Samþykkt fyrir sameiginlegt heilbrigðiseftirlit og kosning fulltrúa í heilbrigðisnefnd.

Bæjarstjórn samþykkir að kjósa eftirfarandi einstaklinga sem fulltrúa Garðabæjar í heilbrigðisnefnd fyrir sameiginlegt svæði Hafnarfjarðar, Garðabæjar, Kópavogs, Seltjarnarness og Mosfellsbæjar.

Ingibjörg Hauksdóttir, aðalmaður og Jón Bjarni Þorsteinsson, varamaður.

Þau voru aðal- og varafulltrúi í heilbrigðisnefnd Hafnarfjarðar, Garðabæjar og Kópavogs.

Bæjarstjórn samþykkir fyrir sitt leyti samþykktir um sameiginlegt heilbrigðiseftirlit fyrir Garðabæ, Hafnarfjarðarkaupstað, Kópavogsbæ, Mosfellsbæ og Seltjarnarnes.

Lögð fram drög að reglugerð um breytingu á starfsvæði heilbrigðieftirlits sem ráðuneytið stefnir að því að auglýsa fljótlega með gildistíma frá 1. janúar nk.

Fylgiskjöl

• UMH21070007 Sameining heilbrigðiseftirlitssvæða.docx

Í tilkynningunni kemur fram að drög að reglugerð um sameiningu heilbrigðiseftirlitssvæða hefur verið kynnt í samráðsgátt. Í reglugerðinn er gert ráð fyrir að Mosfellsbær og Seltjarnarnes sameinist heilbrigðiseftirliti Hafnafjarðar, Garðabæjar og Kópavogs.

Lögð fram eftirfarandi tillaga.

"Bæjarstjórn Garðabæjar samþykkir að Mosfellsbær og Seltjarnarnes verði hluti af heilbrigðiseftirlitssvæði Hafnarfjarðar, Garðabæjar og Kópavogs, sbr. 9. töluliður 2. mgr. 45. gr. laga nr. 7/1998 um hollustuhætti og mengunarvarnir.
Samþykki er háð staðfestingu allra hlutaðeigandi sveitarfélaga."

Tillagan samþykkt samhljóða.

Gerð er grein fyrir viðræðum fulltrúa sveitarfélaganna Hafnarfjarðar, Kópavogs, Garðabæjar, Mosfellsbæjar og Seltjarnarness um sameiginlegt heilbrigðiseftirlit og kynnt drög að sameiginlegri fjárhagsáætlun og drög að samþykktum fyrir nýtt eftirlitsvæði. Niðurstaða samstarfshópsins er að mæla með sameiginlegu heilbrigðiseftirliti sveitarfélaganna.

Bæjarráð vísar málinu til afgreiðslu bæjarstjórnar.

Bæjarráð samþykkir að Garðabær taki þátt í viðræðum sveitarfélaganna Kópavogsbæjar, Hafnarfjarðar, Seltjarnarness og Mosfellsbæjar um breytingu á heilbrigðiseftirlitssvæði Kópavogs og Hafnarfjarðar.

Bæjarráð vísar málinu til bæjarstjóra.

Fylgiskjöl

• UMH20040040 Garðabær_undirritað.pdf

Gunnar Einarsson, kvaddi sér hljóðs og lagði til að bæjarstjórn samþykki að taka jákvæða afstöðu til breytinga á heilbrigðiseftirlitsvæðum enda leiði það ekki til aukins kostnaðar fyrir Garðabæ.

Bæjarstjórn samþykkti samhljóða að taka jákvætt í erindi um mögulega stækkun á starfssvæði Heilbrigðiseftirlits Kópavogs, Garðabæjar og Hafnarfjarðar enda leiði það ekki til aukins kostnaðar fyrir Garðabæ.

Bæjarráð vísar málinu til umfjöllunar og afgreiðslu bæjarstjórnar.

Fylgiskjöl

• UMH20040040 Garðabær_undirritað.pdf