9. fundur

Lögð fram tillaga að breytingu deiliskipulags Miðbæjar Garðabæjar sem vísað hefur verið til forkynningar. Útfærsla á vöruaðkomu að Garðatorgi 1 frá Hrísmóum, sem skipulagsnefnd óskaði eftir að yrði mótuð nánar, er nú hluti af tillögunni. Klara Sól Ágústsdóttir arkitekt hjá THG arkitektum gerði grein fyrir útfærslunni.

Skipulagsnefnd samþykkir útfærsluna og skal hún kynnt á almennum kynningarfundi sem verður haldinn á morgun, þriðjudaginn 27. maí.

Lögð fram tillaga að deiliskipulagi Móa sem vísað hefur verið til forkynningar. Tillagan tekur nú mið af útfærslu á vöruaðkomu að Garðatorgi 1 frá Hrísmóum, sem skipulagsnefnd óskaði eftir að yrði mótuð nánar. Jóhanna Helgadóttir arkitekt hjá Nordic arkitektum gerði grein fyrir tillögunni.

Skipulagsnefnd samþykkir útfærsluna og skal hún kynnt á almennum kynningarfundi sem verður haldinn á morgun, þriðjudaginn 27. maí.

Lögð fram tillaga að breytingu Aðalskipulags Garðabæjar, rammahluta Vífilsstaðalands, sem nær til háholts Hnoðraholts í annað sinn að lokinni forkynningu.

Ábendingar og umsagnir sem borist hafa við tillögu að deiliskipulagi sama svæðis lagðar fram. Þau gögn gefa ekki tilefni til breytinga á tillögunni.

Skipulagsnefnd vísar tillögunni óbreyttri til auglýsingar í samræmi við 3. mgr. 30. gr. skipulagslaga nr. 123/2010 og skal hún send Skipulagsstofnun til athugunar.

Lögð fram fyrirspurn um útfærslu breytingar á lóðinni Gerðakot 4 á Álftanesi. Fyrirspurn vísað til skoðunar hjá umhverfissviði.

Lögð fram fyrirspurn raðhúseigenda í Víðiholti um útfærslu girðinga og skjólveggja á lóðum. Fyrirspurn vísað til skoðunar hjá umhverfisviði.

Lögð fram tillaga að breytingu deiliskipulags Hraunsholts eystra sem nær til lóðarinnar Lækjarfitjar 6 og Löngufitjar 5. Athugasemd barst frá eiganda Löngufitjar 5.

Lögð fram tillaga að breyttum lóðarmörkum sem hefur verið mótuð í samráði við eiganda Löngufitjar 5.

Skipulagsnefnd samþykkir tillöguna með breyttri útfærslu sem er viðbragð við innsendri athugasemd í samræmi við 41.gr. skipulagslaga nr. 123/2010.

Lagt fram minnisblað Ívars Pálssonar lögmanns.

Vísað til umhverfissviðs.

Lögð fram fyrirspurn til skipulagsnefndar þar sem óskað er eftir svari skipulagsnefndar um meðfylgjandi hugmynd að útfærslu stækkunar.

Flatarmál byggingar með viðbyggingu yrði undir þeirri heimild sem deiliskipulag veitir. Viðbygging á baklóð fer lítillega út fyrir byggingarreit.

Skipulagsnefnd telur að útfærsluhugmynd komi til greina en bendir á að samþykki meðeiganda raðhúslengjunnar þarf að liggja fyrir.

Skipulagsstjóri fór yfir stöðu máls vegna nausts, sem nær að hluta til út fyrir lóðarmörk.

Samtal við lóðareiganda hefur átt sér stað.

Vísað til skoðunar hjá umhverfissviði

Lögð fram fyrirspurn um hugmyndir að stækkun íbúðarhússins að Teistunesi 1.

Vísað til skoðunar hjá tækni og umhverfissviði.

Lögð fram tillaga að breytingu deiliskipulags Vetrarmýrar að lokinni auglýsingu, ásamt þeim umsögnum, athugasemdum og ábendingum sem borist hafa.

Vísað til úrvinnslu hjá umhverfissviði og skipulagsráðgjafa.

Lögð fram tillaga að breytingu á deiliskipulagi Urriðaholts Norður 4.áfanga að lokinni auglýsingu, ásamt þeim athugasemdum og ábendingum sem borist hafa. Tillaga nær til lóðanna Urriðaholtsstræti 1, 3-5 og 7.

Vísað til úrvinnslu hjá umhverfissviði og skipulagsráðgjafa.

Lögð fram tillaga að breytingu deiliskipulags Urriðaholts Norðurhluti 4 að lokinni auglýsingu, ásamt þeim athugasemdum og ábendingum sem borist hafa.

Vísað til úrvinnslu hjá umhverfissviði og skipulagsráðgjafa.

Lögð fram tillaga að breytingu deiliskipulags Urriðaholts austurhluta að lokinni auglýsingu, ásamt þeim athugasemdum og ábendingum sem borist hafa.

Vísað til úrvinnslu hjá umhverfissviði og skipulagsráðgjafa.

Lögð fram tillaga að breytingu að deiliskipulagi útivistarsvæðis í Urriðavatnsdölum að lokinni auglýsingu, ásamt þeim athugasemdum og ábendingum sem borist hafa.

Vísað til úrvinnslu hjá umhverfissviði og skipulagsráðgjafa.