3. fundur

Lögð fram tillaga að breytingu á deiliskipulagi Hliðs á Álftanesi. Lagðar fram umsagnir Minjastofnunar dags 19.febrúar 2015 og Umhverfisstofnunar dags 11.mars 2015. Lagt fram erindi Ragnheiðar Traustadóttur fornleifafræðings dags 27.febrúar 2015 þar sem fram kemur að hún hafi könnunarskurð í gegnum fyrirhugaðan byggingarreit skv deiliskipulagstillögu. Engar fornleifar hafa komið þar í ljós.$line$Umhverfisstofnun telur að áætlanir um gistirými sem líkjist gámaeiningum falli ekki að ásýnd og staðaranda svæðisins.$line$Skipulagsnefnd leggur áherslu á að í útfærslu tillögunnar verði komið til móts við umsögn umhverfisstofnunar.

Lögð fram umsókn um byggingarleyfi að fjölbýlishúsum á eystri hluta lóðarinnar Lyngás 1 en umsókninni var vísað til nefndarinnar úr bæjarráði. Sú breyting er frá áðursamþykktri teikningu af sama lóðarhluta að heildarfjöldi íbúða á lóðarhlutanum er 70 stað 63 áður.$line$$line$Skipulagsnefnd gerir ekki athugasemd við umsóknina en leggur áherslu á að heildarfjöldi íbúða á lóðinni allri verði 119 sem var niðurstaða í ferli deiliskipulags Lyngáss 1 á sínum tíma.

Lögð fram tillaga að breytingu á deiliskipulagi Ása og Grunda sem nær til lóðar Sjálandsskóla. Tillagan gerir ráð fyrir því að lóð stækki sem nemur íbúðarhúslóðinni að Ránargrund 3. Eftir stækkun verður lóðin 20.609 m2 en er nú 18.644 m2. Við Löngulínu gerir tilllagan ráð fyrir bílaaðkomu með einstefnu og fimm skammtímabílastæðum og að auki tveimur bílastæðum fyrir hreyfihamlaða.$line$Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga. Þar sem að tillagan er í samræmi við meginforsendur aðalskipulags er fallið frá forkynningu.

Lögð fram tillaga að breytingu á deiliskipulagi Ása og Grunda sem nær til lóðar fyrir veitingastað við Ránargrund og nánasta umhverfis. Tillagan gerir ráð fyrir því að lóðin verði 4089 m2 í stað 1350 og að bílastæði verði innan lóðar. Hámarksstærð veitingahússins verður 500 m2 í stað 300 og hámarkshæð útveggja verður 5,5 m í stað 3,5. Gert er ráð fyrir 32-48 bílastæðum innan lóðar. Ný aðkoma verður frá hringtorgi hjá Unnargrund/Sjávargrund.$line$Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga. Þar sem að tillagan er í samræmi við meginforsendur aðalskipulags er fallið frá forkynningu.

Lögð fram tillaga að breytingu á deiliskipulagi Ása og Grunda sem nær til lóðanna Unnargrund 2-10. Lóðirnar verða sameinaðar í eina lóð Unnargrund 2 og lóðarmörk breytast þannig að bílastæði framan við húsin verða innan lóðar. Á lóðinni verður heimilt að byggja hús með 6-7 íbúðum ætluðum hreyfihömluðum ásamt aðstöðu fyrir starfsfólk.$line$Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga.$line$Þar sem að tillagan er í samræmi við meginforsendur aðalskipulags er fallið frá forkynningu.

Lögð fram tillaga á vegum lóðarhafa að breytingu á deiliskipulagi Akra sem nær til lóðanna Breiðakur 1-7 og 2-8. Tillagan gerir ráð fyrir því að í stað 16 íbúðareininga í raðhúsum í 4 samstæðum komi 32 íbúðareiningar í 4 fjölbýlishúsum. Byggingarmagn er óbreytt.$line$Gert er ráð fyrir bílastæðum við götu en einnig á milli húsanna sem eru ofan við götu.$line$Skipulagsnefnd vísar tillögunni til skoðunar hjá tækni og umhverfissviði.

Lögð fram tillaga að breytingu á deiliskipulagi Vesturhluta Urriaðholts sem nær til lóðanna Holtsvegur 41 og 43. Tillagan gerir ráð fyrir því að hámrksfjöldi íbúða á hvorri lóð hækki úr 9 í 10. Umsögn deiliskipulagshöfundar liggur fyrir.$line$Skipulagsnefnd vísar tillögunni til kynningar í samræmi við 1.mgr. 43.gr. Skipulagslaga. Þar sem að tillagan er í samræmi við meginforsendur aðalskipulags er fallið frá forkynningu.$line$Samkvæmt 13. gr. samnings Garðabæjar og Urriðaholts ehf. um uppbyggingu byggðar í Urriðaholti, dags. 20. apríl 2007 skal reikna sérstakt gjald á hverja íbúð sem framlag til uppbyggingar skóla- og íþróttamála. $line$Urriðaholt ehf. greiðir umrætt gjald af íbúðum sem byggðar eru samkvæmt gildandi deiliskipulagi en lóðarhafar greiða gjald vegna fjölgunar íbúða umfram það. Gjaldið nemur kr. 701.249 á íbúð miðað við BVT 605,7 stig í janúar 2015 og gjaldfellur við útgáfu á byggingarleyfi.$line$$line$Guðrún Dóra vék af fundi undir þessum lið.

Lögð fram tillaga Kópavogsbæjar að breytingu á deiliskipulagi Kjóavalla sem gerir ráð fyrir áhaldshúsi Kópasvogsbæjar á Miðsvæði hesthúsabyggðarinnar. Lögð fram umsögn deiliskipulagshöfundar þar sem fram kemur að ekki er talið tímabært að ráðstafa svo stórum hluta svæðis á miðsvæði Kjáovalla undir starfsemi sem ekki tengist hestamennsku. Skipulagsnefnd telur að tillagan sé í hróplegri andstöðu við megin markmið deiliskipulagsins sem var að stuðla að uppbygginu svæðisns sem væri í fremstu röð hesthúsabyggða á landinu.$line$Auk þess telur skipulagsnefnd að allar breytingartillögur sem gerðar eru á deiliskipulaginu skulu unnar af deiliskipulagsráðgjafa eins og lagt var upp með við gerð deiliskipulagsins.$line$Tillögunni er hafnað.

Lagt fram erindi frá Skátafélaginu Vífli vegna staðsetningar útilífsmiðstöðvar við Grunnuvötn.$line$Skipulagsnefnd mælist til þess að farið verið í skoðunarferð inn að Grunnuvötum og frekari möguleikar á staðsetningu skoðaðir.

Lögð fram greinargerð Árna Ólafssonar arkitekts um staðsetningarkosti fjölnota íþróttahúss í Garðabæ. Þau sjónarmið sem fram komu á fjölsóttum kyningarfundi í safnaðarheimili Vídalínskirkju þann 18.mars rædd.

Umræðu frestað til næsta fundar.