2. (2103). fundur

Á fundinn mætti Inga Þóra Þórisdóttir, mannauðsstjóri og gerði grein fyrir úrvinnslu umsókna um starf sviðsstjóra þjónustu- og þróunarsviðs. Fram kom að alls bárust 43 umsóknir um starfið en 3 umsækjendur hafa dregið umsókn sína til baka. Farið var yfir allar umsóknir og lagt mat á umsækjendur út frá þeim menntunar- og hæfniskröfum sem tilgreindar voru í auglýsingu. Ellefu umsækjendur voru boðaðir í viðtöl og fjórir af þeim voru boðaðir í annað viðtal þar sem þeir kynntu verkefni sem fyrir þá var lagt og sátu fyrir svörum í framhaldi.

Ráðning í starf sviðsstjóra þjónustu- og þróunarsviðs verður á dagskrá bæjarstjórnar fimmtudaginn 18. janúar 2024.

Bæjarráð samþykkir afgreiðslu byggingarfulltrúa að veita Heklu fasteignum ehf., kt. 631202-3060 ehf., leyfi til jarðvegsframkvæmda og landmótunar á lóðinni að Þorraholti 2-4 enda séu allar framkvæmdir á lóð samkvæmt deiliskipulagi og afturkræfar.

Bæjarráð samþykkir að leggja til við bæjarstjórn að samþykkja tillögu skipulagsnefndar um að kynna samkvæmt 3. mgr. 40. gr. skipulagslaga nr. 123/2010 tillögu að deiliskipulagi fyrir athafnasvæði í Búðum (Iðnbúð, Smiðsbúð og Gilsbúð). Tillagan skal kynnt íbúum sveitarfélagsins og öðrum hagsmunaaðilum á almennum fundi eða á annan fullnægjandi hátt.

Tillagan skal kynnt samhliða tillögu að deiliskipulagi Bæjargils og Hæðahverfis.

Bæjarráð samþykkir að leggja til við bæjarstjórn að samþykkja tillögu skipulagsnefndar um að kynna samkvæmt 3. mgr. 40. gr. skipulagslaga nr. 123/2010 tillögu að deiliskipulagi fyrir Bæjargil. Tillagan skal kynnt íbúum sveitarfélagsins og öðrum hagsmunaaðilum á almennum fundi eða á annan fullnægjandi hátt.

Tillagan skal kynnt samhliða tillögu að deiliskipulagi athafnasvæði í Búðum (Iðnbúð, Smiðsbúð og Gilsbúð) og Hæðahverfis.

Bæjarráð samþykkir að leggja til við bæjarstjórn að samþykkja tillögu skipulagsnefndar um að kynna samkvæmt 3. mgr. 40. gr. skipulagslaga nr. 123/2010 tillögu að deiliskipulagi fyrir Hæðahverfi. Tillagan skal kynnt íbúum sveitarfélagsins og öðrum hagsmunaaðilum á almennum fundi eða á annan fullnægjandi hátt.

Tillagan skal kynnt samhliða tillögu að deiliskipulagi athafnasvæði í Búðum (Iðnbúð, Smiðsbúð og Gilsbúð) og Bæjargili.

Bæjarráð samþykkir tillögu skipulagsnefndar um óverulega breytingu á deiliskipulagi norðurhluta Hnoðraholts vegna lóðarinnar við Útholt 14, sbr. 2. mgr. 43. gr. skipulagslaga nr. 123/2010. Tillagan var grenndarkynnt og bárust engar athugasemdir.

Samþykkt tillaga um deiliskipulagsbreytingu skal send Skipulagsstofnun og auglýsing birt í B-deild Stjórnartíðinda.

Bæjarráð samþykkir tillögu skipulagsnefndar um breytingu á deiliskipulagi Vetrarmýrar vegna lóða við Vetrarbraut sem felur m.a. í sér fjölgun íbúða, breytingu á byggingarreitum og breytingum á húsnúmerum. Tillagan var auglýst og bárust engar athugasemdir. Samþykkt tillaga skal send Skipulagsstofnun og auglýst í B- deild Stjórnartíðinda.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga tillögu að breytingu á deiliskipulagi hesthúsasvæði við Kjóavelli. Tillagan felur í sér breikkun á byggingarreitum úr 12m í 13m á öllum hesthúsalóðum innan Garðabæjar á Kjóavöllum. Auk þess felst breytingin í því að viðhalda núverandi þakformi á hesthúsum í Andvarahverfi, bæði á núverandi hesthúsum og 8 nýjum hesthúsum vestast í Andvarahverfinu, um leið og heimildir fyrir kvistum og þakgluggum eru rýmkaðar. Skilmálar fyrir þakform húsa norðan megin við Andvaravelli 2a-8a, haldast óbreyttir.

Lögð fram drög að húsnæðisáætlun Garðabæjar 2024 (2024-2033)

Áætlunin byggir á almennum upplýsingum frá Húsnæðis- og mannvirkjastofnun og upplýsingum frá Garðabæ sem færðar hafa verið í starfrænt áætlunarkerfi HMS.

Bæjarstjóri fór yfir helstu forsendur, lykiltölur og áætlun um íbúðaþörf til tíu ára.

Málið verður á dagskrá á næsta fundar bæjarráðs þegar fyrir liggur endanleg áætlun eftir yfirferð Húsnæðis- og mannvirkjastofnunar.

Í bréfinu er greint frá viðbrögðum ráðuneytisins vegna niðurstöðu héraðsdóms í máli Reykjavíkurborgar á hendur íslenska ríkinu vegna jöfnunarsjóðs sveitarfélaga þar sem ríkinu var gert að greiða Reykjavíkurborg 3,3 milljarða með vöxtum og dráttarvöxtum. Fram kemur í bréfinu að málinu verður áfrýjað og standi niðurstaðan óbreytt mun hún hafa áhrif til lækkunar á framlögum til allra sveitarfélaga á næstu árum.

Fylgiskjöl

• Til allra sveitarstjórna.pdf

Sviðsstjóri umhverfissviðs gerði grein fyrir minnisblaði um stöðu fráveitumála og stöðu viðræðna við fulltrúa Hafnarfjarðarbæjar um fráveitumál.

Fylgiskjöl

• Minnisblað_Staða fráveitumála og staða viðræðna við Hafnarfjörð og stutt yfirlit yfir fráveitumál á Álftanesi.pdf

Bæjarstjóri gerði grein fyrir drögum að úthlutunarskilmálum lóðar fyrir veitingahús við Breiðumýri 2 á Álftanesi og tillögu um að auglýsa eftir áhugasömum aðilum til að byggja og starfrækja veitingahús á lóð við Breiðumýri 2 á Álftanesi.

Bæjarráð samþykkir að fela bæjarstjóri að auglýsa eftir áhugasömum aðilum til að byggja og starfrækja veitingahús á lóð við Breiðumýri 2 á Álftanesi. Í auglýsingunni skal koma fram lóðarverð vegna byggingarréttar- og gatnagerðargjalds

Lagt fram minnisblað sem svar við fyrirspurn.

Fylgiskjöl

• Minnisblað-uppbygging á Álftanesi.pdf
• Fyrirspurn Garðabæjarlistans um uppbyggingu á Álftanesi.pdf