7. fundur

Freyr Frostason og Klara Sól Ágústsdóttir arkitektar hjá THG, ásamt Bjarka Páli Eysteinssyni gerðu grein fyrir tillögu að breytingu deiliskipulags Miðbæjar Garðabæjar fyrir hönd fasteignafélagsins Heima.

Tillögu vísað til úrvinnslu hjá THG, Heimum og Umhverfissviði.

Þráinn Hauksson landslagsarkitekt hjá Landslagi kynnti fyrir hönd lóðarhafa tillögu að breytingu deiliskipulags Garðahrauns sem gerir ráð fyrir einbýlishúsabyggð á landi Hrauntungu við Garðahraunsveg (Gamla Álftanesveg).

Vísað til úrvinnslu hjá lóðarhafa, ráðgjafa og Umhverfissviði.

Baldur Ó. Svavarsson vék af fundi undir þessum lið.

Lögð fram tillaga að breytingu Aðalskipulags Garðabæjar, rammahluta Vífilsstaðalands sem gerir ráð fyrir breytingu á afmörkun landnotkunarreitsins 4.10 Íþ til samræmis við tillögu að deiliskipulagi Vetrarmýrar og Smalaholts sem nú er í auglýsingu.

Skipulagsnefnd leggur til að tillagan hljóti meðferð sem óveruleg aðalskipulagsbreyting í samræmi við 2. mgr. 36. gr. skipulagslaga nr. 123/2010 og skal senda hana Skipulagsstofnun til afgreiðslu en þess sé gætt að hún sé ekki staðfest fyrr en að lokinni samþykkt deiliskipulags Vetrarmýrar og Smalaholts.

Lögð fram tillaga að breytingu deiliskipulags Hnoðraholts norðurs sem gerir ráð fyrir því að afmörkun deiliskipulagssvæðis breytist þannig að austasti hluti Vorbrautar verður felldur út eða það svæði sem deiliskipulag Vetrarmýrar og Smalaholts nær til og er nú í auglýsingu.

Skipulagsnefnd metur tillöguna sem óverulega breytingu deiliskipulags Hnoðraholts norður í samræmi við 2. mgr. 43. gr. skipulagslaga nr. 123/2010. Grenndarkynning er felld niður þar sem að tillagan er í samræmi við tillögu að deiliskipulagi Vetrarmýrar og Hnoðraholts norður. Tillagan skal hljóta staðfestingu um leið og tillaga að deiliskipulagi Vetrarmýrar og Smalaholts.

Lögð fram tillaga að breytingu deiliskipulags Vetrarmýrar sem gerir ráð fyrir því að afmörkun deiliskipulagssvæðis breytist þannig að sá hluti svæðisins sem er inni á golfvallarsvæði er felldur út eða það svæði sem deiliskipulag Vetrarmýrar og Smalaholts nær til og er nú í auglýsingu.

Skipulagsnefnd metur tillöguna sem óverulega breytingu deiliskipulags Vetrarmýrar í samræmi við 2. mgr. 43. gr. skipulagslaga nr. 123/2010. Grenndarkynning er felld niður þar sem að tillagan er í samræmi við tillögu að deiliskipulagi Vetrarmýrar og Hnoðraholts. Tillagan skal hljóta staðfestingu um leið og tillaga að deiliskipulagi Vetrarmýrar og Smalaholts.

Lögð fram fyrirspurn um útfærslu byggingar sem gerir ráð fyrir hámarkshæð húss með flötu þaki sé 7,2 m.

Skipulagsnefnd fellst ekki á að breyta ákvæðum deiliskipulags með þeim hætti að vegghæð húss sé 7,2 metrar á allar hliðar í stað 6,5 m, jafnvel þó að ein hlið geti verið allt að 8,5 m. Nefndin telur það vera frekar í anda deiliskipulagsins ef þakflötur sé annað hvort hallandi eða uppbrotinn.

Lögð fram fyrirspurn um útfærslu iðnaðarbyggingar sem kallar á stækkun byggingarreits á baklóð sem nær yfir kvöð um holræsi með fram lóðarmörkum.

Skipulagsnefnd gerir ekki athugasemd við að skipulagsstjóri vísi tillögu þess efnis til grenndarkynningar sem óverulegri deiliskipulagsbreytingu og felli um leið niður kvöð um holræsi ef tillagan nær fram að ganga, enda hefur holræsi verið lagt í götu við Gilsbúð en ekki þar sem kvöðin nær til.

Baldur Ó. Svavarsson vék af fundi undir þessum lið.

Lögð fram tillaga að breytingu deiliskipulags Hleina að Langeyrarmölum sem nær til lóðar dvalarheimilisins Hrafnistu Hraunvangur 7 að lokinni auglýsingu.

Breytingin nær aðallega til svæðis innan lögsögu Hafnarfjarðar.

Lagðar fram umsagnir sem borist hafa ásamt tillögu Hafnarfjarðar að svörum við þeim. Skipulagsnefnd Garðabæjar samþykkir framlögð svör við umsögnum fyrir sitt leyti.

Skipulagsnefnd Garðabæjar samþykkir deiliskipulagsbreytinguna í samræmi við 41. gr. skipulagslaga nr. 123/2010.

Lögð fram tillaga að breytingu Aðalskipulags Reykjavíkur sem gerir ráð fyrir ákvæðum um stakstæð hús á opnum svæðum.

Skipulagsnefnd Garðabæjar gerir ekki athugasemd við tillöguna.

Skipulagsnefnd Garðabæjar gerir ekki athugasemd við tillöguna.

Tillögu vísað til umsagnar hjá Umhverfissviði.

Skipulagsnefnd Garðabæjar gerir ekki athugasemd við tillöguna.

Fundargerð lögð fram.

Umsagnafrestur framlengdur

Vegna tæknilegra örðugleika í skipulagsgátt bárust beiðnir til umsagnaraðila ekki með réttum hætti. Samkvæmt ráðleggingu Skipulagsstofnunar fellst skipulagsnefnd Garðabæjar á að framlengja frest til að gera athugasemdir og veita umsagnir um 3 vikur, eða til og með 9. júní næstkomandi.