2. fundur

Lögð fram tillaga að breytingu deiliskipulags Kauptúns að lokinni forkynningu sem stóð frá 11.desember til 6.janúar. Lagðar fram ábendingar sem borist hafa. Einnig lagt fram minnisblað Mannvits um umferðargreiningu þar sem tekið er tillit til aukins byggingarmagns samkvæmt tillögu að breytingu á aðalskipulagi. Þá liggur fyrir tillaga Landslags ehf. að útfærslu lóðar númer 1. Þorsteinn Hermannsson verkfræðingur hjá Manniviti gerði grein fyrir umferðargreiningunni. Þráinn Hauksson gerði grein fyrir breytingartillögum á útfærslu lóðar að Kauptúni 1.

Eftirfarandi breytingar eru lagðar til á tillögunni:

Byggingarreitur fyrir skilti komi inn á lóð 3 á móts við skilti S4.

Bætt verði við akrein við fremra hringtorgið fyrir hægri beygu frá Kauptúni 1-3

Bætt verði við akrein til suðvestur milli hringtorgs og ljósastýrðra gatnamóta við Urriðaholtsbraut.

Tekin verði út setningin „Liðka þarf kröfur um fjölda bílastæða“

Að fjöldi bílastæða á lóð númer 1 verði 270 stæði og hámarksbyggingarmagn 8.100 sbr. Framlögð tillaga Landslags nr 3.

Ákvæði um þakefni og útfærslu langhliðar á lóð nr. 1 lagfærð.

Kæliraftar verði staðsettir á útvegg aftan á viðbyggingu á nr. 3 en ekki á þaki.

Skipulagsnefnd heimilar auglýsingu tillögunnar með ofangreindum breytingum í samræmi við 1.mgr.41.gr. Skipulagslaga. Auglýsa skal breytingartillöguna í samhliða tillögu að breytingu aðalskipulags.

Fulltrúi Bjartar framtíðar Baldur Ó. Svavarsson sat hjá við afgreiðslu málsins og lagði fram eftirfarandi bókun: "Björt framtíð gerir alvarlegar athugasemdir við framlagðar tillögur að breytingum á deili- og aðalskipulagi Kauptúns. Athugasemdirnar lúta að undirbúningi, formi og fyrikomulagi tillagna. Áherslum umhverfis og vistvæni sem einkenni skipulags á svæðinu er varpað fyrir róða m.a. með áætlun um eina stærstu bensínstöð landsins á svæðinu. Umhverfis og útlitslegar áherslur og kröfur til nýbygginga eru veikar og lítið tillit tekið til þeirra sem fyrir eru á svæðinu sérílagi í Kauptúni 3.

Umferðagreinigar benda til stóraukinnar umferðar sem kalla á breytingar á umferðarmannvirkjum, en engin kostnargreinig eða áætlun liggur fyrir um hvenær þær gerði gerðar né hver greiði fyrir þær greytingar."

Skipulagsnefnd heimilar auglýsingu tillögunnar með þeim breytingum sem fram koma undir fundarlið nr. 1 í samræmi við 1.mgr.41.gr. Skipulagslaga. Auglýsa skal breytingartillöguna samhliða tillögu að breytingu aðalskipulags.

Skipulagsnefnd heimilar auglýsingu tillögunnar með þeim breytingum sem fram koma undir fundarlið nr. 1 í samræmi við 1.mgr.41.gr. Skipulagslaga. Auglýsa skal breytingartillöguna samhliða tillögu að breytingu aðalskipulags.

Lögð fram tillaga að breytingu deiliskipulags Urriðaholts-viðskiptastrætis sem nær til svæðis við suðurmörk deiliskipulagssvæðis frá gatnamótum við Kauptún og að Jónasartorgi.

Breytingin gerir ráð fyrir því að mörk deiliskipulagsins breytist lítillega svo og lega stígs meðfram lóðinni Kauptún 1. Breytingartillaga á lóðinni Kauptún 1 kallar á þessa breytingartillögu. Skipulagsnefnd heimilar auglýsingu tillögunnar í samræmi við 1.mgr.41.gr. Skipulagslaga. Auglýsa skal breytingartillöguna samhliða tillögu að breytingu aðalskipulags og tillögu að breytingu deiliskipulags Kauptúns.

Lögð fram tillaga að breytingu deiliskipulags Arnarness sem gerir ráð fyrir byggingarreit framan við núverandi bílageymslu sem er á neðri hæð. Ofan á nýja bílageymslu kæmu svalir. Svipuð útfærsla hefur verið samþykkt í Blikanesi 22. Skipulagsnefnd beinir því til skipulagstjóra að afla umsagnar deiliskipulagsráðgjafa Arnarness um tillöguna.

Lögð fram tillaga að skipulagi óbyggðs svæðis á milli Stekkjar og Asparvíkur við Bessastaðatjörn á Álftanesi. Tillagan gerir ráð fyrir 6 raðhúsum.

Vísað til frekari skoðunar hjá tækni-og umhverfissviði.

Baldur Ó Svavarsson vék af fundi undir þessum lið.

Löðg fram tillaga að breytingu deiliskipulags Hliðs á Álftanesi að lokinni auglýsingu. Engar athugasemdir hafa borist. Umsögn Umhverfisstofnunar lögð fram. Skipulagsnefnd leggur til að bætt verði því ákvæði við skilmála að leyfi þarf að fást hjá Umhverfisstofnun ef að fara á með ökutæki vegna framkvæmda inn á hið friðlýsta svæði.

Skipulagsnefnd samþykkir deiliskipulagsbreytinguna með ofangreindri breytingu.

Lögð fram byggingarleyfisumsókn fyrir svalir á efri hæð íbúðarhússins sem vísað var til grenndarkynningar þar sem húsið er á svæði án gildandi deiliskipulags. Engar athugasemdir hafa borist innan tilskilins frests. Skipulagsnefnd gerir því ekki athugasemd við að byggingarfulltrúi samþykki byggingarleyfið.