15. fundur

Lögð fram tillaga að breytingu aðalskipulags Garðabæjar sem nær til verslunar-og þjónustusvæðis í Kauptúni. Halldóra Hreggviðsdóttir ráðgjafi hjá Alta kynnti minnisblað yfir fyrirhugaðar deiliskipulagsbreytingar sem kalla á breytingu aðalskipulags.

Breytingartillagan er kynnt samhliða tillögum að breytingu deiliskipulags sem nær til lóðanna Kauptún 1, 2 og 3.

Vísað til skoðunar hjá tækni og umhverfissviði.

Fulltrúar Costco gera grein fyrir hugmyndum fyrirtækisins um uppbyggingu verslunar á lóð nr 3 og eldsneytisstöðvar á lóð nr 2.

Fulltrúar Costco sem mættu til fundarins voru: Craig Huether ráðgjafi Costco, James Cheesemore hjá Costco í Bretlandi,Nick Deeks

Halldór Guðmundsson hjá THG og Kristján Örn Kjartansson hjá Krads

Vísað til frekari skoðunar hjá tækni-og umhverfissviði.

Fulltrúar RIF 1 gera grein fyrir hugmyndum fyrirtækisins um uppbyggingu á lóðinni Kauptún 1 sem kallar á aðalskipulags og deiliskpulagsbreytingu.

Fulltrúar RIF 1 sem mættu til fundarins voru: John Jacobsen,

Björn Björnsson og Egill Guðmundsson Arkís

Vísað til frekari skoðunar hjá tækni-og umhverfissviði.

Orri Árnason arkitekt kynnti hugmyndir um uppbyggingu á óbyggðri lóð við ofanverðan Brekkuás og hugmyndir um miðlægar öríbúðir í Innbæ Garðabæjar. Vísað til aðalskipulagsgerðar og gerðar forsagnar vegna rammaskipulagssamkeppni á Lyngássvæði.

Lögð fram umsókn lóðarhafa um breytingu á deiliskipulagi Sjálands sem gerir ráð fyrir því aðí stað 9 íbúða í fjölbýlishúsinu að Nýhöfn 7 (áður Nýhöfn 13) komi 10 íbúðir. Ekki verði um atvinnuhúsnæði að ræða eins og deiliskipulag heimilar..

Þar sem að einsýnt er að íbúð dragi ekki að sér meiri umferð en atvinnuhúsnæði telur nefndin að grenndarárhrif breytingarinnar séu jákvæð.

Skipulagsnefnd samþykkir breytinguna sem óverulega breytingu á deiliskipulagi Sjálands en fellir niður grenndarkynningu þar sem breytingin varðar ekki hagsmuni annarra en umsækjanda og bæjaryfirvalda.

Lögð fram tillaga að teikningum af 3 einbýlishúsum að lokinni grenndarkynningu. 5 athugasemdabréf hafa borist þar sem gerðar eru athugasemdir við eftirfarandi atriði:

hæðarkóti botnplötu er hærri en aðliggjandi húsa, þéttleiki virðist meiri en í hverfinu, tillagan gerir ráð fyrir fleiri húsum en áður ver gert var ráð fyrir sjávargangur getur verið á lóðinni og einsleitni bygginganna í stúf við aðliggjandi byggð, .

Skipulagsnefnd telur að lækka skuli botnplötur í sömu hæð og botnplötur aðliggjandi húsa og vísar þar til heimildar á blaðsíðu 53 í greinargerð Aðalskipulags Álftaness 2005-2024.

Þéttleiki lóðanna samkvæmt tillögunni samsvarar nýtingarhlutfalli 0,18-0,20 en er 0,2 á aðliggjandi lóðum. Þéttleiki húsanna og fjarlægð á milli þeirra er því í samræmi við byggðarmynstur hverfisins.

Lóðin er á svæði sem er skilgreint sem íbúðarbyggð í gildandi aðalskipulagi. Hætta vegna sjávargangs er sambærileg og í aðliggjandi byggð. Skipulagsnefnd beinir því til bæjarverkfræðings að hætta vegna sjávargangs og gerð sjóvarna verðið skoðuð við Búðarflöt.

Skipulagsnefnd beinir því til byggingarfulltrúa að yfirbragð byggingnna, klæðningar og litur verði fjölbreytt og gerir það að skilyrði fyrir veittu byggingarleyfi.

Skipulagsnefnd gerir ekki athugasemd við að að byggingarfulltrúi veiti byggingarleyfi fyrir húsunum með þeim breytingum sem lagt er til að gerðar verði.

Lögð fram

Lögð fram tillaga að teikningum af bílageymslu í norðausturhorni lóðar að lokinni grennarkynningu. Lóðarhafar að aðliggjandi lóð, Lambhaga nr 8 hafa sent inn athugasemd við teikninguna. Telja þau að byggingin þrengi að þeirra lóð, skyggi á kvöldsól og útsýni til vesturs.

Forsaga málsins er sú að lóðarhafa var veitt byggingarleyfi fyrir breytingum á húsi sínu árið 2008 og var leyfi fyrir bílskýli á þessum sama stað hluti af því. Framkvæmdum er lokið við aðra þætti byggingarleyfisins og er það byggingarleyfi því enn í gildi. Bílskýlið var af sama umfangi og bílageymslan og hefur því svipuð grenndaráhrif. Lóðarhafi hefur lýst því yfir að fáist ekki leyfi fyrir bílageymslu muni hann byggja bílskýlið í samræmi við veitt leyfi sem enn er í gildi.

Vísað til frekari skoðunar hjá tækni-og umhverfissviði.

Lögð fram tillaga um breytingu á deiliskipulagi Arnarness sem gerir ráð fyrir stækkun byggingarreits fyrir gufubað og þaksskyggni sunnan hússins og vegna skyggnis meðfram austurhlið hússins.

Skipulagsnefnd bendir á að samkvæmt gildandi deiliskipulagi er skulu allir byggingarhlutar vera innan byggingarreits sem og heitir pottar.

Með vísan í gildandi deiliskipulag er tillögunni hafnað.

Lagt fram. Skipulagsnefnd gerir ekki athugasemd við lýsinguna en minnir á mikilvægi vatnsverndar á svæðinu.

Lögð fram tillaga að breytingu á deiliskipulagi Molduhrauns sem gerir ráð fyrir því að lóðin Suðurhraun 4-6 skiptist í tvær lóðir og verði nýr byggingarreitur á vestari lóðinni.

Að öðru leyti gildi ákvæði deiliskipulag Molduhrauns.

Skipulagsnefnd vísar tillögunni til kynningar og fellir niður forkynningu þar sem allar forsendur eru til staðar í aðalskipulagi.