36. fundur

Hulda Hauksdóttir kynnir stefnuna sem er í umræðuferli hjá nefndum bæjarins.

Fyrir fundinum lágu drög að endurskoðaðri lýðræðisstefnu Garðabæjar ásamt drögum að viðaukum. Lýðræðisstefnan er unnin af þverfaglegum starfshópi starfsfólks í samráði við fjölskylduráð Garðabæjar.

Hulda Hauksdóttir upplýsingastjóri kynnti endurskoðun á lýðræðisstefnunni sem er í umsagnarferli hjá nefndum bæjarins og greindi frá því að fulltrúar í nefndum hafi tækifæri til að koma ábendingum og athugasemdum á framfæri við úrvinnslu stefnunnar áður en hún verður lögð fyrir bæjarstjórn til samþykktar. Hulda fór af fundi í lok kynningar.

Menningar- og safnanefnd lýsir yfir ánægju sinni með fyrirliggjandi drög að endurskoðaðri lýðræðisstefnu Garðabæjar.

Fylgiskjöl

• Lýðræðisstefna Garðabæjar til umsagnar_bréf201021
• LýðræðisstefnaGarðabæjar_drög_október2021.pdf
• Lýðræðisstefna Garðabæjar_fylgiskjal_Aðgerðaráætlun_í vinnslu.pdf
• Viðauki við lýðræðisstefnu Garðabæjar_leiðir til að hafa áhrif.pdf
• Lýðræðisstefna_viðauki -lög og reglugerðir.pdf

Menningarfulltrúi sagði frá menningardagskrá fyrir skólahópa á vorönn og haustönn 2021 en þrátt fyrir heimsfaraldur hefur mikill fjöldi skólahópa og barna notið dagskrár á Hönnunarsafni Íslands, Tónlistarskóla Garðabæjar, Bókasafni Garðabæjar og á Barnamenningarhátíð Garðabæjar 2021. Menningarfulltrúi þakkaði skólastjórnendum og kennurum fyrir frábærar viðtökur og afar gott samstarf sem hefur leitt til geysimikillar þátttöku skólahópa í menningardagskránni í ár.

Menningarfulltrúi tilkynnti að fyrirhuguðum tónleikum grunn- og miðstigsnemenda í grunnskólum bæjarins nú í nóvember hafi verið festað um óákveðinn tíma vegna samkomutakmarkana.

Farið var yfir áform um menningardagskrá fyrir skólahópa í Garðabæ á vorönn 2022 þar sem m.a. verður á dagskrá Barnamenningarhátíðar verkefni tengt minjagarðinum á Hofsstöðum sem fengið hefur styrk frá Þjóðræknifélagi Íslendinga.

Fylgiskjöl

• Menningardagskrá fyrir skólahópa skólaárið 2021 og 22.docx

Vegna samkomutakmarkana verður ekki mögulegt að halda tónleika á Garðatorgi undir merkjum Tónlistarveislu í skammdeginu eins og fyrirhugað var þann 18. nóvember 2021. Söngkonan GDRN ásamt hljómsveit ætlaði að koma fram en viðburðurinn bíður þangað til heimildir til samkomuhalds verða rýmkaðar á ný.

Fylgiskjöl

• frestað.jpg

Aðventuhátíð aflýst

Aðventuhátíð Garðabæjar sem menningar- og safnanefnd hafði boðið fjölskyldum í Garðabæ til á Garðatorgi þann 27. nóvember 2021 í samvinnu við Hönnunarsafn Íslands og Bókasafn Garðabæjar hefur verið aflýst vegna samkomutakmarkana. Menningarfulltrúi mun nú leita annarra leiða til að veita börnum í Garðabæ tækifæri til að fagna upphafi aðventu í ár. Til skoðunar er að fá leikskólabörn til að tendra ljósin á jólatré Garðabæjar og að gera þeim dagamun með einhverjum hætti í kjölfarið.

Fylgiskjöl

• MG014_Augly´sing_aðventuha´ti´ð01.pdf

Breyting á reglum og aðkoma ungmennaráðs

Menningarfulltrúa falið að móta tillögu að endurskoðuðum reglum um úthlutun úr Hvatningarsjóði fyrir unga listamenn í Garðabæ með það að leiðarljósi að ungir hönnuðir komi þar einnig til álita við úthlutun styrkja jafnframt því að skoðaðir verði möguleikar á að veita ungmennaráði bæjarins hlutverk í verkefninu, t.d. þegar farið er yfir umsóknir sem berast um framlag úr sjóðnum.

Sviðstjóri fræðslu- og menningarsviðs fór yfir þann hluta fyrirliggjandi frumvarps að fjárhagsáætlun Garðabæjar 2022 sem snýr að menningarmálum en fjárhagsáætlunin var til fyrri umræðu í bæjarstjórn 4. nóvember sl.

Fyrir fundinum lá tilkynning heilbrigðisráðuneytisins dags. 09.09.2021 varðandi fyrstu áfangaskýrslur um óbein áhrif Covid-19 á íslenskt samfélag. Skýrslurnar lágu frammi og voru ræddar.

Menningar- og safnanefnd er einhuga um að áframhaldandi menningardagskrá verði í boði fyrir skólahópa á öllum stigum í skólum Garðabæjar. Nefndin leggur einnig mikla áherslu á að unglingum í bænum verði boðið að taka þátt í dagskrá við sitt hæfi en fram kemur í fyrirliggjandi gögnum að sá hópur hafi átt sérstaklega erfitt uppdráttar í heimsfaraldrinum.

Menningar- og safnanefnd mun þannig áfram leitast við að leggja jákvætt lóð á vogaskálarnar í bæjarlífinu með ríkulegri menningardagskrá fyrir grunnskólabörn á komandi árum.

Fylgiskjöl

• Bæjarráð Garðabæjar - 34. (1992) (14.9.2021) - Tilkynning heilbrigðisráðuneytisins varðandi fyrstu áfangaskýrslur um óbein áhrif COVID-19 á samfélagið, dags. 09.09.21.
• Fyrstu áfangaskýrslur um óbein áhrif COVID-19 - 09.09.2021.doc
• 1. a´fangasky´rsla_Mat a´ a´hrifum COVID-19 a´ ly´ðheilsu_7.sept.21.pdf
• Geðheilsuvaktin -a´fangasky´rsla 11.5.21.pdf

Fyrir fundinum lá tillaga umhverfisnefndar að loftslagsstefnu Garðabæjar ásamt aðgerðaáætlun en umhverfisnefnd samþykkti á fundi sínum 12. nóvember sl. að senda stefnuna til kynningar í nefndum bæjarins og í framhaldi til samþykktar í bæjarstjórn.

Fylgiskjöl

• Loftlagsstefna Garðabæjar2021_drög.pdf
• Loftlagsstefna Garðabæjar2021_aðgerðaráætlun_Drög.xlsx