10. fundur

Farið yfir undirbúning vegna jazzhátíðarinnar.

Upplýsingastjóri greindi frá undirbúningi við Jazzhátíð Garðabæjar sem verður haldin dagana 25.-27. apríl nk. Hátíðin hefst að kvöldi til Sumardaginn fyrsta og boðið verður upp á þrenna kvöldtónleika í Kirkjuhvoli en auk þess verða tvennir tónleikar að degi til á laugardeginum 27. apríl í Jónshúsi og Kirkjuhvoli.

Umsóknir lagðar fram og ræddar.

Auglýst var eftir umsóknum úr Hvatningarsjóði ungra listamanna í mars og apríl. Listi með umsóknum var lagður fram og ræddur. Umfjöllun verður haldið áfram á næsta fundi nefndarinnar.

Ábendingar lagðar fram og ræddar.

Auglýst var eftir ábendingum um tilnefningu til bæjarlistamanns Garðabæjar 2019 í mars og apríl. Listi með framkomnum ábendingum var lagður fram og ræddur. Umræðu verður haldið áfram á næsta fundi.

Farið yfir umgjörð og rætt um heiðursviðurkenningu.

Stefnt er að því að halda hina árlegu menningaruppskeruhátíð Garðabæjar miðvikudaginn 22. maí nk.í Sveinatungu. Á menningaruppskeruhátíðinni verður tilkynnt um val á bæjarlistamanni Garðabæjar og úthlutað úr Hvatningarsjóði ungra listamanna. Umræður voru um heiðursviðurkenningar til framlags menningar og lista.

Sagt frá næstu göngu á Degi umhverfisins 25. apríl.

Greint var frá fyrstu sögugöngu vorsins sem verður farin á Degi umhverfisins fimmtudaginn 25. apríl nk. sem í ár ber upp á Sumardaginn fyrsta. Gangan hefst kl. 11 þegar gengið verður umhverfis Urriðavatn undir leiðsögn Erlu Biljar Bjarnardóttur fyrrum umhverfisstjóra.

Formaður greindi frá nýlegum fundi með Trausta Ólafssyni sem hefur f.h. leiksmiðjunnar Friggjar verið með afnot af sal á Garðatorgi fyrir leiklistarstarfsemi sl. vetur.

Umræður voru um leiklistarstarfsemi í salnum. Umræðu verður haldið áfram á næsta fundi.

Bæjarráð fjallaði um minnisblað um snjallvæðingu Garðabæjar á fundi sínum 26. mars sl. Í minnisblaðinu er m.a. farið yfir að hvaða leyti Garðabær er nú þegar snjall og hvaða lausnir væri hægt að skoða nánar með því markmiði að Garðabær verði snjall og tengdur bær. Þar er lagt til að settur verði af stað vinnuhópur til að fylgja málinu eftir og móta stefnu Garðabæjar um snjalllausnir sem verður lögð fyrir bæjarráð. Bæjarráð vísaði minnisblaðinu til umfjöllunar nefnda.

Lagt fram og rætt.

Fylgiskjöl

• snjalllausnir -21.3.19_vdh og gbg.docx
• Bæjarráð Garðabæjar - 12. (1873) (26.3.2019) - Minnisblað um snjallvæðingu Garðabæjar

Fyrirhugað samstarf við Bókasafn Garðabæjar um fyrirlestur í Sveinatungu í apríl frestast fram í maí en eftir er að fastsetja dagsetningu. Einnig var sagt frá hugmyndum bókasafnsins um fasta viðburði mánaðarlega í Sveinatungu næsta vetur.

Umræða var um kynningu á menningarstofnunum Garðabæjar með útgefnu viðburðadagatali.

Farið var yfir starfsáætlun og næsta fund nefndarinnar.