8. fundur

Lagt fram að nýju, að lokinni annarri auglýsingu, tillaga að deiliskipulagi Lundahverfis. Á fundi skipulagsnefndar 16. janúar sl. var samþykkt með tilvísan í 1. mgr. 41. gr. skipulagslaga nr. 123/2010 að auglýsa tillögu að endurskoðuðu deiliskipulagi fyrir Lundahverfi. Samþykktin var staðfest í bæjarstjórn 1. febrúar 2018. Auglýsingin stóð frá 26.mars til 7. maí. Alls bárust 27 erindi með athugasemdum sem lögð eru fram.

Skipulagnefnd vísar málinu til tækni- og umhverfissviðs og skipulagshönnuða til úrvinnslu.

Skipulagsnefnd leggur áherslu á að við þá úrvinnslu verði unnið að því að halda lóð, byggingareit og bílstæðum við leikskólann Lundaból eins og þær eru í dag þannig að komið verði til móts við óskir íbúa um að ekki verði þar frekari stækkun. Hvað varðar athugasemdir um bílskúra er lögð áhersla á að ákvæði sem festi í sessi upphaflega byggingarskilmála skuli tekið upp í deiliskipulagið. En samkvæmt þeim var ýmist kveðið á um bílskúra fyrir einn eða tvo bíla og telur skipulagsnefnd mikilvægt við úrvinnslu málsins að ásýnd hverfisins haldist miðað við upphaflega byggingarskilmála.

Lögð fram að tillaga að deiliskipulagi miðsvæðis á Álftanesi sem vísað var til forkynningar sbr. 3. mgr. 40. gr. skipulagslaga nr. 123/2010. Frestur til að skila inn ábendingum rennur út í dag, 11.maí. Haldinn var kynningarfundur á meðan á forkynningu stóð í hátíðarsal íþróttamiðstöðvarinnar þann 26.apríl og var hann mjög vel sóttur. Fundargerð kynningarfundar lögð fram. Þær ábendingar sem nú þegar hafa borist lagðar fram.

Fundargerð og þeim ábendingum sem berast vísað til tækni- og umhverfissviðs og skipulagshönnuða til úrvinnslu.

Lagt fram að nýju, að lokinni auglýsingu, deiliskipulag fyrir Holtstún. Á fundi skipulagsnefndar 9. mars var samþykkt með vísan í 1. mgr. 41. gr. Skipulagslaga nr. 123/2010 að auglýsa tillöguna. Auglýsingin stóð frá 26.mars til 7. maí. Alls barst 1 erindi með athugasemdum sem lögð er fram. Skipulagsnefnd leggur til að fallist verði á þær breytingar á lóðarmörkum og aðkomu sem óskað er eftir í erindinu en ósk um stækkun byggingarreits er hafnað.

Skipulagsnefnd samþykkir deiliskipulagstillöguna með ofangreindum breytingum í samræmi við 3.mgr.41.gr.skipulagslaga nr.123/2010.

Baldur Ó. Svavarsson vék af fundi undir þessum lið.

Lögð fram að nýju verkefnislýsing og matslýsing fyrir deiliskipulag Norðurnes á Álftanesi. Á fundi skipulagsnefndar 9. mars var samþykkt með tilvísan í 1. mgr. 40. gr. Skipulagslaga nr. 123/2010 að auglýsa verkefnalýsinguna. Ábendingarfresti lýkur 11. maí. Engar ábendingar hafa borist. Umsögn frá Veitum liggur fyrir og hún lögð fram. Ábendingum og umsögnum sem berast er vísað til tækni-og umhverfissviðs.

Lögð fram til kynningar tillaga að breytingu á deiliskipulagi fyrir Ásgarð, dags. 8. maí 2018.

Skipulagsnefnd vísar málinu til nánari skoðunar hjá tækni- og umhverfissviði.

Lögð fram til kynningar tillaga að breytingu á deiliskipulagi fyrir Bæjargarð, dags. 8. maí 2018.

Skipulagsnefnd vísar málinu til nánari skoðunar hjá tækni- og umhverfissviði.

Á fundi bæjarstjórnar Garðabæjar þann 3. maí sl. var eftirfarandi tillögu Bjartrar framtíðar um fjölbreyttan búsetukost vísað til skipulagsnefndar. „Björt framtíð leggur til að Garðabær forgangsraði skipulagi á fjölbreyttum búsetukostum í bænum. Átt er við fjölgun smærri íbúða og búsetufyrirkomulags sem gagnast geti ungum, öldnum og þeim sem þurfa á félagslegum úrræðum að halda.“

Tillaga Bjartrar framtíðar lögð fram.

Lögð fram að nýju auglýsing um tillögu að breytingu á deiliskipulagi þar sem m.a. er óskað eftir að fjölga íbúðum úr sex í sjö. Á fundi skipulagnefndar 9. mars var samþykkt með tilvísan í 1. mgr. 43. gr. Skipulagslaga nr. 123/2010 að auglýsa breytingartillöguna. Samþykktin var staðfest í bæjarstjórn 15. mars 2018. Auglýsingin stóð frá 26.mars til 7. maí. Engar athugasemdir bárust.

Skipulagsnefnd samþykkir tillöguna sem breytingu á deiliskipulagi Urriðaholts Norðurhluta 3 sbr. 1.mgr.43.gr.skipulagslaga.

Guðrún Dóra Brynjólfsdóttir vék af fundi undir þessum lið.

Lögð fram að nýju tillaga að breytingu á deiliskipulag þar sem m.a. er óskað eftir að fjölga íbúðum úr 12 í 15. Á fundi skipulagnefndar 9. mars var samþykkt með tilvísan í 1. mgr. 43. gr. Skipulagslaga nr. 123/2010 að auglýsa breytingartillöguna. Samþykktin var staðfest í bæjarstjórn 15. mars 2018. Auglýsingin stóð frá 26.mars til 7. maí. Engar athugasemdir bárust.

Skipulagsnefnd samþykkir tillöguna sem breytingu á deiliskipulagi Urriðaholts Norðurhluta 3 sbr. 1.mgr.43.gr.skipulagslaga.

Baldur Ó. Svavarsson vek af fundi undir þessum lið.

Lögð fram umsókn lóðarhafa að Lyngholti 1 um að reisa 180 cm háan skjólvegg á lóðarmörkum að Klukkuholti og fyrir horn að Lyngholti að lokinni grenndarkynningu með vísan í reglur um girðingar lóða á Álftanesi. Engar athugasemdir bárust og skoðast tillagan því samþykkt af þeim sem grenndarkynning nær til. Ósk um gróðursetningu á opnu svæði við Suðurnesveg og ósk um að taka svæði utan lóðarmarka í fóstur er vísað til bæjarverkfræðings og garðyrkjustjóra. Skipulagsnefnd tekur undir þær hugmyndir sem fram koma í erindinu. Ósk um stækkun lóðar er hafnað.

Skipulagsnefnd gerir ekki athugasemd við að skjólveggur verði reistur í samræmi við grenndarkynnt gögn.

Á fundi bæjarráðs þann 8. maí var erindi Hestamannafélagsins Spretts um framkvæmdaleyfi fyrir reiðvegi um Grunnuvatnaskarð og Grunnuvötn, dags. 27.04.2018, tekið fyrir og vísað til umfjöllunar og meðferðar Skipulagsnefndar. Hestamannafélagið fer þess á leit við bæjaryfirvöld í Garðabæ að útgefið verði framkvæmdarleyfi til handa Hestamannafélaginu Spretti fyrir reiðveg frá Kjóavöllum um Grunnuvatnaskarð að Vatnsásvegi.

Skipulagsnefnd gerir ekki athugasemd við að gefið verði út framkvæmdarleyfi fyrir reiðveg frá Kjóavöllum um Grunnuvatnaskarð að Vatnsásvegi þegar jákvæð umsögn Umhverfisstofnunar fyrir framkvæmd innan friðlandsin liggur fyrir sem og lýsing framkvæmdar sem sé í samræmi við deiliskipulag Heiðmerkur og Sandahlíðar.

Á fundi bæjarráðs þann 8. maí var erindi Guðbjargar Ólafsdóttur um rekstrarleyfi fyrir gistiaðstöðu að Bólstað, dags. 23.04.2018, tekið fyrir og vísað til umsagnar skipulagsnefndar.

Skipulagsnefnd vísar erindinu til skoðunar hjá tækni- og umhverfissviði.