9. (2062). fundur

Lúðvík Hjalti Jónsson, fjármálastjóri kom á fund bæjarráðs og gerði grein fyrir tillögu um lántöku hjá Lánasjóði sveitarfélaga samtals að fjárhæð kr. 500.000.000. Lánið er jafngreiðslulán til 17 ára, verðtryggt með 3,12% föstum vöxtum og án uppgreiðsluheimildar. Í skilmálum lánssamnings kemur fram að tilgangur lánsins er fjármögnun á verkefni sem hefur almenna efnahagslega þýðingu og uppfyllir skilyrði sem sett eru fram í grænni umgjörð sjóðsins, nánar tiltekið fjármögnun á byggingu svansvottaðs leikskóla. Verkefnið telst þess eðlis að hafa jákvæð áhrif á umhverfið og sporna gegn loftslagsbreytingum. Fyrir liggja drög að lánssamningi.

Bæjarráð vísar afgreiðslu málsins til bæjarstjórnar.

Skólastarf í Flataskóla og Hofsstaðaskóla er að færast sem mest í eðlilegt horf með þeim röskunum sem fylgir færslu á bekkjum milli stofa og kennslu í lausum kennslustofum. Viðgerðir sem stefnt var að í þessar lotu hafa gengið vel og skemmt efni verið fjarlægt úr húsnæðinu. Í undirbúningi er að gera útboðsskilmála vegna frekari framkvæmda og lagfæringa á húsnæði skólanna sem munu hefjast í sumar eftir skólaslit.

Niðurstöður sýna úr Álftanesskóla, Tónlistarskóla og skammtímaheimili að Móaflöt hafa borist og eru þau að hluta til jákvæð. Bregðast þarf við með lokun og viðgerðum á rýmum í Álftanesskóla og Móaflöt. Í Tónlistarskólanum þarf að þrífa sal skólans og gera við lítinn leka en ekki er talin ástæða til að loka salnum nema tímabundið á meðan þrifin fara fram.

Bæjarráð samþykkir afgreiðslu byggingarfulltrúa að veita Framkvæmdafélaginu Eskiási ehf., kt. 501286-1419, leyfi til að byggja fjölbýlishús með 35 íbúðum að Eskiási 5.

Bæjarráð samþykkir afgreiðslu byggingarfulltrúa að veita Maríu Rebekku Þórisdóttur, kt. 280970-5739, leyfi til að breyta klæðningu einbýlishúss í byggingu að Hraungötu 16.

Bæjarráð samþykkir afgreiðslu byggingarfulltrúa að veita Húsbygg ehf., kt. 630210-1430, leyfi til að byggja fjölbýlishús með 10 íbúðum og þjónusturými að Lambamýri 1.

Bæjarráð samþykkir afgreiðslu byggingarfulltrúa að veita Húsbygg ehf., kt. 630210-1430, leyfi til að byggja fjölbýlishús með 16 íbúðum að Lambamýri 1.

Bæjarráð samþykkir að leggja til við bæjarstjórn að samþykkja tillögu skipulagsnefndar að heimila útgáfu byggingarleyfis þó að bifreiðageymsla neðanjarðar og útigeymsla fari lítillega út fyrir byggingarreit lóðarinnar við Víkurgötu 12 en um óverulegt frávik er að ræða sem ekki varðar neina grenndarhagsmuni og þarf því ekki að koma til breytinga á deiliskipulagi sbr. heimild í 3. mgr. 43. gr. skipulagslaga nr. 123/2010.

Lögð fram.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga tillögu að deiliskipulagi fyrir félagsvæði Hestamannafélagsins Sóta á Álftanesi.

Tillagan er auglýst að nýju þar sem formleg staðfesting á samþykkt bæjarstjórnar á skipulagi svæðisins var ekki birt innan lögákveðins frests samkvæmt 2. mgr. 42. gr. skipulagslaga nr. 123/2010.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga tillögu að breytingu á deiliskipulagi 4. áfanga norðurhluta Urriðaholts. Tillagan gerir ráð fyrir undirgöngum undir Flóttamannaveg við göngustíg sem liggur milli Vífilsstaðahrauns og norðurhlíðar Urriðaholts. Einnig er gert ráð fyrir að reiðstígur sem liggur meðfram Flóttamannavegi verði felldur út.

Tillagan skal auglýst með athugasemdarfresti til 11. maí 2023 eins og tillaga að breytingu á aðalskipulagi Garðabæjar varðandi sama svæði sem nú er í kynningu.

Í bókun skipulagsnefndar kemur fram að nefndin telji nauðsynlegt að svigrúm gefist til að taka upp viðræður við Landsnet til að ræða stöðu og legu háspennulína innan bæjarins og móta tillögur í því sambandi. Slíkar tillögur þurfa að vera í samræmi við stefnu í aðalskipulagi Garðabæjar þar sem háspennulínur eru lagðar í jörð eins og eðlilegt er að gera í byggð og á útivistarsvæðum í nálægð byggðar.

Bæjarráð tekur undir bókun skipulagsnefndar og felur bæjarstjóra að hlutast til um að viðræður fari fram við Landsnet um stöðu mála.

Bæjarstjóri fór yfir mögulegar lausnir til að ná fram áformum Garðabæjar um að byggja sex deilda leikskóla við Holtsveg 20.



Þær leiðir sem hafa verið til skoðunar eru að halda í upphafleg áform og hafa hluta leikskólans á tveimur hæðum eða að stækka byggingarreit skólans og hafa leikskólann sex deildir á einni hæð. Við mat á þessum tveimur leiðum þykir ljóst að sú leið að byggja leikskólann í samræmi við upphaflega hönnum er hagkvæmari og uppfyllir betur markmið um mikilvæga samfélagslega uppbyggingu.

Í því sambandi er bent á eftirfarandi atriði.



- Betri aðstaða starfsmanna þar sem mætt er kröfum um að tryggja öruggt og heilsusamlegt umhverfi.

- Skerðir ekki útileiksvæði barna innan lóðar

- Styttri framkvæmdatími

- Hagkvæmri bygging í rekstri

- Minni framkvæmdakostnaður

- Kallar ekki á lóðarstækkun

- Er í samræmi við niðurstöður hönnunarsamkeppni

Bæjarráð leggur áherslu á þá samfélagslegu hagsmuni sem liggja því til grundvallar að byggja leikskóla fyrir 120 börn í Urriðaholti til standa undir væntingum og kröfum ungra barnafjölskyldna um að eiga kost á leikskóladvöl barna sinna frá 12 mánaða aldri.

Bæjarráð samþykkir að vísa til skipulagsnefndar að móta tillögu að breytingu á deiliskipulagi 1. áfanga norðurhluta Urriðaholts vegna lóðarinnar við Holtsveg 20 þannig að upphafleg hönnun byggingar leikskóla falli að skilmálum deiliskipulagsins.

Bæjarráð lýsir yfir vilja til að leita leiða til að lækka heildarhæð þess hluta leikskólans sem er tveggja hæða til að koma á móts við sjónarmið íbúa um að takmarka útsýnisskerðingu þeirra eins og kostur er.

Bæjarstjóri gerði grein fyrir vinnu við endurskoðun húsnæðisáætlunar Garðabæjar sem ber að gera árlega samkvæmt 3. gr. reglugerðar um húsnæðisáætlanir sveitarfélaga.

Stefnt er að því að leggja fram tillögu að endurskoðun húsnæðisáætlunar Garðabæjar árið 2023 á fundi bæjarráðs 14. mars, til kynningar í fjölskylduráði 15. mars og til afgreiðslu og staðfestingar í bæjarstjórn 16. mars.

Bæjarstjóri mun upplýsa Húsnæðis- og mannvirkjastofnun um stöðu málsins, sbr. ákvæði 5. gr. reglugerðarinnar.

Lögð fram tilkynning innviðaráðuneytis þar sem fram kemur áætlun um hækkun á framlagi Jöfnunarsjóðs sveitarfélaga vegna málefna fatlaðs fólks. Heildarhækkun nemur 5,0 ma.kr. Áætlað framlag til Garðabæjar hækkar úr 716,3 m.kr. í 922,5 m.kr. eða um 206,2 m.kr.

Lögð fram.

Í bréfinu er er vísað til samráðskyldu sýslumannsins á höfuðborgarsvæðinu við sveitarfélögin, sbr. 7. gr. laga um framkvæmdavald og stjórnsýslu ríkisins í héraði nr. 50/2014 og óskað eftir fundi með kjörnum fulltrúum Garðabæjar.

Bæjarráð felur bæjarstjóra að hlutast til um að verða við beiðni sýslumanns um samráðsfund.

Fylgiskjöl

• Garðabær.pdf

Lögð fram eftirfarandi tillaga Viðreisnar.

„Bæjarstjóra verði falið að kalla eftir kostnaði við að halda úti næturstrætó á föstudögum og laugardögum og kanna um leið möguleika á samstarfi við Kópavog og Hafnarfjörð.“

Greinargerð.

Næturstrætó er mikilvægur valkostur fyrir íbúa á öllu höfuðborgarsvæðinu. Að komast leiða sinna með öruggum og skjótum hætti er mikilvægt og ekki síst mikið öryggistæki að næturlagi. Við í Viðreisn viljum sjá alvöru val um samgöngumáta. Við teljum mjög mikilvægt að mæta ungu fólki sérstaklega með öruggum samgöngum á milli sveitarfélaga á höfuðborgarsvæðinu og viljum svara kalli stúdenta um að tryggja öruggan og traustan ferðamáta að næturlagi.

Sara Dögg Svanhildardóttir

Oddviti Viðreisnar

Tillagan rædd.