8. fundur

Lögð fram tillaga að lýsingu aðalskipulagsbreytingar og deiliskipulags fyrir Urriðaholt Norður 4 ásamt matslýsingu.

Deiliskipulag fyrir norðurhluta 4 í Urriðholti hefur farið í gegnum kynningarferli skv. lögum. Við lokaafgreiðslu Skipulagsstofnunar var bent á að ekki væri ljóst hvernig áform um íbúðarbyggð við Lautargötu á svæði 5.04 Vþ samræmdust aðalskipulagi Garðabæjar. Engar athugasemdir voru gerðar við önnur svæði deiliskipulagsins.

Í skilmálun aðalskipulags fyrir reit 5.04 Vþ er sagt að meirihluti byggðar í þeim reit skuli vera atvinnuhúsnæði en láðst hefur að geta þess hvaða önnur landnotkun sé þar heimil. Til að skýra þetta verður lögð fram tillaga að breytingu á aðalskipulagi Garðabæjar á þann veg að skýrt komi fram að íbúðarbyggð sé leyfð á því svæði sem um ræðir í stað atvinnuhúsnæðis.

Vegna þessa þarf að endurauglýsa Deiliskipulag Urriðaholts norðurhluta 4 og er ráðgert að auglýsa það með óbreyttum skilmálum og uppdrætti. Markmið aðalskipulagsbreytingarinnar er að setja það fram á skýran hátt að innan reits 5.04 Vþ sé íbúðarbyggð einnig heimil og að í skilmálum fyrir reitinn komi fram að heimild fyrir íbúðarhúsnæði miði við að það sé innan við 50% af heildar byggingarmagni reitsins.

Engin breyting er áformuð á uppdrættinum, bara skilmálum um reitinn 5.04 Vþ.

Skipulagsnefnd samþykkir framlagða lýsingu og matslýsingu.

Lögð fram tillaga að lýsingu aðalskipulagsbreytingar og deiliskipulags fyrir Urriðaholt Norður 4 ásamt matslýsingu.

Deiliskipulag fyrir norðurhluta 4 í Urriðholti hefur farið í gegnum kynningarferli skv. lögum. Við lokaafgreiðslu Skipulagsstofnunar var bent á að ekki væri ljóst hvernig áform um íbúðarbyggð við Lautargötu á svæði 5.04 Vþ samræmdust aðalskipulagi Garðabæjar. Engar athugasemdir voru gerðar við önnur svæði deiliskipulagsins.

Í skilmálun aðalskipulags fyrir reit 5.04 Vþ er sagt að meirihluti byggðar í þeim reit skuli vera atvinnuhúsnæði en láðst hefur að geta þess hvaða önnur landnotkun sé þar heimil. Til að skýra þetta verður lögð fram tillaga að breytingu á aðalskipulagi Garðabæjar á þann veg að skýrt komi fram að íbúðarbyggð sé leyfð á því svæði sem um ræðir í stað atvinnuhúsnæðis.

Vegna þessa þarf að endurauglýsa Deiliskipulag Urriðaholts norðurhluta 4 og er ráðgert að auglýsa það með óbreyttum skilmálum og uppdrætti. Markmið aðalskipulagsbreytingarinnar er að setja það fram á skýran hátt að innan reits 5.04 Vþ sé íbúðarbyggð einnig heimil og að í skilmálum fyrir reitinn komi fram að heimild fyrir íbúðarhúsnæði miði við að það sé innan við 50% af heildar byggingarmagni reitsins.

Engin breyting er áformuð á uppdrættinum, bara skilmálum um reitinn 5.04 Vþ.

Skipulagsnefnd samþykkir framlagða lýsingu og matslýsingu.

Grenndarkynningu lýkur 20 ágúst

Lögð fram byggingarleyfisumsókn að lokinni grenndarkynningu. Tvær athugasemdir hafa borist og þær lagðar fram. Vísað til skoðunar hjá tækni- og umhverfissviði.

Lögð fram tillaga að óverulegri deiliskipulagsbreytingu að lokinni grenndarkynningu. Tillagan gerir ráð fyrir því að byggingarreitur bílageymslu stækki til vesturs um 1,5 metra, þ.e. inn á baklóðina. Einnig gerir tillagan ráð fyrir því að nýtingarhlutfall hækki úr 0,3 í 0,5 vegna rýma sem fyrir eru í kjallara hússins og fyrirhugaðs lagnarýmis undir bílskúr.

Athugasemdir sem borist hafa lagðar fram. Eigendur Aratúns 34 gera athugasemd við það að bílageymsla lengist um 1,5 m til norðurs. Einnig er ítrekað að bílageymsla verði ekki hærri en 3,2 m.

Svar skipulagsnefndar vegna athugasemda er eftirfarandi: Fyrir mistök segir í erindi með grenndarkynntum gögnum að byggingareitur stækki til norðurs, rétt er að hann stækki til vesturs eins og segir á uppdrætti í texta og lesa má af uppdrætti. Tillagan gerir ekki ráð fyrir því að bílskúr sé hærri en 3,2 m.

Lögð fram tillaga að hæðarblaði sem Efla hefur unnið og þar kemur fram hæðarkóti aðalhæðar hússins og hæðarkóti bílageymslunnar sem er 50 cm lægri en hæðarkóti aðalhæðar. Hæðarkóti sem er 50 cm lægri byggir á upphaflegum teikningum hússins. Heimiluð hæð bílageymslu, 3,2 m miðast við hæðarkóta bílageymslunnar. Skipulagsnefnd samþykkir hæðarblaðið og vísar því til bæjarverkfræðings til útgáfu. Mæliblað sem byggir á deiliskipulagi var gefið út árið 2016 og er í gildi.

Skipulagsnefnd samþykkir deiliskipulagsbreytinguna í samræmi við 2. mgr. 43. gr. og 44. gr. skipulagslaga nr. 123/2010.

Lögð fram ósk eigenda einnar íbúðar í fjölbýlishúsinum um að skipulagsnefnd endurskoði svar sitt við erindi sem barst frá eigendum árið 2018. Óskað er eftir frekari rökstuðningi.

Svar skipulagsnefndar var eftirfarandi: "Samkvæmt tillögu verður húsið 3 hæða í stað tveggja hæða og kallar á deiliskipulagsbreytingu. Þeirri deiliskipulagsbreytingu er hafnað þar sem að breytingin hefur áhrif á hús við Hjálmakur en eigendur þeirra hafa áður lýst sig andsnúna þeirri útfærslu."

Skipulagsnefnd vísar til fyrra svars og minnir á að á sínum tíma hafi verið skoðað að heimila íverurými í kjallara hússins en niðurstaðan hafi verið sú að það hefði neikvæð áhrif fyrir aðliggjandi hús við Hjálmakur. Húbyggjendur hafið síðan farið þá leið að ganga þannig frá lóð hússins að útveggir kjallara er ofanjarðar að neðanverðu og því skiljanlegt að eigendum þyki eðlilegt að breyta notkun kjallarans. Það breytir ekki því að eigendur húsa við Hjálmakur eiga að geta vænst þess að deiliskipulag haldi. Við Ljósakur 2 háttar þannig til að engin hús hús standa neðan við og grenndaráhrif því óveruleg.

Lögð fram umsókn byggingarleyfi sem gerir ráð fyrir byggingarreit fyrir sólskála sem er utan byggingareita og nær auk þess að lóðarmörkum. Umsóknin kallar á deiliskipulagsbreytingu sem skipulagsnefnd hafnar þar sem hún er alls ekki í samræmi við byggðarmynstur deiliskipulagsins.

Lögð fram tillaga að breytingu deiliskipulags Urriðaholts Norðurhluta 3 sem gerir ráð fyrir því að íbúðum á lóðinni fjölgi út 9 í 10. Færð eru rök fyrir því að sú lausn liggi beinast við við hönnun byggingarinnar.

Tillögu er vísað til umsagnar deiliskipulagshöfundar.

Lögð fram lýsing á breytingu Aðalskipulags Hafnarfjarðar 2013-2025 vegna fyrirhugaðrar tvöföldunar Reykjanesbrautar frá Krýsuvíkurvegi að Hvassahrauni. Skipulagsnefnd gerir ekki athugasemd við framlagða lýsingu á fyrirhugaðri breytingu á Aðalskipulagi Hafnarfjarðar.

Lögð fram tillaga að breytingum á deiliskipulagi Glaðheima í Kópavogi. Lagt fram minnisblað tækni- og umhverfissviðs þar sem lagt er mat á áhrif breytinganna með hliðsjón af hagsmunum Garðabæjar.

Með vísan í framlagt minnisblað gerir skipulagsnefnd engar athugasemdir við tillöguna.

Lögð fram vinnslutillaga að endurskoðuðu Aðalskipulags Kópavogs sem hefur verið vísað til forkynningar skv. 2. mgr. 30. gr. skipulagslaga. Í erindi Kópavogsbæjar sem dagsett er 10.júlí sl er óskað eftir umsögn Garðabæjar um tillöguna og frestur gefinn til 31. ágúst.

Skipulagsnefnd hefur ekki fundað eftir að tillagan barst Garðabæ um mitt sumar. Skipulagsstjóri Garðabæjar óskaði eftir lengri frest hjá Kópavogsbæ til þess að vinna umsögnina en því var hafnað. Það er margt í tillögunni sem þarfnast skoðunar út frá hagsmunum Garðabæjar og tækni- og umhverfissviði falið að vinna tillögu að umsögn sem mun verða send til Kópavogsbæjar þegar hún er tilbúin.

Lög fram tillaga að breytingu deiliskipulagi Hnoðraholts og Smalaholts í Kópavogi. Breytingin nær til lóðarinnar Þorrasalir 37 og gert ráð fyrir því að lóðin stækki til vestur sem nemur opnu svæði sem er vestan við lóðina að bæjarmörkum að Garðabæ. Byggingarreitur lóðarinna stækkar einnig.

Skipulagsnefnd gerir athugasemd við að opið grænt svæði sé skert og minnir á að lítið er um opin svæði í deiliskiplagi Hnoðraholts í Kópavogi. Í greinargerð deiliskipulags segir um opin svæði: "Deiliskipulagssvæðið liggur að stóru opnu svæði til austurs og suðurs. Inni í hverfinu verða græn svæði sem nýtast fyrir gönguleiðir, leiksvæði og trjárækt. Opin svæði til leikja og útiveru innan deiliskipulagsins þ.e. grenndarvellir, trjáræktarsvæði,ásamt leikskóla tengjast með stígum."

Skiplagsnefnd bendir á að þau opnu grænu svæði sem deiliskipulagið getur um eru Garðabæjarmegin sveitarfélagsmarka og þessu hefur verið gætt í tilögu að deiliskipulagi Hnoðraholts norður sem nú er í auglýsingu að græn svæði séu milli núverandi byggðar í Kópavogi og hinnar nýju byggðar Garðabæjarmegin. Því er eðlilegt að Kópavogur sjái til þess að þau fáu svæði sem eru opin Kópavogsmegin séu óskert.

Fundargerð lögð fram.