18. fundur

Farið yfir samþykkta fjárheimildir til menningarmála.

Farið var yfir samþykktar fjárheimildir til menningarmála á árinu 2020. Sundurliðun fjárhagsáætlunar er birt á vef Garðabæjar.

Bréf starfshóps um stafræna þróun til nefnda bæjarins tekið fyrir.

Bréf starfshóps um stafræna framþróun, dags. 5. desember 2019, lagt fram og rætt.

Fylgiskjöl

• Bréf um stafræna þróun sem á að fara til allra nefnda og ráða
• Stafræn þróun - Bréf frá ÁHJ til nefnda og sviðsstjóra.docx

Farið yfir helstu niðurstöður er varðar spurningu um menningarmál.

Niðurstöður úr árlegri þjónustukönnun Gallup, þar sem viðhorf íbúa til þjónustu í 20 stærstu sveitarfélögum landsins er mælt, voru kynntar. Farið var yfir helstu niðurstöður fyrir Garðabæ og þá sérstaklega niðurstöðu spurningar þar sem spurt er um ánægju með menningarmál. Könnunin er aðgengileg á vef Garðabæjar ásamt eldri könnunum.

Fylgiskjöl

• Garðabær_2019_má_birta.pdf

Farið yfir undirbúning vegna Safnanætur og Sundlauganætur og dagskrá í Garðabæ.

Farið var yfir undirbúning vegna Safnanætur og Sundlauganætur og dagskrá í Garðabæ. Vetrarhátíð verður haldin dagana 6.-9. febrúar nk. með þátttöku safna og sundlauga frá sveitarfélögum á höfuðborgarsvæðinu. Safnanótt verður haldin föstudagskvöldið 7. febrúar og í Garðabæ verður opið hús í Bókasafni Garðabæjar, Hönnunarsafni Íslands, Króki á Garðaholti og á Bessastöðum. Sundlauganótt verður haldin sunnudagskvöldið 9. febrúar og í ár verður boðið upp á dagskrá í Álftaneslaug.

Jazzhátíð Garðabæjar verður haldin í fimmtánda sinn 23.-25. apríl nk. með upphaf að kvöldi til sumardaginn fyrsta. Sigurður Flosason er listrænn stjórnandi hátíðarinnar. Drög að dagskrá hátíðarinnar verða kynnt á næsta fundi nefndarinnar í febrúar.

Samningur Garðabæjar við Capacent um verkefnið Velsæld í Garðabæ kynntur.

Samningur Garðabæjar og Capacent um verkefnið ,,Velsæld í Garðabæ“ var lagður fram og kynntur. Markmið fyrsta fasa verkefnisins er að kortleggja stöðu þeirra þátta sem hafa áhrif á velsæld og heilsu íbúa Garðabæjar.

Fylgiskjöl

• Verksamningur - Velsæld í Garðabæ

Farið yfir dagsetningu og staðsetningu menningaruppskeruhátíðar í vor.

Menningaruppskeruhátíð Garðabæjar hefur verið haldin síðari hluta maí mánaðar á síðustu árum. Stefnt er að því að halda næstu menningaruppskeruhátíð í Sveinatungu miðvikudaginn 27. maí nk.

Farið yfir reglur um Hvatningarsjóð ungra listamanna.

Farið var yfir reglur um Hvatningarsjóð ungra listamanna. Stefnt er að því að auglýsa eftir umsóknum í mars og tilkynnt verður um úthlutun úr hvatningarsjóðnum á menningaruppskeruhátíð í maí.

Hugmyndir um fræðslu- og sögugöngur 2020 ræddar.

Menningar- og safnanefnd hefur staðið að fjölbreyttum fræðslu- og sögugöngum undanfarin ár að vori og hausti í samstarfi við m.a. umhverfisnefnd, íþrótta- og tómstundaráð og Bókasafn Garðabæjar. Rætt var um hugmyndir að sögugöngum ársins.

Kynntar voru hugmyndir Bókasafns Garðabæjar um samstarfsverkefni um lestrarverkefnið Lesum saman og forritunarnámskeið fyrir börn. Nefndin tók jákvætt í að taka þátt í þessum verkefnum með bókasafninu og upplýsingastjóra var falið að útfæra það í samstarfi við forstöðumann bókasafnsins.

Kynntar voru hugmyndir Bókasafns Garðabæjar um samstarfsverkefni um lestrarverkefnið Lesum saman og forritunarnámskeið fyrir börn. Nefndin tók jákvætt í að taka þátt í þessum verkefnum með bókasafninu og upplýsingastjóra var falið að útfæra það í samstarfi við forstöðumann bókasafnsins.

Formaður greindi frá fundi með fyrirtækinu Gagarín þar sem farið var yfir með hvaða hætti væri hægt að gera samning um fyrsta fasa uppbyggingar í tengslum við minjagarðinn á Hofsstöðum skv. greinargerð og frumkostnaðaráætlun verkefnisins sem lá fyrir síðasta haust. Stefnt er að því að samningur verði tilbúinn í mars þar sem framkvæmdir og tímasetningar fyrsta fasa eru skilgreindar og að uppbygging hefjist á þessu ári.

Fylgiskjöl

• Aftur-til-hofsstada_frum-kostnadaraaetlun03.pdf
• Greinagerð Hofstaðir (2).pdf

Greint var frá eftirfarandi viðburðum sem eru framundan:

o Laugardaginn 25. janúar verða tónleikar hjá sinfóníuhljómsveit Tónlistarskólanna í Langholtskirkju. Nemendur úr Tónlistarskóla Garðabæjar taka þátt í tónleikunum en sinfóníuhljómsveitin er samstarfsverkefni Tónlistarskóla Garðabæjar og þriggja annarra tónlistarskóla.

o Fimmtudagskvöldið 13. febrúar nk. heldur Kvennakór Garðabæjar Þorravöku í Kirkjuhvoli, safnaðarheimili Vídalínskirkju, þar sem dagskráin er helguð listamönnum í Garðabæ.

o Dagana 27. febrúar-3. mars nk. verður Íslandsmótið í skák kvenna haldið í Sveinatungu á Garðatorgi.