39. (2046). fundur

Umræða var um breytingar á gjaldskrám og önnur mál í tengslum við fjárhagsáætlun Garðabæjar fyrir árið 2023. Fram kom að verið er að vinna að greinargerð sem lögð verður fram fyrir fyrri umræðu í bæjarstjórn.

Lúðvík Hjalti Jónsson, fjármálastjóri, sat fund bæjarráðs undir þessum dagskrárlið.

Fjármálastjóri gerði grein fyrir tillögu um lántöku, hjá Lánasjóði sveitarfélaga samtals að fjárhæð kr. 500.000.000 samkvæmt lánssamningi nr. 2211_39. Um er að ræða skammtímalán með uppgreiðsluheimild til eins árs, óverðtryggt. Vextir eru 6 mánaða REIBOR millibankavextir auk 0,50% vaxtaálags.

Bæjarráð vísar afgreiðslu málsins til bæjarstjórnar. Fyrir liggja drög að lánssamningi.

Bæjarráð samþykkir afgreiðslu byggingarfulltrúa að veita Húsbygg ehf., kt. 630210-1430, leyfi til að byggja fjölbýlishús (matshluti 05) með 16 íbúðum að Lambamýri 1-3.

Bæjarráð samþykkir afgreiðslu byggingarfulltrúa að veita Húsbygg ehf., kt. 630210-1430, leyfi til að byggja fjölbýlishús (matshluti 04) með 16 íbúðum að Lambamýri 1-3.

Bæjarráð samþykkir að leggja til við bæjarstjórn að samþykkja tillögu skipulagsnefndar um að ekki sé þörf á að endurskoða gildandi aðalskipulag Garðabæjar nú í upphafi nýs kjörtímabils bæjarstjórnar. Aðalskipulag Garðabæjar 2016 - 2030 skal halda gildi sínu.

Ákvörðun bæjarstjórnar skal tilkynnt Skipulagsstofnun.

Bæjarráð samþykkir að leggja til við bæjarstjórn að samþykkja tillögu skipulagsnefndar að lýsingu samkvæmt 1. mgr. 30. gr. skipulagslaga nr. 123/2010 vegna breytingar á aðalskipulagi Garðabæjar sem gerir ráð fyrir að opið svæði í Rjúpnahlíð breytist í athafnasvæði. Leita skal umsagnar um lýsinguna hjá Skipulagsstofnun og umsagnaraðilum og kynna hana fyrir almenningi.

Svæðisskipulagsnefnd samþykkti á fundi sínum 14. október 2022 fyrirliggjandi lýsingu að breytingu á svæðisskipulagi höfuðborgarsvæðisins 2015 - 2040 er varðar færslu á vaxtarmörkum svæðisskipulags við Rjúpnahlíð í Garðabæ. Lýsingin verður send aðildarsveitarfélögum til afgreiðslu sbr. 1. mgr. 23. gr. skipulagslaga. Þá verður hún sérstaklega kynnt þeim sveitarfélögum sem þess óska. Leitað verður umsagnar um lýsinguna hjá Skipulagsstofnun og umsagnaraðilum.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010 tillögu að breytingu á aðalskipulagi Garðabæjar 2016 - 2030 er nær til stíga- og gatnakerfis í upplandi Garðabæjar. Gerð er sú breyting á tillögu sem kynnt var samkvæmt 2. mgr. 30. gr. skipulagslaga að Flóttamannavegur frá Urriðaholti að Vífilsstaðavegi verður skilgreindur sem "tengibraut" en ekki sem "aðrir vegir" eins og gildandi aðalskipulag gerir ráð fyrir. Áður en auglýsing verður birt skal tillagan send Skipulagsstofnun til athugunar, sbr. 3. mgr. 30. gr. skipulagslaga.

Bæjarráð samþykkir að leggja til við bæjarstjórn að samþykkja tillögu skipulagsnefndar að veita framkvæmdaleyfi samkvæmt 13. gr. skipulagslaga nr. 123/2010 vegna gatnagerðar í Króki. Framkvæmdin er í samræmi við samþykkt deiliskipulag fyrir íbúðarbyggð í Króki.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Hliðs í tilefni umsóknar um stækkun byggingarreits vegna viðbyggingar við veitingahús að Hliði. Grenndarkynna skal tillöguna Umhverfisstofnun þar sem lóðin liggur að friðlýstum fólkvangi.

Bæjarráð samþykkir að leggja til við bæjarstjórn að samþykkja framkvæmdaleyfi fyrir aðstöðu fyrir stjörnuskoðun við bílastæði við Heiðmerkurveg. Staðsetningin er innan friðlýsts svæðis og liggur fyrir samþykki Umhverfisstofnunar með skilyrðum sem koma fram í bréfi, dags. 28. október 2022.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010, sbr. 41. gr. sömu laga tillögu að breytingu á deiliskipulagi 4. áfanga norðurhluta Urriðaholts sem gerir ráð fyrir breytingu á byggingarreit og fjölgun íbúða úr 24 í 30 á lóðunum við Lautargötu 1, 3 og 5.

Lóðarhafa skal bent á að við fjölgun íbúða kemur til greiðslu gjalds til uppbyggingar skóla- og íþróttamála samkvæmt samningi um uppbyggingu byggðar í Urriðaholti og nemur gjaldið kr. 1.015.693 á íbúð m.v. BVT 877,3 stig í október 2022 og gjaldfellur við útgáfu á byggingarleyfi.

Í umsókninni kemur fram að sótt er um leyfi fyrir starfsemi kaffihúss í flokki II í húsnæði að Urriðaholtsstræti 2-4.

Bæjarráð gerir fyrir sitt leyti ekki athugasemdir við að umbeðið leyfi verði veitt.

Lagt fram.

Lagt fram.

Á fundinn mætti Inga Þóra Þórisdóttir, mannauðsstjóri og gerði grein fyrir úrvinnslu umsókna um starf sviðsstjóra umhverfissviðs. Fram kom að alls bárust 10 umsóknir um starfið en einn umsækjandi dró umsókn sína til baka.. Farið var yfir allar umsóknir og lagt mat á umsækjendur út frá þeim menntunar- og hæfniskröfum sem tilgreindar voru í auglýsingu. Fimm umsækjendur voru boðaðir í viðtöl og tveir af þeim voru boðaðir í annað viðtal þar sem þeir kynntu verkefni sem fyrir þá var lagt og sátu fyrir svörum í framhaldi. Embættismenn aðrir en bæjarritari og bæjarstjóri véku af fundi undir þessum dagskrárlið.