virðist viðbyggingin vera innan byggingarreits samkvæmt meðfylgjandi skissu.

Lögð fram fyrirspurn um útfærslu breytinga á einbýlishúsinu Sviðholtsvör 9. M.a. er gert ráð fyrir baðhúsi utan byggingarreits í suðausturhorni lóðar sem nær að lóðarmörkum.

Skipulagsnefnd bendir á að útfærsla með þessu móti kallar á breytingu deiliskipulags sem sækja þarf um og leggja fram gögn sem skýra málið betur.

Lögð fram tillaga að óverulegri breytingu deiliskipulags Hraunsholts eystra að lokinni grenndarkynningu ásamt athugasemd sem borist hefur.

Vísað til úrvinnslu hjá Umhverfissviði.

Lögð fram umsókn um byggingarleyfi fyrir viðbyggingu, kaldri geymslu, norðan við þjónustuhús Olís við Hafnarfjarðarveg. Ekkert deiliskipulag er í gildi á svæðinu og starfsemi bensínstöðvar því víkjandi. Minni viðbygging stendur á sama stað sem verður fjarlægð.

Skipulagsnefnd gerir ekki athugasemd við umsóknina enda er hún í samræmi við núverandi nýtingu og þéttleika á lóðinni sbr. 1. mgr. 44. gr. skipulagslaga. Með vísan í 2. ml 3. mgr. sömu greinar er grenndarkynning felld niður þar sem að umsókn varðar ekki hagsmuni annarra en umsækjanda og sveitarfélagsins.

Snædís Björnsdóttir lögfræðingur á fjölskyldusviði kynnti aðgerðaráætlun Garðabæjar í jafnréttismálum 2024-2026.

Fundargerð lögð fram.

Fundargerð lögð fram.