3. fundur

Lögð fram tillaga að deiliskipulagi íbúðarbyggðar í Lundum. Deiliskipulag Lunda var samþykkt í Garðahreppi áður en að fyrsta aðalskipulagsáætlun tók gildi árið 1987 telst því hverfið án deiliskipulags. Gert er ráð fyrir stækkunar-og breytingarmöguleikum á lóð Lundabóls þannig að þar verið hægt að reka 5 deilda leikskóla.

Skipulagsnefnd leggur til að sett verði ákvæði um að dregið verði úr áhrifum bílaumferðar við Leiksskóla á aðliggjandi byggð með skjólgirðingum og gróðri.

Skipulagsnefnd vísar tillögunni til forkynningar. Boða skal til íbúafundar þar sem tillagan verður kynnt, innihald hennar rætt og kallað eftir ábendingum almennings.

Undirbúa skal gerð húsakönnunar fyrir byggð innan skipulagssvæðisins.

Lögð fram tillaga að breytingum á deiliskipulagi Garðahrauns sem auglýst var frá 7.september til 19.október sl. Lagðar fram athugasemdir sem borist hafa. Lagt fram minnisblað skipulagsstjóra þar sem lagðar er fram tillögur um viðbrögð við athugasemdum og svör við þeim.

Skipulagsnefnd leggur til að eftirfarandi breytingar verði gerðar á tillögunni til að koma til móts við athugasemdir:

- Sett verði ákvæði í greinargerð og tákn á uppdrátt þess efnis að akstur neyðarbifreiða og strætisvagna sé heimill frá Garðahraunsvegi að Herjólfsbraut í báðar áttir.

- Að byggingarreitur að Garðprýði 5 verði fluttur um 8 metra til vesturs.

- Að kveðið verði á um hámark byggðs flatar á lóð verði 35 % í stað 300 m2.

- Að gert verði ráð fyrir stoppistöð strætisvagna við Garðahraunsveg.

- Að sett verði ákvæði í deiliskipulagsgreinargerð og tákn á uppdrátt sem gerir ráð fyrir hindrunum á milli Garðprýðis og Herjólfbrautar með það að markmiði að koma í veg fyrir gegnumakstur.

Skipulagsnefnd samþykkir tillögu að svörum til þeirra sem gerðu athugasemdir.

Skipulagsnefnd samþykkir breytingar á deiliskipulagi Garðahrauns með ofangreindum breytingum í samræmi við 3.mgr.41.gr.Skipulagslaga og felur skipulagsstjóra að senda þeim sem athugasemdir gerðu svör og senda tillöguna ásamt fylgigögnum til athugundar hjá Skipulagsstofnun.

Lögð fram tillaga að breytingu deiliskipulags Akra sem nær til verslunarlóðarinnar Akrabraut 1. Tillagan gerir ráð fyrir því að byggingarreitur stækkar um 3 metra til suðurs en styttist til 14 metra úr vestri. Einnig gert ráð fyrir skjólveggjum austan við húsið sem verði allt að 2,2 m að hæð og skjólveggjum á lóðarmörkum að Línakri 3 1,8 m að hæð. Felld verður út bindandi byggingarlína vestast á byggingarreit. Að númer lóðarinnar verði 1 en ekki 5 eins og fram kemur á deiliskipulagsuppdrætti.

Skipulagsstjóri og bæjarverkfærðingur gera grein fyrir samráðsfundum sem haldnir hafa verið með íbúum sem bæjarstjóri tók m.a. þátt í.

Skipulagsnefnd leggur áherslu á að vandlega verði skoðað með hvaða hætti megi bæta umferðarflæði við hringtorg á Arnarnesvegi og tengingar við Akrahverfi með það að markmiði að bæta ástandið eins og kostur er.

Skipulagsnefnd metur breytinguna sem óverulega breytingu deiliskipulags Akrar og vísar tillögunni til grenndarkynningar í samræmi við 2.mgr.43.gr.Skipulagslaga. Grenndarkynna skal eigendum og íbúum Línakurs 3, 4,6,8 og 10.

Lögð fram tillaga að breytinu á deiliskipulagi Ása og Grunda sem nær til lóðarinnar Unnargrund 2. Tillagan gerir ráð fyrir breytingu á byggingarreit til að laga hann að hönnun á íbúðarhúsi fyrir fatlað fólk.

Skipulagsnefnd samþykkir breytinguna sem óverulega breytingu á deiliskipulagi Ása og Grunaað vísa tillögunni í grenndarkynningu í samræmi við 2.mgr.43.gr. Grenndarkynna skal íbúum og eigendum við Sjávargrund og Unnargrund 1,3,4,5,6,7,8 og 9.

Erindinu vísað til frekari skoðunar hjá tækni og umhverfissviði.

Lögð fram tillaga að óverulegri breytingu á deiliskiplagi Hnoðrarholts og Vetrarmýrar sem gerir ráð fyrir því að lóðin Hrísholt 11 verði skilgreind sem lóð fyrir tvíbýlishús.

Tillagan hefur verið grenndarkynnt og athugasemdir hafa borist frá eigendum 8 húsa í Hrísholti, Eskiholti og Háholti. Allar athugasemdir leggjast gegn samþykkt tillögunnar.

Í mótmælum nágranna er vísað til þess að í gildandi skipulagi komi fram að eingöngu sé gert ráð fyrir einbýlishúsum í hverfinu og því sé byggðamynstur hverfisins einsleitt og fastmótað. Það felist því í samþykkt tillögunnar grundvallarbreyting á skipulagi og nýtingu hverfisins.

Í tilviki beiðni eiganda að Hrísholti 11 samþykkti skipulagsnefnd að gera tillögu um óverulega breytingu á deiliskipulagi hverfisins vegna eingöngu viðkomandi lóðar, enda uppfyllti eignin kröfur um 2 bílstæði á hvora íbúð, þarna eru tvær íbúðir og verða áfram en eignarhald er enn á einni hendi. Auk þess er dæmi þess að eign í Hnoðraholti hafi verið skipt í tvær íbúðir. Í samræmi við ákvæði skipulagslaga var tillagan grenndarkynnt og hafa borist mótmæli nágranna við samþykkt tillögunnar.

Á síðasta ári féll úrskurður Úrskurðarnefndar umhverfis- og auðlindamála nr. 130/2016 í máli nr. 120/2014 en þá var kærð ákvörðun bæjarstjórnar Kópvogs að hafna að breyta skráningu einbýlishúss í tvíbýlishús. Það haggaði ekki þeirri niðurstöðu þótt áður hafi verið fallist á breytingu úr einbýli í tvíbýli fyrir eitt hús í annarri götu á skipulagssvæðinu, en engin andmæli bárust við kynningu tillögu að þeirri breytingu. Verður yfirvöldum ekki talið skylt að fylgja því fordæmi.

Með vísan til athugasemda nágranna og til úrskurðar Úrskuðrarnefndar umhverfis-og auðlindamála nr.130/2016 samþykkir skipulagsnefnd að leggja til við bæjarstjórn að beiðni eiganda Hrísholts 11 um skiptingu eignarinnar verði hafnað.

Gamalt skipulag í gangi.

Eru breytingar innan skipulagsskilmála?

Lögð fram umsókn um byggingarleyfi fyrir breytingar á íbúðarhúsinu Engimýri 2. Deiliskipulag Hofstaðamýrar telst ekki í gildi og því er tillögunni vísað til grenndarkynningar í samræmi við 44.gr. Skipulagslaga. Grenndarkynna skal eigendum og íbúum við Engimýri 1, 3, 4 10 og 12.

Erindið lagt fram til kynningar.

Vísað til frekari skoðunar hjá tækni-og umhverfissviði.

Skipulagsnefnd samþykkir að leggja til við bæjarstjórn að samþykkja óverulega breytingu á deiliskipulagi Molduhrauns vegna lóðarinnar við Vesturhraun 5a, sem er lóð fyrir spennustöð.

Grenndarkynning fór fram samkvæmt 1. mgr. 44. gr. skipulagslaga, sbr. 2. mgr. 43. gr. sömu laga. Engar athugasemdir bárust.

Lagt fram.

Skipulagsnefnd telur að ekki sé ástæða til að gera athugasemdir við tillögu að breytingu á aðalskipulagi Hafnarfjarðar sem gerð er vegna breytinga á vatnsverndarmörkum enda er hún í samræmi við svæðisskipulag.