14.(1923). fundur

Bæjarstjóri fór yfir stöðu mála varðandi áhrif af Covid19 og greindi frá að samkomubann hefur verið framlengt til 4. maí nk. Bæjarstjóri sagði frá að verið er að fara yfir tillögur sviðstjóra um hagræðingu í rekstri til að mæta samdrætti í tekjum. Fram kom að gert er ráð fyrir að næstu tvær til þrjár vikur geti verið mjög erfiðar og það geti reynt á þolmörk á ýmsum sviðum. Í því sambandi þurfum við að skoða vel starfsemina á fjölskyldusviði, stöðuna í skólunum, sorphirðumál og starfsmannamál. Gerður hefur verið listi yfir starfsmenn Garðabæjar sem mögulega er hægt flytja milli starfa til að mæta veikindum eða sinna nauðsynlegum verkefnum. Bæjarstjóri sagði einnig frá samstarfi sveitarfélaganna á höfuðborgarsvæðinu við úrlausn margra verkefna. Stjórn Samtaka sveitarfélaga á höfuðborgarsvæðinu er að undirbúa að eiga samtal við ríkið um hvernig stutt verður við starfsemi sveitarfélaganna.

Sviðsstjórar fóru yfir stöðu mála á sínum sviðum.

Félagsmálastjóri sagði frá því að verið er að hringja í eldri borgara og í forgangi eru þeir sem búa einir. Heimaþjónustan sinnir reglulega þjónustu við um 280 heimili en um 50 heimili hafa afpantað heimaþjónustu. Í undirbúningi er að gera það aðgengilegt á vef Garðabæjar að tilkynna brot og vanrækslu gagnvart börnum. Bæjarverkfræðingur sagði frá því að starfsemi sviðsins gangi almennt vel og nefndi í því sambandi vetrarþjónustu, starfsemi veitna og sorphirðu. Sviðsstjóri fræðslu- og menningarsviðs fór yfir stöðu mála og sagði að starfsemin gangi vel miðað við aðstæður. Á ákveðnum stöðum hefur þurft að endurskipuleggja starfsemina m.t.t. aðstæðna s.s. veikinda o.fl. Fram kom að sálfræðingar sem starfa hjá bænum hafa boðið starfsmönnum skólanna aðstoð við þessar erfiðu aðstæður. Ákveðin óvissa er hvernig ástandið verður eftir páska.

Lagt fram yfirlit framkvæmdastjóra almannavarna um verkefni og útgáfu á leiðbeiningum til 27. mars sl.

Bæjarstjóri sagði frá því að farið er að huga að endurreisnarstarfi sem felst í að fara vel yfir hvernig við komum starfseminni í gang að nýju eftir þungt högg og er í undirbúningi hjá almannavörnum að útbúa gátlista fyrir sveitarfélögin til leiðbeiningar.

Bæjarfulltrúarnir Björg Fenger, Ingvar Arnarson, Harpa Þorsteinsdóttir og Jóna Sæmundsdóttir, voru á fundi bæjarráð undir þessum dagskrárlið og þá voru einnig á fundinum undir þessum dagskrárlið fulltrúar í neyðarstjórn Garðabæjar.

Fylgiskjöl

• Upplýsingar frá AHS vegna COVID-19, dags. 31.03.2020.pdf

Í bréfinu er kynnt aðgerðaráætlun fyrir sveitarfélög til viðspyrnu fyrir íslenskt atvinnulíf og heimili en um er að ræða aðgerðir vegna eftirfarandi þátta.

Fasteignagjöld og gjaldskrár.

Framkvæmdir.

Atvinnuátaksverkefni og vinnumarkaður.

Markaðsátak í ferðaþjónustu.

Laga og reglugerðarbreytingar og skattheimtu.

Umræða var um aðkomu ríkisins varðandi stuðning við sveitarfélögin í þátttöku þeirra í viðspyrnu fyrir íslenskt atvinnulíf og heimili.

Fylgiskjöl

• Aðgerðaáætlun sveitarfélaga til viðspyrnu fyrir íslenskt atvinnulíf og heimili - COVID-19.pdf
• Ábendingar að aðgerðum til viðspyrnu fyrir íslenskt atvinnulíf.doc
• Sambandið.kynning - Viðspyrna fyrir íslenskt atvinnulíf.pdf
• Staða verkefna í aðgerðapakka mars 2020 25.03.20.pdf
• Viðspyrna af hálfu sveitarfélaga mars 2020-A7 19.pdf

Í bréfinu er beint hvatningu til sveitarfélaga sem bakhjarls íþrótta- og ungmennahreyfinga að eiga samtal við sín félög og styðja þau í gegnum erfiða tíma sem geta verið framundan við að hefja íþróttastarf að nýju.

Bæjarstjóri sagði frá beiðnum íþróttafélaga um að fá greiðslur fyrr innan ársins í samræmi við gildandi samninga.

Bæjarráð vísar bréfinu til íþrótta- og tómstundaráðs.

Fylgiskjöl

• Bref_sveitarfelog_COVID19.pdf

Bæjarráð samþykkir að leggja til við bæjarstjórn með vísan til 2. mgr. 43. gr. skipulagslaga nr. 123/2010 að samþykkja tillögu skipulagsnefndar að óverulegri breytingu á deiliskipulagi Ásahverfis vegna lóðarinnar við Eikarás 10. Tillagan var grenndarkynnt samkvæmt 2. mgr. 44. gr. skipulagslaga og bárust engar athugasemdir. Breyting skal send Skipulagsstofnun og auglýst í B-deild Stjórnartíðinda.

Lögð fram til kynningar.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga, sbr. 36. gr. sömu laga tillögu að breytingu á aðalskipulagi Garðabæjar sem nær til þróunarsvæðis B, rammahluti aðalskipulags og til Vífilsstaðahrauns (Svínahrauns). Tillagan skal send Skipulagsstofnun til athugunar samkvæmt 3. mgr. 30. gr. skipulagslaga.

Tillagan skal liggja frammi hjá Skipulagsstofnun og bæjarskrifstofunum. Tillagan skal auglýst á vef Garðabæjar og þar skal koma fram að hægt er að gera athugasemdir við tillöguna innan ákveðins frests.

Bæjarráð samþykkir að leggja til við bæjarstjórn að samþykkja tillögu skipulagsnefndar um breytingu á deiliskipulagi Kjóavalla, samkvæmt 1. mgr. 43. skipulagslaga nr. 123/2010, sbr. 3. mgr. 41. gr. sömu laga. Tillagan skal send til meðferðar Skipulagsstofnunar en engar athugasemdir bárust við tillöguna í athugasemdafresti auglýsingar.

Samþykkt tillaga skal send til afgreiðslu bæjarstjórnar Kópavogs þar sem um er að ræða sameiginlegt skipulag Kópavogs og Garðabæjar fyrir Kjóavelli.

Bæjarráð samþykkir að leggja til við bæjarstjórn að samþykkja tillögu skipulagsnefndar um að tillaga að breytingu á deiliskipulagi Bæjargils sem gerir ráð fyrir stækkun byggingarreits og stækkun lóðar við Gilsbúð 9 verði kynnt íbúum og hagsmunaaðilum á íbúafundi eða annan fullnægjandi hátt, sbr. 3. mgr. 40. gr. skipulagslaga nr. 123/2010.

Lögð fram.

Bæjarráð samþykkir að leggja til við bæjarstjórn að samþykkja tillögu skipulagsnefndar um að tillaga að breytingu á deiliskipulagi Hraunsholts vestra (Ásahverfis) sem gerir ráð fyrir breytingu á landnotkun óbyggðra lóða við Bergás og Brekkuás verði kynnt íbúum og hagsmunaaðilum á íbúafundi eða annan fullnægjandi hátt sbr. 3. mgr. 40. gr. skipulagslaga nr. 123/2010.

Við Bergás er gert ráð fyrir að lóð fyrir hverfismiðstöð verði breytt og stækkuð í lóð fyrir búsetukjarna fyrir fatlað fólk.

Við Brekkuás er gert ráð fyrir að lóð fyrir leikskóla verði breytt í lóð fyrir búsetukjarna fyrir fatlað fólk og í opið svæði fyrir leikvöll.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning vegna óverulegrar breytingar á deiliskipulagi Silfurtúns í tilefni umsóknar um stækkun byggingareits á lóðinni við Aratún 36, sbr. 2. mgr. 43. gr. skipulagslaga nr. 123/2010 og 2. mgr. 44. gr. sömu laga. Tillagan skal grenndarkynnt eigendum Aratúns 19, 21, 23, 34, 38.

Lögð fram og vísað til kynningar í skipulagsnefnd.

Fylgiskjöl

• TILLAGA - valkostir í AR.docx
• BORGARLÍNA - NÝ MIÐBORG.pdf
• BORGARLÍNA v. NÝ MIÐBORG-2- megintexti.docx
• BORGARLÍNA v. NÝ MIÐBORG-2- SAMANTEKT.docx

Lögð fram og vísað til umfjöllunar í öldungaráði.

Fylgiskjöl

• Ályktun LEB undirr. 25.03.20.pdf
• Áskorun_obi_leb3.pdf

Bæjarráð vísar bréfinu til tækni- og umhverfissviðs.

Fylgiskjöl

• Veirur í kanínum-Öll sveitarfélög.pdf

Eftirfarandi tilboð bárust.

Hnit hf. kr. 7.440.000

VSÓ Ráðgjöf ehf. kr. 9.757.000

VSB verkfræðistofa ehf. kr. 9.283.475

Verkís hf. kr. 8.906.300

Strendingur ehf. kr. 7.437.500

Efla hf. kr. 7.895.000

Bæjarráð samþykkir að taka tilboði lægstbjóðanda, Strendings ehf. með fyrirvara um að um að uppfylltir séu allir skilmálar útboðsins og felur bæjarverkfræðingi afgreiðslu málsins. Vakin er athygli á að samkvæmt 86. gr. laga um opinber innkaup þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Bæjarráð vísar bréfinu til bæjarstjóra í tengslum við tillögur um flýtingu viðhaldsverkefna samkvæmt aðgerðaráætlun í tengslum við áhrifa vegna Covid19.

Fylgiskjöl

• Skjal_20040210500.pdf

Lögð fram.

Fylgiskjöl

• Tilkynning frá samgöngu- og sveitarstjórnarráðuneytinu um skil á ársreikningum.doc