17. fundur

Lögð fram tillaga lýsingu aðalskipulagsgerðar sem unnin hefur verið af aðalskipulagsráðgjöfum í samráði við skipulagsnefnd.$line$Nefndarmenn lögðu fram ábendingar sem verða færðar inn í tillöguna. Tillagan verður lögð fram á næsta fundi nefndarinnar.

Þráinn Hauksson hjá Landslagi ehf kynnti tillögur að deiliskipulagi Vífilsstaðavegar og Bæjarbrautar sem unnar voru á vegum síðustu skipulagsnefndar. Skipulagsstjóra og skipulagsráðgjafa falið að fullvinna tillöguna.$line$Auður Hallgrímsdóttir lagði fram eftirfarandi bókun:$line$"Garðabær er undir miklu álagi frá bílaumferð sem sífellt eykst. Tvær stórar stofnbrautir Hafnarfjarðarvegur og Reykjanesbraut liggja þvert í gegnum bæinn og þrjár stofnbrautir Arnarnesvegur, Fjarðarhraunsvegur og Vífilsstaðarvegur liggja langsöm í gegnum bæinn og meðfram bænum. Bæjaryfirvöld hafa ekki undan að bregðast við umferðarhávaða með því að reisa hljóðmanir og hljóðveggi sem gera bæinn sífelt meira óaðlaðandi í útliti. Erlendis færist í vöxt að götum er breytt í opin græn svæði til að stemma stigu við aukinni umferð og álagi sem því fylgir. Tillaga fulltrúa Bjartrar framtíðar er að bæjaryfirvöld skoði möguleika að loka Vífilsstaðavegi frá gatnamótum við innkeyrslu á Garðatorg að gatnamótum við Karlabraut og Brúarflöt og geri þetta svæði að bæjargarði. "

Þráinn Hauksson hjá Landslagi gerði grein fyrir kostum varðandi útfærslu hljóðvarna. Nefndarformaður greindi frá íbúafundi sem haldinn var þann 4.nóvember sl en þar mættu um 25 manns og hlýddu á kynningu um útfærslu hljóðvarna. Líflegar og gagnlegar umræður urðu á íbúafundi um málið. Vísað til frekari skoðunar hjá tækni-og umhverfissviði.

Egill Guðmundsson arkitekt hjá Arkís kynnti tillögu að breytingu á deiliskipulagi Kauptúns sem nær til lóðarinnar Kauptún 4 (IKEA). Tillagan gerir ráð fyrir auknu byggingarmagni um 1500 m2 úr 21.000 m2 í 22.500. Fyrirhugað er að stækka milligólf. Tillagan gerir einnig ráð fyrir því að lágmarksfjöldi bílastæða fyrir lóðina verði 1:26 í stað 1:25. Lagt fram minnisblað Alta ehf vegan bílastæðaþarfar. Lagt fram erindi frá Rekstrarfélagi Kauptúns þar sem fram kemur að félagið gerir ekki athugsemdir við tillöguna.$line$Skipulagsnefnd metur breytinguna sem óverulega breytingu í samræmi við 2.mgr. 43.gr. Skipulagslaga og vísar henna til grenndarkynnngar. Grenndarkynna skal öllum rekstraraðilum og eigendum í Kauptúni.

Egill Guðmundsson arkitekt kynnti tillögu að breytingu deiliskipulags Vesturhluta Urriðaholts sem nær til götunnar Mosagötu. Svæðið sem breytingin nær til er 1426 m2. Við breytinguna fjölgar íbúðum um 22 úr 79 í 101. Þar af fjölgar fjölbýlisíbúðum úr 72 í 89 en sérbýlisíbúðum fjölgar úr 7 í 12. Sérbýlisíbúðir voru raðhús en verða parhús, þar af verða 8 neðan götu en 4 ofan götu. Bílastæðum fjölgar úr 170 í 233. Lóðamörk ofan fjölbýlishúsa breytast lítillega og svæðið sem skipulagið nær til stækkar lítillega til norðurs og austurs.$line$Tillagan var kynnt á íbúafundi 14.október síðastliðinn.$line$Skipulagsnefnd heimilar kynningu tillögunnar í samræmi við 1.mgr. 43.gr. Skipulagslaga.

Egill Guðmundsson arkitekt kynnti tillögu að deiliskipulagi 2.áfanga Norðurhluta Urriðaholts að lokinni forkynningu sem stóð frá 6.-29.október. Kynningarfundur var haldinn í Flataskóla þann 14.október. Tillagan gerir ráð fyrir 179-198 íbúðareiningum í blandaðri byggð. Þar af verða um 139-158 íbúðir í fjölbýli, 24 í raðhúsum, 12 í parhúsum og 4 í einbýlishúsum. Leitast er við að skapa fjölbreytni í húsagerðum og lifandi tengsl bygginga og göturýma.$line$Skipulagsnefnd vísar tillögunni til auglýsingar í samræmi við 1.mgr.41.gr.Skipulagslaga nr.123/2010.

Egill Guðmundsson arkitekt kynnti tillögu að breytingu á deiliskipulagi Urriðaholts Viðskiptastrætis sem nær til lóðarinnar Urriðaholtsstræti 6-8 þar sem Náttúrfræðistofnun er til húsa. Gert er ráð fyrir því að lóðin minnki úr 5.261 m2 í 3.899 m2 eða um 1362 m2. Mörk deiliskipulagsins breytast. Bílastæðum á lóðinni fækkar því um 12 stæði enda sýnir fengin reynsla að næg bílastæði eru á lóð. Kvöð verður sett á bílastæði á lóðinni Lynggata 1-3 um afnotarétt lóðarinnar Urriðaholtsstræti 6-8.$line$Skipulagsnefnd samþykkir að heimila kynningu breytingartillögnnar í samræmi við 1.mgr.43.gr. Skipulagslaga.

Egill Guðmundsson arkitekt kynnti tillögu að breytingu deiliskiplags Vesturhluta Urriðaholts sem gerir ráð fyrir því að hæð raðhúsa R3 á lóðinni Bæjargata 11-19 breytist úr 3 hæðum í 2-3 hæðir.$line$Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga.

Lögð fram tillaga að breytingu á deiliskipulagi Hleina að Langeyrarmölum sem gerir ráð fyrir skiptingu deiliskipilagsins á bæjarmörkum Hafnarfjarðarkaupstaðar og Garðabæjar. Eftir að mörkin á milli sveitarfélaga var breytt og þau löguð að lóðarmörkum Hrafnistu er ekki þörf á að deiliskipulagið nái inn í lögsögu beggja sveitarfélaga. Skipulagsnefnd heimilar kynningu tillögunnar í samræmi við 1.mgr.43.gr. Skipulagslaga.

Bæjarverkfræðingur gerði grein fyrir kafla um Skipulagsmál í Fjárhagsáætlun Garðarbæjar fyrir árið 2015.