Loftlagsstefna Garðabæjar

Aðgerðaráætlun uppfærð.

Farið yfir loftlagsstefnu Garðabæjar og aðgerðaráætlun. Aðgerðaráætlun verður uppfærð við gerð fjárhagsáætlunar í haust.

Lögð fram til kynningar.

Mál nr 1911396. Loftlagsstefna Garðabæjar lögð fram til kynningar og umræðu.

Mál nr. 1911396 lagt fram til kynningar, loftlagsstefna Garðabæjar. Guðbjörg Brá Gísladóttir, deildarstjóri verkefna- og umhverfis situr fundinn undir þessum lið, kynnir stefnuna og aðgerðaráætlun og svarar spurningum fundarmanna. Öldungaráð þakkar góða kynningu og lýsir yfir ánægju með framlagða loftlagsstefnu Garðabæjar.

Loftlagsstefna Garðabæjar var samþykkt í bæjarstjórn 16 desember síðastliðin. Stefnan verður sett inn á vef Garðabæjar þegar uppsetningu er lokið.

Guðbjörg Brá Gísladóttir deildarstjóri umhverfissviðs kynnti loftslagsstefnu Garðabæjar.

Jóna Sæmundsdóttir, gerði grein fyrir tillögu umhverfisnefndar um loftslagsstefnu Garðabæjar sem á að gilda fyrir stofnanir bæjarins. Með stefnunni stefnir Garðabær á að vera til fyrirmyndar í loftslagsmálum með því að draga markvisst úr losun gróðurhúsalofttegunda frá starfsemi bæjarins.

Jóna þakkaði umhverfisnefnd og starfsmönnum bæjarins fyrir þeirra þátt í undirbúningi og vinnu við gerð stefnunnar.

Sara Dögg Svanhildardóttir, tók til máls.

Guðfinnur Sigurvinsson, tók til máls.

Ingvar Arnarson, tók til máls.

Guðfinnur Sigurvinsson, tók til máls að nýju.

Jóna Sæmundsdóttir, tók til máls að nýju.

Áslaug Hulda Jónsdóttir, tók til máls.

Gunnar Valur Gíslason, tók til máls .

Sara Dögg Svanhildardóttir, tók til máls að nýju.

Áslaug Hulda Jónsdóttir, tók til máls að nýju.

Bæjarstjórn samþykkir samhljóða loftslagsstefnu Garðabæjar.

Bæjarráð vísar tillögu umhverfisnefndar um loftlagsstefnu Garðabæjar til afgreiðslu bæjarstjórnar. Um er að ræða loftlagsstefnu til að gilda fyrir stofnanir bæjarins.

Fylgiskjöl

• Loftlagsstefna Garðabæjar2021_drög211209.pdf

Loftlagsstefna Garðabæjar hefur verið í kynningu í nefndum Garðabæjar. Tillit hefur verið tekið til ábendinga sem þar komu fram og Umhverfisnefnd samþykkir stefnuna og vísar henni til samþykktar hjá bæjarráði og bæjarstjórn.

Guðbjörg Brá Gísladóttir deildarstjóri umhverfis og framkvæmdasviðs kynnir nýja loftslagsstefnu Garðabæjar.

Guðbjörg Brá Gísladóttir deildarstjóri umhverfis og framkvæmdasviðs kynnti nýja loftslagsstefnu Garðabæjar. Stefnan gildir fyrir eigin rekstur í stofnunum bæjarins. Loftslagsstefna íbúa er sameiginleg á höfuðborgarsvæðinu og verður gefin út á næstunni.

Guðbjörg Brá Gísladóttir deildarstjóri umhverfis og framkvæmda gerði grein fyrir tillögu að Loftlagsstefnu Garðabæjar.
Skipulagsnefnd bendir á að í Aðalskipulagi Garðabæjar 2016-2030 er gert ráð fyrir umstalverðri íbúafjölgun í sveitarfélaginu næstu árin sem þarf að taka tillit til í gerð loftslagsstefnu Garðabæjar.

Drög að loftslagsstefnu Garðabæjar lögð fram til kynningar. Garðabær stefnir á að vera til fyrirmyndar í loftslagsmálum með því að draga markvisst úr losun gróðurhúsalofttegunda frá starfseminni og þeim áhrifum sem losunin hefur í för með sér. Aðalmarkmið stefnunnar eru fjórþætt. Vísað er til fylgiskjala málsins.

Tekið er fyrir mál nr. 1911396, drög að loftlagsstefnu Garðabæjar lögð fram og rædd. Fjölskylduráð fagnar framlagðri stefnu og að sett séu fram skýr markmið við gerð stefnunnar.

Fylgiskjöl

• Yfirmarkmið loftslagsstefnu.JPG
• Loftlagsstefna Garðabæjar2021_drög.pdf

Fyrir fundinum lá tillaga umhverfisnefndar að loftslagsstefnu Garðabæjar ásamt aðgerðaáætlun en umhverfisnefnd samþykkti á fundi sínum 12. nóvember sl. að senda stefnuna til kynningar í nefndum bæjarins og í framhaldi til samþykktar í bæjarstjórn.

Fylgiskjöl

• Loftlagsstefna Garðabæjar2021_drög.pdf
• Loftlagsstefna Garðabæjar2021_aðgerðaráætlun_Drög.xlsx

Loftlagsstefna Garðabæjar samþykkt og verður send til kynningar hjá nefndum og í framhaldi til samþykktar hjá bæjarstjórn.

Vinna við mótun loftlagsstefnu Garðabæjar, fyrir stofnanir og innri rekstur Garðabæjar.

Tímalína kynnt um gerð loftlagsstefnu, vinna við hana er hafin og stefnt er á að stefnan verði samþykkt í bæjarstjórn í desember.

Deildastjóri umhverfis og framkvæmda greindi frá vinnu við gerð verkfærakistu til sem ætlað er að efla og styðja íslensk sveitarfélög til að vinna aðgerðamiðaða stefnumótun í loftslagsmálum, fylgja henni eftir og vakta árangur sinn. Sveitarfélög munu einnig geta kortlagt árangursríkar aðgerðir til að draga úr losun frá sínum rekstri.

Loftlagsmál eru mikilvægur þáttur í umhverfismálum Garðabæjar enda er það eitt af áherslumálum ríkisstjórnarinnar. Umhverfisnefnd vísar vinnu við gerð loftlagsstefnu Garðabæjar til umhverfis- og tæknisviðs og að gerð verði aðgerðaráætlun um samdrátt í losun. Markmiðið með stefnunni er að Garðabær verði kolefnishlutlaus árið 2040.