17. (2070). fundur

Bæjarráð samþykkir að Garðabær í samvinnu við aðstandendur Ólafs G. Einarssonar annist undirbúning útfarar hans og taki að sér greiðslu kostnaðar við útförina. Ólafur lést 27. apríl sl.

Ólafur var tilnefndur heiðursborgari á fundi bæjarstjórnar sem haldinn var 7. janúar 2010 en þá voru liðin um 50 ár frá því að Ólafur var ráðinn sveitarstjóri í Garðahreppi. Ólafur tók sæti í hreppsnefnd Garðabæjar árið 1966 og var forseti fyrstu bæjarstjórnar Garðabæjar í ársbyrjun 1976. Ólafur var kosinn alþingismaður fyrir Sjálfstæðisflokkinn 1971 og sat á þingi til 1999. Hann var formaður þingflokks Sjálfstæðisflokksins 1979-1991, menntamálaráðherra 1991-1995 og forseti Alþingis 1995-1999.

Bæjarráð vottar aðstandendum Ólafs samúð vegna fráfalls hans.

Lögð fram skýrsla endurskoðenda varðandi ársreikning Garðabæjar fyrir árið 2022. Í skýrslunni er gerð grein fyrir framkvæmd endurskoðunar, helstu á áherslum, niðurstöðum og öðrum mikilvægum atriðum.

Lögð fram.

Bæjarráð samþykkir með vísan til 2. mgr. 43. gr. skipulagslaga nr. 123/2010 tillögu að óverulegri breytingu á deiliskipulagi vesturhluta Urriðaholts vegna lóðarinnar við Víkurgötu 21. Tillagan sem heimilar að svalir nái út fyrir byggingarreit var grenndarkynnt samkvæmt 2. mgr. 44. gr. skipulagslaga og bárust engar athugasemdir. Samþykkt tillaga skal send Skipulagsstofnun og auglýst í B-deild Stjórnartíðinda.

Bæjarráð samþykkir tillögu skipulagsnefndar um breytingu á deiliskipulagi Deildar og Landakots vegna lóðarinnar við Landakot. Tillagan sem heimilar skiptingu lóðarinnar og tilfærslu á byggingarreit var auglýst og bárust engar athugasemdir. Samþykkt tillaga skal send Skipulagsstofnun samkvæmt 3. ml. 3. mgr. 41. gr. skipulagslaga nr. 123/2010 og auglýst í B-deild Stjórnartíðinda.

Bæjarráð samþykkir með vísan til 2. mgr. 43. gr. skipulagslaga nr. 123/2010 tillögu að óverulegri breytingu á deiliskipulagi Arnarness vegna lóðarinnar við Mávanes 23. Tillagan sem gerir ráð fyrir stækkun byggingarreits fyrir viðbyggingu milli bílskúrs og núverandi húss var grenndarkynnt samkvæmt 2. mgr. 44. gr. skipulagslaga og bárust engar athugasemdir. Samþykkt tillaga skal send Skipulagsstofnun og auglýst í B-deild Stjórnartíðinda.

Bæjarráð samþykkir að leggja til við bæjarstjórn að samþykkja bókun skipulagsnefndar þar sem fram kemur að nefndin getur ekki mælt með því að breyting verði gerð á aðalskipulagi Garðabæjar sem geri ráð fyrir jarðstreng í landi Garðabæjar eins og lagt er til í umsókn Landsnets. Í bókuninni er jafnframt lögð áhersla á að Garðabær og Landsnet skoði áfram og eigi samstarf um með hvaða hætti skipulagi raforkuflutningskerfis Landsnets innan bæjarmarka Garðabæjar á næstu áratugum verði best fyrirkomið.

Bæjarráð samþykkir tillögu skipulagsnefndar um breytingu á deiliskipulagi Ása og Grunda vegna lóðarinnar við Eskiás 6. Tillagan sem heimilar breytingu á lögun byggingarreits lóðarinnar var auglýst og bárust engar athugasemdir. Samþykkt tillaga skal send Skipulagsstofnun samkvæmt 3. ml. 3. mgr. 41. gr. skipulagslaga nr. 123/2010 og auglýst í B-deild Stjórnartíðinda.

Bæjarráð samþykkir með fjórum atkvæðum tillögu skipulagsnefndar um breytingu á deiliskipulagi Kauptúns vegna lóðarinnar við Kauptún 4. Tillagan sem gerir ráð fyrir stækkun lóðarinnar um 375 fm til norður var auglýst og bárust engar athugasemdir. Samþykkt tillaga skal send Skipulagsstofnun samkvæmt 3. ml. 3. mgr. 41. gr. skipulagslaga nr. 123/2010 og auglýst í B-deild Stjórnartíðinda.

Ingvar Arnarson greiðir atkvæði gegn tillögu að breytingu á deiliskipulagi Kauptúns.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Hliðs á Álftanesi í tilefni umsóknar um stækkun byggingarreits til vesturs að lóðarmörkum. Grenndarkynna skal tillöguna Umhverfisstofnun en Hlið á Álftanesi er friðlýst svæði sem fólkvangur.

Bæjarráð samþykkir að leggja til við bæjarstjórn að samþykkja tillögu skipulagsnefndar að leyfa útgáfu á byggingarleyfi samkvæmt 1. mgr. 44. gr. skipulagslaga nr. 123/2010 vegna byggingar sólskála á lóðinni við Löngumýri 19. Grenndarkynning hefur farið fram samkvæmt 2. mgr. sömu greinar og bárust engar athugasemdir.

Sviðsstjóri umhverfissviðs fór yfir framkvæmdir við viðgerðir á skólahúsnæði sem staðið hafa yfir undanfarið vegna rakaskemmda. Almennt hafa framkvæmdir gengið vel og verið er að undirbúa framkvæmdir sem farið verður í eftir skólaslit í vor.

Sviðstjóri fræðslu- og menningarsviðs gerði grein fyrir viðbrögðum gagnvart aðstæðum starfsmanna vegna álags o.fl.

Bókfærður kostnaður við viðgerða á skólahúsnæði vegna rakaskemmda 2022 og 2023 nemur um 400 mkr.

Bæjarráð samþykkir að veita Golfklúbbnum Setberg styrk að fjárhæð kr. 524.863 til greiðslu fasteignagjalda árið 2023.

Lagður fram ársreikningur Betri Samgangna ohf. fyrir árið 2022 ásamt skýrslu stjórnar.

Bæjarráð samþykkir tillögu garðyrkjustjóra að gjaldskrá skólagarða og matjurtagarða 2023.

Skólagarðar kr. 5.500

Matjurtagarðar kr. 5.500

Samninganefndir Sambands íslenskra sveitarfélaga og bæjarstarfsmannafélaga hafa ekki náð saman um gerð nýs kjarasamnings og hefur verið boðað til verkfalls meðal félagsmanna Starfsmannafélags Garðabæjar sem starfa hjá leikskólum Garðabæjar frá og með 15. maí 2023.

Staða málsins rædd.

Bæjarráð tekur jákvætt í erindi um að hátíðarhlaðborð á 17. júní 2023 verði í Sveinatungu, fundarsal bæjarstjórnar ásamt því að vera á innitorgi á Garðatorgi. Bæjarráð vísar erindinu til afgreiðslu og úrlausnar bæjarstjóra.

Í tilkynningu frá innviðaráðuneytinu, dags 14. mars 2023 kemur fram að samkomulag hafi náðst um að hefja undirbúning að því að uppfæra samgöngusáttmála fyrir höfuðborgarsvæðið. Viðræðuhópur fulltrúa ríkisins og sveitarfélaganna hefur tekið til starfa og er unnið að uppfærslu kostnaðaráætlana ásamt því að fara yfir tekjuhlið sáttmálans og yfirferð á stjórnskipulagi sáttmálans. Einnig er stefnt að því að viðræðuhópur ríkis og sveitarfélaga ljúki við frágang draga að samningi um eflingu almenningssamgangna þannig að rekstur þeirra verði tryggður með aðkoma sveitarfélaga og ríkisins.

Stefnt er að því að tillögur að uppfærslu sáttmálans og tillaga að samningi um eflingu almenningssamgangna verði lagðar fram til afgreiðslu hjá bæjarstjórnum sveitarfélaganna í byrjun júní.

Lagt fram.

Lagt fram.

Lagt fram.

Lagt fram.