21. (2216). fundur

Gerð grein fyrir tilboðum í lántöku. Skuldabréfaútboði Garðabæjar í skuldabréfaflokknum GARD 11 1 lauk 15. júní 2026. Heildartilboð í flokkinn voru 5 talsins og námu samtals 2.120 að nafnvirði. Bæjarráð samþykkir að leggja til við bæjarstjórn að samþykkja tilboð samkvæmt útboðinu að fjárhæð allt að 1.068 m.kr. að nafnvirði, með ávöxtunarkröfu upp á 3,95%. Markaðsvirði útgáfunnar nemur 1.499.967.541 kr.

Fyrir útboðið var útistandandi í skuldabréfaflokknum GARD 11 1 að nafnvirði 6.233,5 m.kr., en heildarstærð flokksins eftir útboðið verður því 7.301,5 m.kr. að nafnvirði. Framangreindar fjárhæðir eru í samræmi við samþykktar lántökuheimildir.

Lagður fram ráðningarsamningur bæjarstjóra.

Samningurinn verður lagður fram í bæjarstjórn til staðfestingar.

Bæjarráð samþykkir að leggja til við bæjarstjórn að samþykkja afgreiðslu skipulagsnefndar frá fundi 11. júní 2026 varðandi umsókn um byggingarleyfi fyrir spildu A úr landi Grundar, sem gerir ráð fyrir rýmum sem tengjast veislu-og veitingaþjónustu í núverandi atvinnuhúsnæði.

Ekkert deiliskipulag er í gildi á Norðurnesi. Samkvæmt aðalskipulagi er byggingin staðsett á opnu svæði.

Skipulagsnefnd vísar umsókninni til grenndarkynningar í samræmi við 44. gr. skipulagslaga nr. 123/2010.

Grenndarkynna skal íbúum við Fálkastíg, Blikastíg, Grund, Breiðabólstöðum, Hvol, Jörfa og Seilu sem og landeigendum á Norðurnesi.

Lögð fram útboðs- og verklýsing vegna frístundaaksturs 2026-2030.

Bæjarráð samþykkir fyrirliggjandi útboðs- og verklýsingu og felur fræðslu- og frístundasviði framkvæmd útboðsins fyrir hönd Garðabæjar.

Bæjarstjóri fjallaði um undirbúning á uppbyggingu hjúkrunarheimilis í Vetrarmýri og verkefnum sem því tengjast.

Bæjarráð samþykkir að tilnefna Hörpu Rós Gísladóttur, Maríu Guðjónsdóttur og Katrínu Júlíusdóttur í spretthóp um uppbyggingu hjúkrunarheimilis og lífsgæðakjarna í Vetrarmýri.

Hópurinn hefur það hlutverk að vinna greiningu á þörfum hvað varðar starfsemi á fyrstu hæð nýs hjúkrunarheimilis ásamt því að meta möguleika á því hvort og hvernig Garðabær gæti nýtt hluta rýmisins undir starfsemi á sínum vegum. Hópurinn mun að þessu leyti vinna efni sem nýtist við gerð útboðslýsingar á húsnæði undir hjúkrunarheimili í Vetrarmýri.

Þá skal hópurinn vinna nánari útfærslur á uppbyggingu íbúða fyrir eldri íbúa í grennd við Hjúkrunarheimilið þannig að öflugur lífsgæðakjarni rísi í Vetrarmýri.

Hópurinn skal skila af sér áfangaskýrslu fyrir lok október 2026, en skili þeim hugmyndum sem lúta að útboðsferlinu í lok ágústmánaðar. Í framhaldi af útgáfu áfangaskýrslu verði metið hvort þörf sé á að hópurinn haldi áfram störfum.

Kynnt var staða við undirbúning starfsemi Þorláksskóla, en ráðgert er að skólinn hefji starfsemi í haust.

Lögð fram drög að endurskoðuðum samþykktum um stjórn Garðabæjar.

Bæjarráð vísar endurskoðun á samþykktum um stjórn Garðabæjar til fyrri umræðu í bæjarstjórn.

Lögð fram drög að endurskoðaðri stofnskrá fyrir Hönnunarsafn Íslands.

Bæjarráð vísar endurskoðaðri stofnskrá fyrir Hönnunarsafn Íslands til afgreiðslu bæjarstjórnar.

Lögð fram drög að endurskoðaðri reglugerð Tónlistarskóla Garðabæjar.

Bæjarráð vísar endurskoðaðri reglugerð Tónlistarskóla Garðabæjar til fyrri umræðu í bæjarstjórn.

Lagðar fram reglur um stuðning við afreksungmenni í íþróttum í sumarstöfum hjá Garðabæ.

Bæjarráð vísar reglunum til afgreiðslu bæjarstjórnar.

Beiðni Garðálfa, kórs eldri borgara á Álftanesi um styrk til starfsemi kórsins.

Bæjarráð vísar málinu til úthlutunar styrkja samkvæmt fjárhagsáætlun.