6. fundur

Hrafnkell Proppe svæðisskipulagsstjóri gerði grein fyrir fyrri hluta þróunaráætlunar svæðisskipulags höfuðborgarsvæðisins sem samþykkt hefur verið í svæðisskipulagsnefnd og vísað til sveitarfélaga sem aðild eiga að svæðisskipulaginu.$line$Skipulagsnefnd samþykkir framlagða áætlun.

Lögð fram tillaga að deiliskipulagi Kirkjubrúar 1 á Álftanesi að lokinni kynningu. Tillagan var í kynningu frá 7.apríl itl 19.maí. Eitt athugasemdabréf hefur borist og var það lagt fram. Vísað til skoðunar hjá tækni og umhverfissviði.

Lögð fram tillaga að deiliskipulagi Hliðs á Álftanesi. Skipulagsstjóri greindi frá fundi með Umhverfisstofnun sem hefur lýst yfir áhyggjum af hugsanlegum áhrifum deiliskipulagsbreytingar á umliggjandi friðland. Á þeim fundi var farið nánar ofan í ákvæði tillögunnar og árhrifin á umhverfið og mikilvægi þess að Umhverfisstofnun og Garðabær séu samstíga í málinu.$line$Skipulagsnefnd vísar tillögunni til forkynningar og leggur til að haldinn verði fundur með íbúum þar sem innihald tillögunnar verði kynnt og rædd.

Lögð fram fyrirspurn um tillögu að þremur einbýlishús við Búðarflöt 2-4 á Álftanesi. Skipulagsnefnd telur að tillagan sé í samræmi við byggðamynstur svæðisins og í samræmi við aðalskipulag Álftaness. Svarið er því jákvætt. Leggja þarf fram byggingarnefndarteikningar sem hægt verði að vísa í grenndarkynningu þar sem að ekkert deiliskipulag er í gildi á svæðinu. Skipulagsnefnd beinir því til skipulagsstjóra að undirbúa gerð deiliskipulags fyrir Vestur-Skógtjarnarsvæðis.

Lögð fram tillaga að breytingu á deiliskipulagi Bæjargils sem nær til lóðarinnar Gilsbúð 9 að lokinni kynningu. Tillagan var í kynningu frá 7.apríl itl 19.maí. Engar athugasemdir bárust. Tillagan skoðast því samþykkt í samræmi við 3.mgr. 41.gr. Skipulagslaga.

Lögð fram tillaga að breytingu á deiliskipulagi Sjálands sem samþykkt var í bæjarstjórn þann 7.maí sl. Skipulagsstofnun hefur gert athugasemdir við þau gögn sem lögð voru til grundvallar við samþykkt málsins þar sem að sú bygging sem sýnd er fyrir breytingu er ekki í samræmi við gildandi deiliskipulag og getur því talist villandi.$line$Skipulagsnefnd vísar breytingartillögunni til kynningar að nýju í samræmi við 1.mgr. 43.gr. Skipulagslaga ásamt réttum og skilmerkilegum skýringarmyndum um áhrif breytingarinnar á skuggavarp, hljóðvist og vindafar.

Lögð fram umsókn Byggingarsamvinnufélags eldri borgara í Garðabæ um breytingu á deiliskipulagi Ása og Grunda sem nær til húsa við Unnargrund. Tillagan gerir ráð fyrir því að hámarks byggingarmagn 7 húsa aukist úr 130 m2 í 150 m2 til jafns við önnur hús. Skipulagsnefnd minnir á að við gerð deiliskipulags var það ósk BSFEB að byggingarmagn yrði skilgreint með þessum hætti. Heildaraukning á byggingamagni er því 140 m2. Skipulagsnefnd heimilar kynningu tillögunnar í samræmi við 1.mgr. 43.gr. Skipulagslaga.

Lögð fram tillaga að deiliskipulagi Ásbúðar og Holtsbúðar að lokinni kynningu. Tillagan var í kynningu frá 7.apríl til 19.maí. 3 athugasemdabréf hafa borist undirrituð af 71 einstaklingi. Vísað til skoðunar hjá tækni og umhverfissviði.

Lögð fram fyrirspurn lóðarhafa um hvort unnt sé að fjölga íbúðum um 2, þ.e. úr 6 í 8, að ekki verði stöllun á milli álmanna, að byggingarreitur breytist og að þakhalli verði 0-10 gráður. Skipulagsnefnd óskar eftir umsögn deiliskipulagshöfundar um tillöguna áður en hægt verður að taka afstöðu til málsins.

Lögð fram umsókn frá lóðarhöfum um að víkja frá sérskilmálum um þakhalla. Skipulagsnefnd óskar eftir umsögn deiliskipulagshöfundar um tillöguna. Baldur Ó. Svavarsson vék af fundi undir þessum lið.

Lögð fram tillaga um breytingar á deiliskipulagi Vesturhluta Urriðaholts sem nær til lóðarinnar Holtsvegur 51. Lögð fram umsögn deiliskipulagshöfundar um tillöguna. Skipulagsnefnd vísar málinu aftur til hönnuðar og lóðarhafa og mælist til þess að þau atriði sem teljast óheppileg í umsögn deiliskipulagshöfundar verði lagfærð.

Lögð fram fyrirspurn um deiliskipulagsbreytingu sem felst í því að byggja við einbýlishúsið að sunnanverðu einnar hæðar viðbyggingu sem tengist kjallara hússins. Ofan á viðbyggingu komi svalir sem tengjast stofu.$line$Skipulagsnefnd telur að líklegt sé að nefndin meti tillöguna sem óverulega deiliskipulagsbreytingu. Leggja skal fram góð og greinileg gögn í skipulagsnefnd áður er máli verður vísað áfram.

Lögð fram umsókn Vegagerðarinnar um framkvæmdaleyfi fyrir lagning Arnarnesvegar milli Reykjanesbrautar og Fífuhvammsvegar. Framkvæmd er í samræmi við deiliskipulag Arnarnesvegar. Framkvæmdasvæði nær að litlu leyti inn fyrir bæjarmörk Garðabæjar í norðanverðu Hnoðraholti. Skipulagsnefnd mælir með því að bæjarstjórn veiti framkvæmdaleyfið enda eru framkvæmdir hafnar á hluta verksins innan bæjarmarka Kópavogs.