3. fundur

Jóhanna Helgadóttir arkitekt hjá Nordic arkitektum og Lilja Karlsdóttir samgönguverkfræðingur hjá VSB-verkfræðingum fóru yfir umferðargreiningar og aðrar forsendur skipulagsmótunar á svæðinu.

Vísað til úrvinnslu hjá ráðgjöfum og umhverfissviði.

Jóhanna Helgadóttir arkitekt hjá Nordic arkitektum og Lilja Karlsdóttir samgönguverkfræðingur hjá VSB-verkfræðingum fóru yfir umferðargreiningar og aðrar forsendur skipulagsmótunar á svæðinu.

Vísað til úrvinnslu hjá ráðgjöfum og umhverfissviði.

Guðlaugur Kristmundsson áheyrnarfulltrúi lagði fram eftirfarandi bókun: "Viðreisn leggur til að aldursskilyrði sem núna eru í drögum að skipulagi Arnarlandsins verði endurskoðuð með því markmiðið að fallið verði frá einhverjum skilyrðum um aldur íbúa eða hugmyndir um æskilar fjölskyldusamsetningar á svæðinu. Til þess að gera þetta mögulegt myndi Garðabær óska eftir innviðasamningi við Kópavog um samnýtingu innviða fyrir svæðið, til dæmis skólaþjónustu."

Þráinn Hauksson hjá Landslagi ehf., sem hefur verið falið að vinna að mótun breytingartillögu aðalskipulags Garðabæjar 2016-2030 sem nær til 4.kafla greinargerðar, samgöngu og þjónustukerfi með áherslu á stígakerfi og almenningssamgöngur, fór yfir það verkefni sem framundan er.

Skipulagsnefnd felur ráðgjafa og umhverfissviði að vinna tillögu að lýsingu verkefnisins í samræmi við 1.mgr.30.gr.Skipulagslaga nr.123/2010.

Lögð fram tillaga að deiliskipulagi Hesthúsabyggðar í Breiðumýri á Álftanesi. Tillagan var samþykkt sl haust en vegna mistaka var auglýsing um gildistöku deiliskipulagsins ekki birt fyrir 16.febrúar sl en þá var liðið rétt ár frá því að athugasemdafresti deiliskipulagstillögunnar lauk. Samkvæmt 2.mgr.42.gr.skipulagslaga nr.123/2010 er tekið fram að ef ekki er búið að auglýsa gildistöku einu ári eftir að athugasemdafresti lauk þá teljist tillagan ógild.

Skipulagsnefnd vísar tillögunni til auglýsingar í samræmi við 1.mgr.41.gr.og 31.gr.sömu laga.

Lögð fram umsókn um byggingarleyfi einbýlishúss að Víkurgötu 12 sem gerir ráð fyrir að bifreiðargeymsla neðanjarðar og útigeymsla fari lítillega út fyrir byggingarreit.

Skipulagsnefnd gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. Skipulagslaga nr.123/2010 sbr. 3.mgr.sömu greinar hvað þessi atriði varðar.

Lögð fram tillaga að breytingu deiliskipulag Urriðaholts Norðurhluta 4 sem gerir ráð fyrir undirgöngum undir Flóttamannaveg við göngustíg sem liggur milli Vífilsstaðahrauns og norðurhlíðar Urriðaholts. Einnig er gert ráð fyrir að reiðstígur sem liggur meðfram Flóttamannavegi verði felldur út.

Tillagan er í samræmi við tillögu að breytingu Aðalskipulags Garðabæjar 2016-2030 sem nú er í kynningu ásamt fleiri deiliskipulagstillögum.

Skipulagsnefnd vísar tillögunni til auglýsingar í samræmi við 1.mgr. 41.gr. og 31.gr.skipulagslaga nr. 123/2010 og skal frestur til að skila inn athugasemdum vera sá sami og þær auglýsingar sem nú eru í kynningu eða til 11.maí nk.

Skipulagsnefnd fagnar því að Orkan ehf skuli stefna að því að auka þjónustu við viðskiptavini sína og taka þátt í áformum yfirvalda um orkuskipti.

Nefndin óskar eftir því að lögð verði fram heildstæð tillaga að breytingu lóðarinnar sem gerir ráð fyrir þeim breytingum sem orðið hafa og þeim framtíðaráformum sem lóðarhafi hefur um nýtingu lóðarinnar.

Lagt fram erindi Landsnets um breytingu á aðalskipulagi vegna áforma um lagningu Hamraneslínu í jörð í Hafnarfirði og innan Garðabæjar þvert yfir Gráhelluhraun og upp í Sandahlíð í Setbergslandi.

Vísað til skoðunar hjá Umhverfissviði.

Lögð fram umsagnarbeiðni Skipulagstofnunar um tilkynningu Landsnets um fyrirhugaðar framkvæmdir og möguleg umhverfisáhrif vegna breytinga á Hamraneslínum 1 & 2 (HN1&2) í Hafnarfirði og Garðabæ.

Skipulagsnefnd bendir á að áform Landsnets um legu háspennulínu innan marka Garðabæjar hafa breyst verulega á stuttum tíma (og falla ekki að núverandi skipulagi). Nefndin telur að við þessar aðstæður sé eðlilegt að Garðabæ gefist svigrúm til að taka upp viðræður við Landsnet til að ræða stöðu legu háspennulína innan bæjarins og móta tillögur í því sambandi sem falla að breytingu á aðalskipulagi Garðabæjar þar sem háspennulínur eru lagðar í jörð eins og eðlilegt er að gera í byggð og á útivistarsvæðum á höfuðborgarsvæðinu.

Í greinargerð Landsnets kemur ekki fram að Gráhelluhraun nýtur hverfisverndar í aðalskipulagi Garðabæjar 2016-2030 (5.27 HV)en þar segir:

"Vernda skal náttúrulega gróðurþekju hraunsins, mosa og lynggróður og er óheimilt að rækta í því landi án leyfis bæjaryfirvalda. Þá skal aldrei gróðursetja barrviði eða aðrar aðfluttar tegundir í hraunið, heldur eingöngu íslenskar tegundir"

Auk þess kemur einnig fram í kafla 5.2. í greinargerð aðalskipulags Garðabæjar að stefnt sé að friðlýsingu Gráhelluhrauns í samráði við Umhverfisstofnun.

Í töflu 5.2. segir m.a. að nýr jarðstrengur muni ekki liggja um hverfisverndarsvæði en það fær ekki staðist miðað við þá tillögu sem sett er fram í fyrirspurninni.

Mynd 4.1. í greinargerð Landsnets sýnir vistlendi við fyrirhuguð strengleið liggur innan marka Garðabæjar sem graslendi sem er ekki rétt. Um er að ræða Gráhelluhraun sem sýna ætti sem hraunlendi. Samkvæmt greinargerð Landsnets mun jarðstrengur liggja á rúmlega 200 metra kafla yfir ósnert hraun og verða þau ummerki óafturkræf .

Í gildandi aðalskipulagi Garðabæjar er gert ráð fyrir að Hamraneslína víki og að Hnoðraholtslína verði lögð í jörð. Ekki liggur enn fyrir í hvaða legu Hnoðraholtslína og eftir atvikum Hamraneslína verði lagðar í jörð í Garðabæ sem mikilvægt er fyrir Garðabæ að liggi fyrir.

Skipulagsnefnd telur einnig ástæðu til þess að skoða þann möguleika að Hamraneslína verði loftlína áfram að Kaldársselsvegi sem krefst ekki breytingar á aðalskipulagi Garðabæjar 2016-2030 að svo stöddu.

Skipulagsnefnd telur að við þessar aðstæður sé eðlilegt að Garðabæ gefist svigrúm til að taka upp viðræður við Landsnet til að ræða stöðu og legu háspennulína innan bæjarins og móta tillögur í því sambandi. Slíkar tillögur þurfa að vera í samræmi við stefnu í aðalskipulagi Garðabæjar þar sem háspennulínur eru lagðar í jörð eins og eðlilegt er að gera í byggð og á útivistarsvæðum í nálægð byggðar.

Í ljósi ofangreinds getur skipulagsnefnd ekki að svo stöddu gert tillögu til bæjarstjórnar um jákvæða umsögn varðandi fyrirhugaða framkvæmd Landsnets. vegna breytinga á Hamraneslínum 1 & 2 (HN1&2) í Hafnarfirði og Garðabæ.

Lögð fram.

Skipulagsnefnd gerir ekki athugasemd við tillöguna á forkynningarstigi en áskilur sér rétt til að gera athugsemdir á síðari stigum skipulagsferlis.