14. fundur

Þráinn Hauksson og Halldóra Narfadóttir hjá Landslagi ehf kynntu drög að deiliskipulagi Vífilsstaðahrauns.

Vísað til frekari mótunar hjá ráðgjöfum og tækni-og umhverfissviði.

Lögð fram tillaga að breytingu deiliskipulags Hnoðraholts norður sem nær til íbúarbyggðar í Þorraholti.

Tillagan gerir ráð fyrir breytingu á byggingarreitum sem hafa það að markmiði að bæta búsetugæði íbúðanna. Byggingarmagn breytist ekki en fjöldi íbúða getur orðið á bilinu 180-220 í stað 200 áður.

Fjarlægð byggingareita næst núverandi byggð í Hnoðraholti breytist ekki.

Tillagan hefur verið kynnt fulltrúum íbúa í Hnoðraholti.

Fallið er frá verkefnislýsingu og forkynningu í samræmi við 40.gr.skipulagslaga nr.123/2010 þar sem allar forsendur eru til staðar í aðalskipulagi sem er sett fram sem rammahluti.

Skipulagsnefnd vísar tillögunni til auglýsingar í samræmi við 1. mgr. 43. gr. skipulagslaga nr. 123/2010 og 41. gr. sömu laga.

Ssipulagsstjóri fer yfir forsendur tillögu að breytingu aðalskipulags Garðabæjar sem kallar á breytingu vaxtamarka í svæðisskipulagi.

Skipulagsstjóri greinir frá ákvörðun tækni- og umhverfissviðs að fresta kynningarfundi sem fara átti fram í dag. Ástæðan er staðan í faraldrinum og samkomutakmarkanir. Tilkynnt hefur verið að fundurinn muni fara fram eftir áramót.

Skipulagsnefnd leggur til að fundurinn verði haldinn fimmtudaginn 13. janúar 2022 og athugasemdafrestur verði framlengdur til 27. janúar.

Skipulagsstjóri greinir frá ákvörðun tækni- og umhverfissviðs að fresta kynningarfundi sem fara átti fram í dag. Ástæðan er staðan í faraldrinum og samkomutakmarkanir. Tilkynnt hefur verið að fundurinn muni fara fram eftir áramót.

Skipulagsnefnd leggur til að fundurinn verði haldinn fimmtudaginn 13. janúar 2022 og athugasemdafrestur verði framlengdur til 27. janúar.

Lögð fram tillaga að að óverulegri breytingu deiliskipulags Arnarness sem nær til lóðarinar Blikanes 6 að lokinni grenndarkynningu. Tillagan gerir ráð fyrir stækkuðum byggingarreit á bakhluta lóðar til norðausturs.

Engar athugasemdir bárust. Tillagan skoðast því samþykkt sem óveruleg breyting deiliskipulags Arnarness.

Lögð fram tillaga að óverulegri breytingu deiliskipulags lóðarinnar Hraunhólar 8 að lokinni grenndarkynningu.

Vegna mistaka voru ný lóðarmörk ekki sýnd eins og lóðarhafi hafði óskað eftir. Gerði umsækjandi því athugsemd við grenndarkynninguna.

Þar sem að lagfæring lóðarmarka varðar ekki hagsmuni annarra en umsækjanda og sveitarfélagsins samþykkir skipulagsnefnd lagfæringu á tillögunni hvað varðar lóðarmörk og lögun byggingarreits.

Skiplagsnefnd samþykkir tillöguna með ofangreindri breytingu sem óverulega breytingu deiliskipulags Hraunsholts eystra í samræmi við 41. gr. skipulagslaga nr. 123/2010.

Lögð fram tillaga að breytingu deiliskipulags sem gerir ráð fyrir stækkun byggingarreits á baklóð.

Skipulagsnefnd metur breytinguna sem óverulega breytingu deiliskipulags Iðnbúðar/Smiðsbúðar samkvæmt 2. mgr. 43. gr. skipulagslaga nr. 123/2010 og vísar til grenndarkynningar í samræmi við 44. gr.sömu laga.

Grenndarkynna skal eigendum Iðnbúðar 4 og 8 og Gilsbúðar 3, 5 og 7.

Fyrirspurn vísað til skoðunar hjá tækni- og umhverfissviði.

Grenndarkynningu lýkur 10. nóv 2021

Lögð fram tillaga að að óverulegri breytingu deiliskipulags Arnarness sem nær til lóðarinar Blikanes 22 að lokinni grenndarkynningu. Tillagan gerir ráð fyrir stækkuðum byggingarreit á suðausturhluta hússins.

Engar athugasemdir bárust. Tillagan skoðast því samþykkt sem óveruleg breyting deiliskipulags Arnarness.

Lögð fram umsókn tækni- og umhverfissviðs um framkvæmdaleyfi fyrir uppsetningu aðkomutákns við mörk Garðabæjar og Hafnarfjarðar við Reykjanesbraut að sunnanverðu.

Skipulagsnefnd samþykkir veitingu framkvæmdaleyfis fyrir uppsetningu aðkomutákns í samræmi við 13. gr. skipulagslaga nr. 123/2010 með fyrirvara um jákvæða umsögn Vegagerðarinnar.

Lögð fram tillaga að breytingu deiliskipulags sem gerir ráð fyrir því að byggingarreitur fyrir leyfileg innskot/útskot stækki.

Með vísan í fyrri afgreiðslur málsins hafnar skipulagsnefnd tillögunni.

Lögð fram tillaga að breyting deiliskipulags Urriðaholts vesturhluta sem gerir ráð fyrir að göngustígur frá Mosagötu að göngustíg á milli lóða við Mosagötu og Holtsveg falli út ásamt leiksvæði. Um leið breytast mörk lóðarinnar Mosagata 4 sem stækkar til norðvestur.

Skipulagsnefnd vísar tillögunni til auglýsingar í samræmi við 41. gr. skipulagslaga nr. 123/2010.

Lögð fram fyrirspurn lóðarhafa og húsbyggjanda um útfærslu 1. hæðar ásamt umsögn deiliskipulagshöfundar.

Með vísan í umsögn deiliskipulagshöfundar gerir skipulagsnefnd ekki athugasemd við að við veitingu byggingarleyfis verið vikið frá kröfum 2. mgr. 43. gr. skipulagslaga nr. 123/2010 sbr. 3. mgr. sömu greinar hvað umrædda útfærslu varðar.

Hulda Haukssdóttir upplýsingafulltrúi Garðabæjar kynnti vinnu við endurkoðun Lýðræðisstefnu Garðabæjar.

Skipulagsnefnd gerir ekki athugasemd við tillögu að Lýðræðisstefnu Garðabæjar.

Guðbjörg Brá Gísladóttir deildarstjóri umhverfis og framkvæmda gerði grein fyrir tillögu að Loftlagsstefnu Garðabæjar.

Skipulagsnefnd bendir á að í Aðalskipulagi Garðabæjar 2016-2030 er gert ráð fyrir umstalverðri íbúafjölgun í sveitarfélaginu næstu árin sem þarf að taka tillit til í gerð loftslagsstefnu Garðabæjar.

Skipulagsnefnd felur tækni- og umhverfissviði að hefja vinnu við endurskoðun á kafla 4, samgöngur og þjónustukerfi, í Aðalskipulagi Garðabæjar 2016-2030 þar sem áhersla verður á vistvænar samgöngur í bæjarfélaginu og í kjölfarið unnin aðgerðaráætlun sem dregur úr neikvæðum umhverfisáhrifum frá umferð og eflir um leið sjálfbærni og heilsueflingu samfélagsins.

Hellnahraun, aðalskipulagsbreyting vegna landnotkunar og skilgreiningar á afmörkun svæðis. Breytingin felur í sér að þynningarsvæði er fellt niður og landnotkunarflokkurinn I3 verður hluti af AT3 og landnotkunarflokkurinn I4 verður hluti af AT4.

Skipulagsnefnd Garðabæjar gerir ekki athugasemd við skipulagslýsinguna.

Vísað til frekari skoðunar hjá tækni-og umhverfissviði.

Vegagerðin sækir um framkvæmdaleyfi fyrir sjóvörnum í Helguvík og á Skansinum á Álftanesi

Lögð fram umsókn um framkvæmdaleyfi fyrir gerð sjóvarna í fólkvanginum að Hliði og við Bessastaðaskans.

Afla þarf umsagnar Forsetaembættisins, Umhverfisstofnunar og Minjastofnunar.