5. fundur

Skipulagsráðgjafar og fulltrúi Urriðaholts ehf kynntu tillögu að deiliskipulagi Austurhluta Urriðaholts 1.-4.áfanga. Eftirfarandi mættu til fundarins: Jón Pálmi Guðmundsson Urriðaholti ehf, Þráinn Hauksson Landslagi ehf, Hrafnhildur Brynjólfsdóttir Alta ehf og Egill Guðmundsson Arkís ehf.

Tillagan gerir ráð fyrir íbúðarbyggð í góðu samræmi við rammaskipulag Urriðaholts. Gert verður ráð fyrir 495 íbúðareiningum sem skiptast í 416 einingar í fjölbýli, 50 einingar í raðhúsum, 22 einingar í parhúsum og 7 í einbýlishúsum.

Þegar Austurhluti er talinn með þá verða íbúðir í Urriðaholti orðnar 1579 og eru þá íbúðarsvæði fullbyggð. Þó getur verið að eitthvað að íbúðum verði inni á athafnasvæðinu norðan Urriðaholtsstrætis en það svæði hefur ekki verið deiliskipulagt.

Skipulagsnefnd vísar tillögu til forkynningar í samræmi við 3.mgr. 40.gr. Skipulagslaga nr.123/2010 . Halda skal almennan kynningarfund á meðan forkynningu stendur.

Lögð fram fyrirspun lóðarhafa um það hvort heimilað verði að sækja um leyfi fyrir einfaldrara bílageymslu í stað tvöfaldar. Lögð fram umsögn deiliskipulagshöfundar og Urriðaholts ehf sem er jákvæð gagnvart fyrirspurninni. Með vísan í umsögn skipulagshöfundar og 3.mgr. 43.gr. Skipulagslaga nr. 123/2010 gerir skipulagsnefnd ekki athugasemd við að við veitingu byggingarleyfis verði vikið frá kröfum 2.mgr. 43.gr. Skipulagslaga nr.123/2010 hvað umrætt atriði varðar. Baldur Ó. Svavarsson vék af fundi undir þessum lið.

Frestað þar til útskýring og umsögn deiliskipulagshöfundar liggur fyrir.

Lögð fram tillaga að breytingu á deiliskipulagi Urriðaholts Vesturhluta sem gerir m.a. gerir ráð fyrir fjölgun íbúða úr 6 í 7. Lögð fram umsögn deiliskipulagshöfundar og Urriðaholts ehf um tillöguna. Í umsögn eru lagðar til útfærslur um lagfæringu tillögunnar. Breytingartillögunni með þeim breytingum sem lagðar eru til í umsögn er vísað til auglýsingar í samræmi við 1.mgr.43.gr.Skipulagslaga nr.123/2010 . Skipulagsnefnd mælir með því að skipulagshöfundur gangi frá breytingarupprætti áður en tillagan er auglýst. Guðrún Dóra vék af fundi undir þessum lið.

Lögð fram tillaga að deiliskipulagi Urriðaholts Norðurhluta 3 sem gerir m.a. ráð fyrir fjölgun íbúða úr 12 í 15. Lögð fram umsögn deiliskipulagshöfundar og Urriðaholts ehf þar sem gerðar eru tillögur að lagfæringu á tillögunni. Breytingartillögunni með þeim breytingum sem lagðar eru til í umsögn er vísað til auglýsingar í samræmi við 1.mgr.43.gr.Skipulagslaga nr.123/2010 . Skipulagsnefnd mælir með því að skipulagshöfundur gangi frá breytingarupprætti áður en tillagan er auglýst. Baldur Ó. Svavarsson vék af fundi undir þessum lið.

Tillaga að tilfærslu byggingarheimilda á lóð Vinastrætis 2-18 lögð fram að lokinni grenndarkynningu. Engar athugasemdir bárust. Breytingin skoðast því samþykkt.

Þórhallur Sigurðsson kynnti tillögu að deiliskipulagi Miðsvæðis á Álftanesi.

Vísað til skoðunar hjá tækni-og umhverfissviði.

Lögð fram tillaga sem Landslag ehf hefur unnið að verkefnislýsingu fyrir deiliskipulag Norðurness Álftaness og matslýsingu fyrir umhverfismat deiliskipulagsins. Skipulagsnefnd samþykktir lýsinguna í samræmi við 1.mgr. 40 gr Skipulagslaga nr. 123/2010 og matslýsinguna í samræmi við lög um umhverfismat áætlana .

Lögð fram ný tillaga að deiliskipulagi Holttúns þar sem gert er ráð fyrir 4 íbúðareiningum í 2 parhúsum á milli Stekkjar og Asparvíkur og 6 íbúðareiningum við Evindarholt í einu parhúsi og raðhúslengju. Þráinn Hauksson hjá Landslagi vinnur að gerð deiliskipulagsins og kynnti hann tillöguna.

Skipulagsnefnd vísar tillögunni til auglýsingar í samræmi við 1.mgr.41.greinar Skipulagslaga nr.123/2010. Fallið er frá gerð lýsingar og forkynningar þar sem allar meginforsendur liggja fyrir í aðalskipulagi sbr. 2.og3.mgr. 40.greinar sömu laga.

Baldur Ó.Svavarsson vék af fundi undir þessum lið.

Lögð fram tillaga að reiðskemmu á hesthúsasvæði Sóta á Álftanesi. Vísað til frekari skoðunar hjá tækni- og umhverfissviði.

Lögð fram byggingarleyfisumsókn fyrir breytingum innanhúss og á hurðum og gluggum að Haukanesi 12. Ekkert deiliskipulag er í gildi í Arnarnesi. Fallið er frá grenndarkynningu þar sem að tillagan varðar ekki aðra aðila en umsækjanda og Garðabæ sbr.s.mgr. 44.gr. Skipulagslaga nr.123/2010.

Bygging fer út fyrir byggingarreit á 3 stöðum.

Lögð fram byggingarleyfisumsókn af byggingu sem fer lítillega út fyrir byggingarreit. Með vísan í 3.mgr. 43.gr. Skipulagslaga nr. 123/2010 gerir skipulagsnefnd ekki athugasemd við að við veitingu byggingarleyfis verði vikið frá kröfum 2.mgr. 43.gr. Skipulagslaga nr.123/2010 hvað umrædd atriði varðar.

Lögð fram. Engar athugasemdir.