18. fundur

Margrét Björk Svavarsdóttir forstöðumaður fræðslu- og menningarsviðs kynnir vinnu og forsendur við gerð fjárhagsáætlunar 2017.

Margrét Björk Svavarsdóttir, forstöðumaður fræðslu- og menningarsviðs, mætti á fundinn og fór yfir forsendur og helstu tölur í fjárhagsáætlun Garðabæjar fyrir árið 2017.

Fyrri umræða um fjárhagsáætlun er fyrirhuguð í bæjarstjórn Garðabæjar 3. nóvember nk.

Umræður voru um ramma fyrir menningarmálin.

Erindi forstöðumanns Bókasafns Garðabæjar dags. 12. október 2016 um aukningu fjármagns til bóka- og tímaritakaupa, 2ja ára verkefnis, launaliðar, húsnæðis og húsbúnaðar fyrir Bókasafn Garðabæjar.

Bréf forstöðumanns Bókasafns Garðabæjar, dags. 12. október 2016, um aukningu fjármagns til bóka- og tímaritakaupa, 2ja ára verkefnis, launaliðar, húsnæðis og húsbúnaðar fyrir Bókasafn Garðabæjar, var tekið fyrir.

Menningar- og safnanefnd fagnar öflugu og góðu starfi Bókasafns Garðabæjar í þágu bæjarbúa og vísar erindinu til fjárhagsáætlunar 2017.

Bókasafn Álftaness var stofnað 9. nóvember 1956 og verður því 60 ára á þessu ári. Haldið verður upp á það með afmæliskaffi og upplestri 9. nóvember nk.

Fylgiskjöl

• 2016 okt fjarhagsaaetlun aukning beidni safnanefnd (nyútgafa).docx

Bréf forstöðumanns Bókasafns Garðabæjar, dags. 11. október 2016, um bókmenntakvöld á Bókasafni Garðabæjar 24. nóvember nk.

Bréf forstöðumanns Bókasafns Garðabæjar, dags. 11. október 2016, um styrk vegna bókmenntakvölds á Bókasafni Garðabæjar var tekið fyrir. Ekki er gert ráð fyrir viðburði sem þessum í fjárhagsáætlun 2016.

Menningar- og safnanefnd samþykkir að veita Bókasafni Garðabæjar styrk að upphæð 150.000 kr. vegna bókmenntakvölds á Bókasafni Garðabæjar 24. nóvember nk.

Nefndin telur æskilegt að í framtíðinni verði horft til þess að viðburðir sem þessir í Bókasafninu séu hafðir með í fjárhagsáætlun safnsins hverju sinni.

Fylgiskjöl

• styrkumsokn bokmenntakvold (002).docx

Farið yfir hvernig til tókst á fyrstu tónleikunum í október og tónleika framundan í nóvember.

Fyrstu tónleikarnir í tónleikaröð kennara úr Tónlistarskóla Garðabæjar fóru fram þriðjudaginn þriðjudagskvöldið 11. október sl. í sal Tónlistarskólans við Kirkjulund þegar boðið var upp á fjölbreyttan jazz. Ókeypis aðgangur var að tónleikunum og góð aðsókn.

Næstu tónleikar á haustönn verða haldnir 22. nóvember nk. Tónleikaröðin er styrkt af menningar- og safnanefnd.

Bréf Ármanns Helgasonar, f.h. Camerarctica, dags. 3. október 2016, um styrk vegna árlegra tónleika í Garðakirkju 21. desember 2016.

Bréf Ármanns Helgasonar, f.h. Camerarctica, dags. 3. október 2016, um styrk vegna árlegra tónleika undir yfirskriftinni ,,Mozart við kertaljós“ í Garðakirkju 21. desember nk. var tekið fyrir.

Menningar- og safnanefnd samþykkir að veita kammerhópnum Camerarctica styrk að upphæð 175.000 vegna tónleikanna.

Fylgiskjöl

• Styrkbeiðni vegna tónleika í Garðakirkju desember 2016

Fyrirhugaðir gospeltónleikar gospelkóra Jóns Vídalíns ásamt gestum í tilefni af 40 ára afmæli Garðabæjar og 10 ára afmæli kórsins verða haldnir fimmtudaginn 10. nóvember nk. í Vídalínskirkju.

Í tilefni af 40 ára afmæli Garðabæjar og 10 ára afmæli gospelkórs Jóns Vídalíns á árinu verða haldnir gospeltónleikar í Vídalínskirkju fimmtudaginn 10. nóvember nk. með stuðningi og í samstarfi við Garðabæ.

Eldri og yngri (16-20 ára) gospelkórar Jóns Vídalíns verða í aðalhlutverki þetta kvöld en gestasöngvarar verða þau Stefán Hilmarsson, Jóhanna Guðrún Jónsdóttir og Páll Rósinkranz. Aðgangur að tónleikunum verður ókeypis.

Farið yfir undirbúning vegna Tónlistarveislu í skammdeginu sem verður haldin á Garðatorgi fimmtudagskvöldið 17. nóvember nk.

Fyrirhugaðir tónleikar undir yfirskriftinni ,,Tónlistarveisla í skammdeginu“ verða haldnir á Garðatorgi fimmtudagskvöldið 17. nóvember nk. Tónlistarflytjendur þetta kvöld verða þau Jógvan Hansen, Sigríður Beinteinsdóttir og Guðrún Gunnarsdóttir ásamt píanóleikara.

Myndlistarfélagið Gróska verður með samsýningu í Gróskusalnum sama kvöld og fyrirtæki/verslanir á torginu verða hvött til að taka þátt með kvöldopnun.

Samþykkt var að eftirtaldir listamenn fái afnot af vinnuaðstöðunni í Króki frá nóvember 2016- janúar 2017: Ilmur Kristjánsdóttir, María Reyndal og Hannes Páll Pálsson vegna handritaskrifa fyrir sjónvarpsseríu.

Laus tímabil frá febrúar fram í maí 2017 verða auglýst aftur.

Stefnt er að því að hafa opið hús í Króki fyrsta sunnudag í aðventu.

Sérstök barnadagskrá var í Króki 11. september sl. en þá var boðið upp á leiðsögn fyrir börn og listasmiðju. Góð þátttaka var í dagskránni.

Stefnt er að því að hafa sérstaka aðventuopnun í Króki sunnudaginn 27. nóvember nk. Þá verður opið hús milli 13 og 17 með leiðsögn á staðnum og ratleikjum fyrir börn sem hafa verið sérútbúnir fyrir Krók.

Greint frá undirbúningi við vetrarhátíð og ósk Höfuðborgarstofu um að fá fulltrúa frá Garðabæ til að sitja í stjórn Vetrarhátíðar.

Undirbúningur fyrir Vetrarhátíð, sem verður haldin dagana 2.-5. febrúar 2017, er hafinn. Sveitarfélög á höfuðborgarsvæðinu hafa undanfarin ár tekið þátt í tveimur stærstu viðburðunum á Vetrarhátíð, Safnanótt og Sundlauganótt.

Höfuðborgarstofa vill efla enn frekar samstarfið við nágrannasveitarfélögin í tengslum við Vetrarhátíð og hefur í ár óskað eftir að fulltrúi frá Garðabæ sitji í stjórn Vetrarhátíðar. Stjórnin hefur verið skipuð starfsmönnum höfuðborgarstofu ásamt fulltrúum sundlauga og safna í Reykjavík og síðustu ár hafa tveir fulltrúar komið frá öðrum sveitarfélögum.

Menningar- og safnanefnd samþykkir að Hulda Hauksdóttir upplýsinga- og menningarfulltrúi verði fulltrúi Garðabæjar í stjórn Vetrarhátíðar.

Bréf frá Guju Sandholt, Rannveigu Káradóttur og Erlu Björg Káradóttur, f.h. Peru óperukollektíf, mótt. 26. október 2016, um hugmynd að sönghátíð í Garðabæ á árinu 2017 þar sem óperuformið og klassískur söngur verða í forgrunni, lagt fram.

Menningar- og safnanefnd telur erindið áhugavert og vísar því til áframhaldandi umræðu innan nefndarinnar í tengslum við fjárhagsáætlun 2017.

Áframhaldandi umræða um málið.