5 (22-26). fundur

Finnur Ingimarsson frá Náttúrufræðistofnun Kópavogs kynnti rannsókn sem farið var í við ylströndina á sjálandi til að kanna orsök hugsanlegrar mengunar. Þar hefur ítrekað orðið vart við brák á sjónum af óþekktum uppruna og höfðu kajakræðarar orðið hennar varir og tilkynnt. Meginniðurstöður þessara athugana eru þær að mestar líkur séu á að froðan myndist við öldurót vegna uppleystra lífrænna leifa, próteina og fitu. Svona froðumyndun er algeng, lífið er allt í hringrás, lífverur fæðast og vaxa og þær deyja og brotna niður, rotna, fyrir tilstilli niðurbrotsensíma og örvera. Við niðurbrotið leysast prótein og fita úr vefjum lífveranna og við hreyfingu eins og öldurót draga loftbólur þessi efni út í froðu eða skán sem leggst á yfirborð vatnsins. Við Ylströndina er frekar skýlt og væntanlega verður því meira vart við skán en froðu. Á lygnum dögum sérstaklega í logni eða ef vindur er vestanstæður getur þetta safnast upp á staðnum.

Páll Stefánsson heilbrigðisfulltrúi kynnti fyrir nefndinni starfsemi heilbrigðiseftirlitsins.

Mengunarmælingar lagðar fram.

Umhverfisnefnd leggur áherslu á að Garðabær eignist færanlega loftgæðastöð líkt og önnur sveitafélög á höfuðborgarsvæðinu.

Fylgiskjöl

• Gbær-ylströnd-Minnisblað-120922-1.docx
• Sjáland 2022_Gunnar St.pdf

Lagt fram og umhverfisnefnd tekur undir áskorun skógræktarfélagsins til SSH og innviðaráðuneytis um að hrinda í framkvæmd gerð Græna stígsins ofan höfuðborgarsvæðisins í samstarfi við skógræktarfélög á svæðinu.

Sótt er um styrk í landsáætlun um uppbyggingu innviða með Umhverfisstofnun um breikkun á stíg í kringum Vífilsstaðarvatn og brú og því var fallið frá því að sækja um styrk í framkvæmdarsjóð ferðamannastaða.

Aðgerðaráætlun uppfærð.

Umhverfisnefnd tekur undir mikilvægi þess að draga úr losun koltvíoxið. Brýnt er að sveitarfélagið beri ábyrgð í nútíð og framtíð og leiti sífellt leiða til að draga úr losun koltvíoxið. Ýmis tækifæri eru fyrir hendi til að kolefnajafna í rekstri sveitarfélagsins. Umhverfisnefnd leggur til að við gerð fjárhagáætlunar verði horft til aðgerða sem draga úr losun koltvíoxís ásamt því að sveitarfélagið leiti markvisst tækifæra til að kolefnisjafna í rekstri sveitarfélagsins.

Umhverfisnefnd leggur fram tillögur til fjárhagsáætlunar 2023.

Lagt fram til kynningar.