2. fundur

Þráinn Hauksson hjá Landslagi ehf og Hrönn Hafliðadóttir verkefnisstjóri fóru yfir þær ábendingar sem borist hafa í gegnum Betri Garðabær.

Vísað til úrvinnslu hjá umhverfissviði og skipulagsráðgjafa sem vinna nú að mótun breytingartillögu á Aðalskipulagsi Garðabæjar 2016-2030 sem nær til stígakerfis og annarra þátta sem settir eru fram í 4.kafla greinargerðar aðalskipulagsins og fjallar um Samgöngu og þjónustukerfi.

Lögð fram tillaga að breytingu deiliskipulags Breiðumýrar sem gerir ráð fyrir byggingarreit fyrir sorpskýli vestan við fjölbýlishúsið Lambamýri 3 og bílastæði fyrir 8 bíla með aðkomu frá Breiðumýri. Sorpskýlinu er ætlað að þjóna verslunarrými á jarðhæð að Lambamýri 3 og bílastæðin auðveldi aðkomu að versluninni frá Breiðumýri. Aðkoma að sorpskýlinu verði frá bílastæðinu og dregur það úr umferð stærri bíla sem tengjast versluninni um Lambamýri og framhjá leikskóla.

Vísað til frekari skoðunar hjá umhverfissviði og skipulagshöfundi.

Lögð fram fyrirspurn lóðarhafa um útfærslu á stakstæðri bifreiðargeymslu. Lýtur fyrirspurn að því hvort samþykkt yrði að bílageymslan yrði alfarið opin (pergola) en þó gert ráð fyrir smáhýsi undir garðháhöld o.þ.h.

Deiliskipulag Garðahrauns kveður á um það í grein 2.2.3 að við hvert hús skuli vera bílageymsla fyrir einn eða fleiri bíla. Ekki er kveðið á um það hvort bílageymsla skuli vera opin eða lokuð. Í byggingarreglugerð er að finna skilgreiningu á bílageymslu en þar segir: Bílageymsla: Hús eða húshluti til geymslu á bílum, ýmist opið eða lokað.

Skipulagsnefnd gerir ekki athugasemd við að bílageymsla sé opin á meðan að tryggt sé að pláss sé fyrir bifreið innan lóðar eins og um bílageymslu væri að ræða og umfram þau 3 bílastæði sem deiliskipulag kveður á um að skuli vera á lóð. Skrá skal pergólu sem B-rými.

Lögð fram tillaga að breytingu deiliskipulags Hraunsholts eystra sem nær til einbýlishúslóðarinnar Lækjarfit 6. Meðfylgjandi er tillaga að útfærslu á viðbyggingu við íbúðarhúsið. Gert er ráð fyrir að byggingareitur stækki til suðurs um 1,4 m, að lóð nr.8.

Skipulagsnefnd metur tillöguna sem óverulega breytingu deiliskipulags Hraunsholts eystra í samræmi við 2.mgr.43.gr.skipulagslaga nr.123/2010 og vísar henni til grenndarkynningar í samræmi við 44.gr.sömu laga.

Grenndarkynna skal lóðarhöfum og íbúum að Lækjarfit nr. 4, 8, 10 og 11 sem og að Löngufit 5, 7 og 9.

Baldur Ó. Svavarsson vék af fundi undir þessum lið.

Þráinn Hauksson landslagsarkitekt hjá Landslagi kynnti hugmynd að útfærslu svæðis umhverfis afhendingarstað við bílastæði Sjálandsskóla með aðkomu frá Vífilsstaðavegi.

Vísað til úrvinnslu hjá skipulagsráðgjöfum og umhverfissviði.

Lögð fram fyrirspurn eiganda raðhússins Móaflöt 51 um það hvort heimilað yrði að byggja stakstæða bílageymslu við enda sameiginlegrar raðhúsinnkeyrslu. Bílageymslan yrði að hluta til inni á lóð raðhússins.

Skipulagsnefnd telur að útfærslan sé fordæmisgefandi fyrir raðhúslengjur í Garðabæ og því ekki skynsamlegt að opna á þennan möguleika. Mælir nefndin hinsvegar með því að skoðað verði að útfæra bílageymslu við þennan enda raðhúslengjunnar með svipuðu sniði og gert hefur verið við hinn endann á lóð nr.49.

Lögð fram fyrirspurn lóðarhafa raðhúslengjunnar hvort heimilað yrði að fjölga íbúðareiningum úr 4 í 5 og þar með minnka flatarmál hverrar einingar. Fyrirspurn vísað til umsagnar deiliskipulagshöfundar.

Lögð fram tillaga að breytingu deiliskipulags Urriðaholts 3.áfanga að lokinni auglýsingu ásamt athugasemdum sem borist hafa.

Tillaga ásamt athugasemdum vísað til skoðunar hjá umhverfissviði og deiliskipulagshöfundi.

Lögð fram tillaga að breytingu deiliskipulags Urriðaholts Vesturhluta sem nær til lóðarinnar Vinastræti 1-3 sem er lóð Urriðaholtsskóla að lokinni auglýsingu. Í deiliskipulagsbreytingunni felst að form byggingarreits breytist. Afmörkuð er lóð ásamt byggingarreit fyrir spennistöð. Skilmálar fyrir spennistöðvar 4.7.44 í skilmálahefti gilda fyrir lóð spennistöðvar. Engar athugasemdir bárust og skoðast tillagan því samþykkt sem breyting deiliskipulags Vesturhluta Urriðaholts í samræmi við 3.mgr.41.gr.skipulagslaga nr.123/2010.

Baldur Ó. Svavarsson vék af fundi undir þessum lið.

Lögð fram fyrirspurn um nýtingu á óuppfylltu virkisrými við suðurenda 1.hæðar sem er niðurgrafið og gluggalaust. Spurt er hvort hægt sé að nýta rýmið sem geymslur fyrir íbúðir fjölbýlishússins.

Skipulagsnefnd gerir ekki athugasemd við að við veitingu byggingarleyfis verið vikið frá kröfum 2.mgr. 43.gr. skipulagslaga nr.123/2010 sbr. 3.mgr.sömu greinar hvað nýtingu umrædds rýmis varðar.

Lögð fram tillaga að óverulegri breytingu deiliskipulags að lokinni grenndarkynningu ásamt þeim athugasemdum sem borist hafa.

Skipulagsstjóra falið að ræða við þá aðila sem hafa gert athugasemdir.

Lagt fram.

Í tilkynningunni er vakin athygli á að drög að reglugerð um sjálfbæra landnýtingu hefur verið birt í samráðsgátt stjórnvalda. Umsagnarfrestur er til 14. febrúar 2024. Markmið reglugerðarinnar er að tryggja sjálfbæra landnýtingu í samræmi við markmið laga um landgræðslu.

Skipulagsnefnd Garðabæjar gerir ekki athugasemd við drögin enda fjalla þau mest um landnýtingu vegna landbúnaðarstarfsemi, m.a. beitarnýtingu á afrétti sem hefur verið aflögð innan lögsögu Garðabæjar.

Lögð fram skipulags-og matslýsing á breytingu á Aðalskipulagi Harnarfjarðar og deiliskipulagi fyrir borteiga fyrirtækisins Coda Terminal, móttöku og förgunarstöðvar fyrir koldíoxíð.

Skipulagsnefnd Garðabæjar gerir ekki athugasemd við verkefnis-og matslýsingu en áskilur sér rétt til að gera athugasemdir á síðari stigum skipulagsferlisins.

Fundargerð lögð fram.