26. (2079). fundur

Lögð voru fram 159 óopnuð umslög með tilboðum í byggingarrétt lóða á Hnoðraholti, sbr. tilkynningu um sölu á byggingarrétti lóða á Hnoðraholti sem birt var á vef Garðabæjar á tímabilinu _.06-29.06.2023.

Tilboðin komu frá söluaðilum, þ.e. Torg - fasteignasölu, Garðatorg eignamiðlun og Fasteignamarkaðinum. Þá bárust umslög með tilboðum frá Miklaborg - fasteignasölu. Öll tilboð voru móttekin fyrir kl. 16:00, fimmtudaginn 29. júní 2023.

Eitt umslag með tilboði barst eftir að tilboðsfresti lauk og telst ekki gilt tilboð.

Umslögin voru opnuð og tilboðin flokkuð eftir tegundum lóða.

Tilboð í fjölbýlishúsalóðir 179

Tilboð í par/raðhúsalóðir 67

Tilboð í einbýlishúsalóðir 53

Tilboðin verða skráð, flokkuð nánar og tekin til afgreiðslu á fundi bæjarráðs þriðjudaginn 11. júlí 2023.

Fylgiskjöl

• Tiboð í byggingarrétt lóða - Hnoðraholt_Fjölbýlishús 01.pdf
• Tilboð í byggingarrétt lóða - Hoðraholt_Par-Raðhús 01.pdf
• Tilboð í byggingarrétt lóða - Hoðraholt_Einbýli 01.pdf

Bæjarráð samþykkir afgreiðslu byggingarfulltrúa að veita Árna Jóni Pálssyni, kt. 111290-2969, leyfi fyrir viðbyggingu og breytingu á núverandi einbýlishúsið að Löngumýri 19.

Bæjarráð samþykkir afgreiðslu byggingarfulltrúa að veita Ingibjörgu Guðrúnu Jafetsdóttur, kt. 030760-3607, leyfi til að byggja hesthús með aðstöðu fyrir tamningar og námskeiðahaldi á lóðinni við Sunnuvelli 4-6.

Bæjarráð samþykkir tillögu skipulagsnefndar um að auglýsa samkvæmt 31. gr. skipulagslaga, sbr. 1. mgr. 36. gr. skipulagslaga breytingu á aðalskipulagi Garðabæjar 2016-2030 er varðar rammahluta aðalskipulags fyrir Vífilsstaðaland.

Skipulagsákvæði fyrir landnotkunarreit 4.11 Íb Hnoðraholt norður (Þorraholt) hljóði svo:

Íbúðarbyggð, fjölbýlishús. Miðað við u.þ.b. 69 íbúðir/ha eða allt að 236 íbúðir.

Hámarkshæð bygginga er 5 hæðir og skal 5. hæð vera inndregin. Heimilt er að hafa bílageymslur undir fjölbýlishúsum. Frekari skilmálar skulu settir í deiliskipulagi fyrir svæðið.

Skipulagsákvæði fyrir landnotkunarreit 4.12 Íb Hnoðraholt norður hljóði svo:

Íbúðarbyggð, áhersla á fjölbreytt form íbúða, einbýli, sérbýli s.s. raðhús og fjölbýli. Miðað er við u.þ.b.23 íbúðir/ha eða allt að 280 íbúðir. Einbýli efst á holtinu. Hámarkshæð húsa er 4 hæðir og skal efsta hæð fjölbýlishúsa vera inndregin. Heimilt er að hafa bílageymslur undir fjölbýlishúsum. Frekari skilmálar skulu settir í deiliskipulagi fyrir svæðið.

Tafla 2 í kafla 4.5.1. breytist á eftirfarandi hátt.

Hnoðraholt-norður: Fjöldi íbúða 470-520 íbúðir.

Vífilsstaðaland: Fjöldi íbúða samtals 2.070-2.470.

Tillagan hefur að efni til verið kynnt við afgreiðslu á tillögum að breytingum á deiliskipulagi og hefur með því verið fullnægt skilyrðum 30. gr. skipulagslaga þar sem kveðið er á um kynningu og samráð (lýsingu og forkynningu) enda voru ekki gerðar athugasemdir hvað varðar hámarkshæð húsa eða fjölgun íbúða. Leita skal umsagnar umsagnaraðila á auglýsingartíma og óska eftir athugun Skipulagsstofnunar áður en tillaga er auglýst.

Tillaga að breytingu aðalskipulags skal auglýst samhliða breytingum á deiliskipulagi norðurhluta Hnoðraholts sem nær annarsvegar til svæðisins vestan Vetrarbrautar (Þorraholt) og hinsvegar til svæðisins austan Vetrarbrautar.

Bæjarráð samþykkir tillögu skipulagsnefndar um að auglýsa samkvæmt 31. gr. skipulagslaga nr. 123/2010, sbr. 1. mgr. 41. gr. sömu laga tillögu að breytingu á deiliskipulagi norðurhluta Hnoðraholts sem gerir ráð fyrir að hámarkshæð fjölbýlishúsa við Vorbraut hækki sem nemur einni inndreginni hæð en skipulagsákvæði sem sett er fram í aðalskipulagi gerir ráð fyrir að hámarkshæð húsa á landnotkunarreit 4.12 Íb sé að hámarki 3 hæðir. Tillaga að breytingu á deiliskipulagi gerir ráð fyrir því að fjölbýlishús sunnan Vorbrautar geti verið 4 hæðir. Þá gerir tillagan ráð fyrir að bílageymslur verði heimilaðar undir fjölbýlishúsum (bílakjallari). Við þá breytingu getur íbúðum við Vorbraut 8, 10, 12, 14 og 16 fjölgað úr 9 í 12 enda eru uppfylltar kröfur um fjölda bílastæða.

Tillagan skal auglýst samhliða tillögu að breytingu aðalskipulags sem gerir ráð fyrir að hámarkshæð húsa á landnotkunarreit 4.12 Íb geti verið 4 hæðir auk þess sem töflum með áætluðum íbúðafjölda í greinargerð rammahluta aðalskipulags verði breytt.

Bæjarráð samþykkir tillögu skipulagsnefndar um að auglýsa samkvæmt 31. gr. skipulagslaga nr. 123/2010, sbr. 1. mgr. 41. gr. sömu laga tillögu að breytingu á deiliskipulagi norðurhluta Hnoðraholts sem gerir ráð fyrir því að hámarksfjöldi íbúða við Þorraholt aukist úr 220 í 236. Þá er einnig gert ráð fyrir að hámarkshæð hluti byggingar hækki úr 4 hæðum í 5 hæðir.

Tillagan skal auglýst samhliða tillögu að breytingu aðalskipulags sem gerir ráð fyrir að hámarkshæð húsa á landnotkunarreit 4.11 Íb geti verið 5 hæðir auk þess sem töflum með áætluðum íbúðafjölda í greinargerð rammahluta aðalskipulags verði breytt.

Bæjarráð samþykkir tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Flata í tilefni umsóknar um stækkun byggingarreits fyrir viðbyggingu við núverandi hús á lóðinni við Hagflöt 14. Grenndarkynna skal tillöguna eigendum Hagaflatar 12 og 16, Tjarnarflatar 1 og 2, Bakkaflatar 1 og Lindarflatar 38, 40 og 42.

Lagður fram tölvupóstur lóðarhafa að Hraunhólum 7, dags. 30. júní 2023 þar sem afgreiðslu skipulagsnefndar er mótmælt.

Bæjarráð staðfestir afgreiðslu skipulagsnefndar um að synja umsókn lóðarhafa að Hraunhólum 7 um breytingu á deiliskipulagi er varðar að heimila aðkomu að lóðinni frá Lynghólum.

Bæjarráð samþykkir tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Hæðahverfis í tilefni umsóknar um stækkun byggingarreits fyrir viðbyggingu við núverandi hús á lóðinni við Rjúpnahæð 5. Grenndarkynna skal tillöguna eigendum Rjúpnahæðar 2, 3, 4, 6, og 7, Nónhæðar 6.

Lögð fram.

Bæjarráð samþykkir eftirfarandi tillögu um úthlutun styrkja.

Garðakórinn kr. 450.000

Garðaálfar - kór eldri borgara á Álftanesi kr. 450.000

Stígamót kr. 600.000

Samtök um kvennaathvarf kr. 600.000

ADHD - samtökin kr. 300.000

Sjálfsbjörg - Samvera og súpa kr. 100.000

Aflið, samtök gegn kynferðis- og heimilisofbeldi kr. 250.000

Bjarkahlíð -miðstöð fyrir þolendur ofbeldis kr. 400.000

Kvennaráðgjöfin kr. 250.000

Krabbameinsfélag höfuðborgarsvæðisins kr. 100.000

Bæjarráð vísar bréfinu til fræðslu- og menningarsviðs og til umfjöllunar í íþrótta- og tómstundaráði.

Lögð fram.

Á fund bæjarráðs kom Sigríður Logadóttir, persónuverndarfulltrúi og lögmaður og fór yfir nokkur mál í ársskýrslu Persónuverndar sem hafa verið til úrlausnar og geta varðað starfsemi sveitarfélaga.