17. fundur

Lögð fram tillaga að breytingu aðalskipulags Garðabæjar sem nær til Kauptúns. Breytingarnar eru í samræmi við tillögur að breytingu deiliskipulags. Lögð fram fundargerð frá fundi í stjórn Rekstrarfélags Kauptúns þann 20.nóvember sl þar sem kröfur um bílastæði og reynsla af nýtingu þeirra voru til umfjöllunar.

Skipulagsnefnd samþykkir að tillagan sé forkynnt í samræmi við 2.mgr. 30.gr. Skipulagslaga með þeim breytingum sem breytingartillögur nefndarinnar á tillögum að breytingum deiliskipulags kalla á. Tillagan skal kynnt samhliða tillögum að breytingu deiliskipulags Kauptúns sbr fundarliði hér á eftir.

Kauptún 2

Lögð fram tillaga að breytingu á deiliskipulagi Kauptúns sem nær til lóðarinnar Kauptún 2. Gert er ráð fyrir því að í stað 4.200 m2 lóðar með hámaksbyggingarmagni 1.000 komi 6.116 m2 lóð fyrir bensínstöð. Tillögu fylgir áhættumat vegna bensínstöðvar sem verkfræðistofan Mannvit hefur unnið. Niðurstaða matsins er sú að áhætturnar sem bensínstöð getur skapað séu viðundandi ef tekið er tillit til niðurstöðu matsins við hönnun.

Skipulagsnefnd leggur til að gerðar verði eftirtaldar breytingar á tillögunni:

-Að bætt verði við ákvæði þar sem lögð verður áhersla á vandaða hönnun á skyggni bensínstöðvarinnar. Lega bensínstöðvarinnar er áberandi við aðkomu í Kauptún og mikilvægt að útlit bensínstöðvarinnar sé í takt við þær metnaðarfullu kröfur sem deiliskipulagið gerir til hönnunar og yfirbragðs bygginga.

Kauptún 3

Lögð fram tillaga að breytingu á deiliskipulagi Kauptúns sem nær til lóðarinnar Kauptún 3. Skipulagsnefnd leggur til að gerðar verði eftirtaldar breytingar á tillögunni:

-Að ákvæði í kafla 6.6.1. og 6.6.5. um náttúrleg byggingarefni á 5 % framhliðar verði óbreytt. (leiðrétta þarf ósamræmi milli greinanna, þ.e. 5 % og 7 %)

-Að ákvæði í 1.mgr. 6.6.4. um skyggni yfir gangstétt sé óbreytt.

-Að ákvæði í 6.6.5 um gluggalausa og samfellda hluta sé óbreytt. Skipulagsnefnd mælir með að einhver sjónræn tengsl séu á langhlið á milli innra og ytra rýmis auk svæðis í kringum inngang.

-Líta skal á bygginguna Kauptún 3 sem tvo húshluta þannig að kröfur um hlutfall þátta eins og byggingarefna eða byggingarhluta eigi við hvora eign fyrir sig.

Skipulagsnefnd heimilar forkynningu tillagnanna fyrir Kauptún 2 og Kauptún 3 með ofangreindum breytingum í samræmi við 3.mgr. 40.gr. Skipulagslaga.

Tillagan skal vera hluti af heildarbreytingartillögu deiliskipulags Kauptúns ásamt með breytingum á lóð nr. 1 og 4 ásamt sem og lóð OR.

Lögð fram tillaga að breytingu á deiliskipulagi Kauptúns sem nær til lóðarinnar Kauptún 1. Skipulagsnefnd leggur til að gerðar verði eftirtaldar breytingar á tillögunni:

-Að stækkun byggingarreits fari ekki nær lóðarmörkun að Urriðaholtsstræti en 10 m og að ákvæði verði um stóran glugga hliðinni sem snýr að Urriðaholtsstræti. (áður en tillagan verður kynnt þarf umsækjandi að láta gera þrívíddarmyndir af hugsanlegri stækkun og hvernig landslag verður mótað að Urriðaholtsstræti og byggingu við Jónasartorg.)

-Að heildar gólfflötur í kafla 4.1. , 4..2 og 6.3. í deilskipulagsskilmálum verði breytt til samræmis við minnkun byggingareits sem sótt var um.

-Að stærð lóðar breytist miðað við minni byggingarreit og heildarfjölda fermetra og kröfur um fjölda bílastæða.

-Að ákvæði um skiltaturn verð fellt út.

Skipulagsnefnd heimilar forkynningu tillögu fyrir Kauptún 1. í samræmi við 3.mgr. 40.gr. Skipulagslaga með ofangreindum breytingum. Tillagan skal vera hluti af heildarbreytingartillögu deiliskipulags Kauptúns ásamt með breytingum á lóð nr. 2, nr. 3 og og nr. 4 sem og lóð fyrir OR.

Skipulagsnefnd heimilar forkynningu tillögu fyrir OR lóð í Kauptúni í samræmi við 3.mgr. 40.gr. Skipulagslaga. Tillagan skal vera hluti af heildarbreytingartillögu deiliskipulags Kauptúns ásamt með breytingum á lóð nr. 1 nr. 2 ,nr. 3 og nr. 4.

Lögð fram tillaga að breyting deiliskipulags Kauptún sem gerir ráð fyrir því að ekki verði gerð krafa um hraunhól framan við byggingu. Skipulagsnefnd heimilar forkynningu tillögunnar í samræmi við 3.mgr.40.gr. Skipulagslaga með því skilyrði að þess sé gætt við útfærslu á bílastæðunum að þau séu eingöngu fyrir rafmagnsbíla og að hraungrýti verði nýtt til þess að móta og afmarka þennan hluta lóðar. T.d. með hlöðnum veggjum eða myndarlegri vörðu.

Skipulagsnefnd heimilar forkynningu tillögu fyrir Kauptún 4. í samræmi við 3.mgr. 40.gr. Skipulagslaga. Tillagan skal vera hluti af heildarbreytingartillögu deiliskipulags Kauptúns ásamt með breytingum á lóð nr. 1 nr. 2 og nr. 3 og sem og lóð fyrir OR.

Skipulagsnefn óskar eftir því að viðkomandi aðili komi á fund nefndarinnar og útskýri hugmyndir sínar.

Lögð fram fyrirspurn um óbyggt svæði milli Sólbarðs og Hleinar á Álftanesi og hvort að þar verði heimilað að reisa byggingu og þá hver byggingarreiturinn sé og hve hátt leyfilegt byggingarmagn sé. Svar: Á svæðinu er ekkert deiliskipulag í gildi og því ekki hægt að gefa upp hver lóðarmörk séu eða hve mikið megi hugsanlega byggja á lóðinni. Í aðalskipulagi er svæðið skilgreint sem íbúðarbyggð. Ef hægt á að vera að veita byggingarleyfi á lóðinn þyrfti að grenndarkynna byggingarleyfis umsókn í samræmi við 1.mgr.44.gr. Skipulagslaga. Þá þarf tillagan að vera í samræmi við landnotkun, byggðamynstur og þéttleika aðliggjandi byggðar.

Lögð fram tillaga Urriðaholts ehf að breytingu deiliskpulags Urriðaholts viðskiptastrætis sem nær til lóðanna Urriðaholtsstræti 6-8 og 10-12. Breytingin gerir ráð fyrir því að lóðin nr.6-8 stækkar til austurs um 691 m2 og lóðin nr.10-12 minnkar sem því nemur. Byggingarreitur lóðar nr.10-12 skerðist. Á þeim hluta lóðar sem bætist við lóð nr.6-8 verða 10 bílastæði.

Skipulagsnefnd heimilar kynningunni breytingartillögunnar í samræmi við 1.mgr. 43 gr. og 1.mgr. 41.gr. Skipulagslaga.

Afgreiðslu málsins frestað.

Lögð fram umsókn um breytingu á nýsamþykktu deiliskipulagi Urriðaholts norðurhluta 2.áfanga.sem gerir ráð fyrir tilfærslu á gatnamótum Brekkugötu og Mosagötu. Einnig að ein einbýlishúsalóð, Brekkugata nr. 6 er felld burt.

Skipulagsnefnd heimilar kynningunni breytingartillögunnar í samræmi við 1.mgr. 43 gr. og 1.mgr. 41.gr. Skipulagslaga.

Lögð fram tillaga að breytingum á deiliskipulagi Vesturhluta Urriðaholts sem nær til lóðarinnar Mosagata 1-7. Þær breytingartillögur sem um ræðir eru: viðmiðunarbyggingarmagn eykst um 293m2, hæðir hliðrast lítillega,opin bílskýli eru felld út, hæð er bætt ofan á austustu álmu um leið og niðurgrafin hæð er felld út.

Skipulagsnefnd heimilar kynningunni breytingartillögunnar í samræmi við 1.mgr. 43 gr. og 1.mgr. 41.gr. Skipulagslaga.

Baldur Ó. Svavarsson vék af fundi undir þessum lið.

Skipulagsstjóri greinir frá kynningu Reykjavíkurborgar á lýsingu vegna deiliskipulags við gatnamót Bústaðavegar og Reykjanesbrautar. Í auglýsingu kynningarinnar kemur fram sá skilningur Reykjavíkurborgar að í nýsamþykktu svæðisskipulagi höfuðborgarsvæðisins sé fallið frá gerð mislægra gatnamóta á svæðinu. Skipulagsnefnd beinir þeirri spurningu til svæðisskipulagsnefndar hvort nefndin sé sammála þeirri túlkun Reykjavíkur borgar að svæðisskipulag höfuðborgarsvæðisins geri ótvírætt í skyn að ekki sé gerð krafa á mislægum gatnamótum Reykjanesbrautar og Bústaðavegar. Það er skilningur skipulagsnefndar Garðabæjar að sátt sé um það að útfærsla Reykjanesbrautar amk kosti frá Miklubraut og til suðurs sé með mislægum gatnamótun til að tryggja stöðu brautarinnar sem meginstofnbraut bílaumferðar á höfuðborgarsvæðinu.