8. fundur

Jóhanna Helgadóttir verkefnisstjóri gerði grein fyrir tillögu að verkefnislýsingu aðalskipulagsbreytingar og deiliskipulagsáfanga sem nær til Samgöngu-og þróunaráss Hafnarfjarðarvegar og Lyngássvæðis.

Skipulagsnefnd samþykkir framlagða tillögu sem lýsingu verkefnisins í samræmi við 1.mgr.30.gr. og 1.mgr.40.gr.Skipulagslaga nr.123/2010.

Skipulagsstjóri gerði grein fyrir beiðni lóðarhafa Kauptúns 4 um stækkun lóðar vegna svigrúms sem nauðsyn reynist á að hafa til aðkomu flutningabíla að fyrirhuguðu lagerrými verslunarinnar að norðanverðu. Stækka þyrfti lóð um 500 m2 og nær sú stækkun út fyrir landnotkunarreit Kauptúns 5.03 Vþ og kallar það því á breytingu aðalskipulags og deiliskipulags.

Skipulagsstjóri leggur til að tillagan verði meðhöndluð sem óveruleg aðalskipulagsbreyting í samræmi við 2.mgr.36.gr.Skipulagslaga nr.123/2010 þar sem að hún hefur óverulegar breytingar á landnotkun í för með sé og hefur hvorki áhrif á stórt svæði né einstaka aðila. Þegar að aðalskipulagsbreytingin hefur verið staðfest verður unnt að leggja fram tillögu að breytingu deiliskipulags.

Skipulagsnefnd samþykkir tillöguna sem óverulega breytingu Aðalskipulags Garðabæjar 2016-2030 í samræmi við ofangreinda lagagrein og felur skipulagsstjóra að lokinni staðfestingu bæjarstjórnar að senda tillöguna til meðferðar hjá Skipulagsstofnun.

Lögð fram tillaga skipulagsstjóra um að ráðist verði í endurskoðun deiliskipulags Iðnbúðar-og Smiðsbúðar sem hefði það m.a. að markmiði að fella atvinnulóðir við Gilsbúð inn í það deiliskipulag.

Skipulagsnefnd samþykkir tillöguna og leggur til að gert verði ráð fyrir þeirri vinnu í þeirri fjárhagsáætlun sem nú er í mótun.

Lögð fram tillaga skipulagsstjóra um að ráðist verði í gerð deiliskipulags fyrir íbúðarbyggð í Bæjargili en deiliskipulag 1.áfanga Bæjargils var samþykkt í bæjarstjórn árið 1984 og telst því ekki í gildi þar sem að fyrsta aðalskipulag Garðabæjar var ekki staðfest fyrr en árið 1987.

Skipulagsnefnd samþykkir tillöguna og leggur til að gert verði ráð fyrir þeirri vinnu í þeirri fjárhagsáætlun sem nú er í mótun.

Lögð fram umsókn húsfélagsins að Hrísmóum 1 um byggingarleyfi fyrir 33 m2 íbúð á jarðhæð fjölbýlishússins. Í umræddu rými hefur verið aðstaða fyrir húsvörð sem ekki er lengur þörf fyrir. Í dag eru 38 íbúðir í húsinu. 52 bílastæði eru á lóð.

Ekkert deiliskipulag telst í gildi á svæðinu.

Skipulagsnefnd fellir niður grenndarkynningu í samræmi við 2.ml.3.mgr.44.gr.Skipulagslaga þar sem framkvæmdin varðar ekki hagsmuni annarra en sveitarfélagsins og umsækjanda.

Skipulagsnefnd gerir ekki athugasemd við að byggingarleyfi verði veitt fyrir íbúðinni.

Lögð fram byggingarleyfisumsókn með þeirri breytingu á áður grenndarkynntri umsókn að lofthæð sólskála hækkar um 20 cm. Þeir aðilar sem grenndarkynning náði til hafa með áritun sinni lýst því yfir að þeir geri ekki athugasemd við breytinguna.

Skiplagsnefnd gerir ekki athugasemd við að byggingarleyfi verði veitt sem er í samræmi við framlögð gögn sbr. 44.gr.Skipulagslaga nr.123/2010.

Lögð fram tillaga að breytingu deiliskipulags Lunda sem gerir ráð fyrir því að byggingarreitur íbúðarhússins að Skógalundi stækki um tæpa 40 fermetra (4,35x9,1m) til vesturs inn á baklóð.

Skipulagsnefnd metur tillöguna sem óverulega breytingu deiliskipulags Lunda í samræmi við 2.mgr.43.gr.Skipulagslaga nr.123/2010 og vísar henni til grenndarkynningar í samræmi við 44.gr.sömu laga.

Grenndarkynna skal eigendum og íbúum Skógarlundar nr. 7,8,9,11 og 12 sem og Hvannalundar 7,9 og 11.

Lögð fram fyrirspurn lóðarhafa um það hvort heimilað verði að reisa girðingu allt að 2 m meðfram lóðarmörkum að Hæðarbraut.

Svar: Skipulagsnefnd telur ekki ástæðu til að víkja frá ákvæðum samþykktar bæjarstjórnar um veggi og girðingar á þessum stað en þar segir að hæð girðinga að safngötu (Hæðarbraut) skuli ekki vera hærri en 1,5 m. Einnig segir í samþykkt að gæta skuli að sjónlínum við horn og er ekki æskilegt að girðing sé hærri en 1,2 m við horn. Skipulagsnefnd gerir ekki athugasemd við staðsetningu girðingar eins og hún hefur verið reist utan lóðarmarka.

Lögð fram tillaga að breytingu deiliskipulags sem gerir ráð fyrir því að bílastæðum á lóð fjölgi úr þremur í fjögur. Samkvæmt tillögu myndi að vera staðsett við lóðarmörk að Jafnakri 5.

Skipulagsnefnd metur tillöguna sem óverulega breytingu deiliskipulags Akra í samræmi við 2.mgr.43.gr.Skipulagslaga nr.123/2010 og vísar til grenndarkynningar í samræmi við 44.gr.sömu laga.

Grenndarkynna skal eigendum og íbúum að Jafnakri 5,6 og 8 sem og Hjálmakri 6 og 8.

Lögð fram fyrirspurn lóðarhafa um breytingu á lögun byggingarreits þannig að hann myndi að hluta til ná út fyrir bindandi byggingarlínu eins og hún kemur fram á deiliskipulaguppdrætti.

Tillögu vísað til frekari skoðunar hjá tækni-og umhverfissviði.

Lögð fram sameiginleg tillaga lóðarhafa um breytingu deiliskipulags Urriðaholts Norðurhluta 4 sem nær til fjölbýlishúslóðanna Lautargata 1,3 og 5.

Vegna aðstæðna á lóð sem einkennast af verulegum landhalla er óskað eftir breytingum sem meðal annars fæli í sér að einni hæð yrði bætt við undir aðkomuhæð.

Skipulagsnefnd vísar tillögunni til umsagnar deiliskipulagshöfundar.

Guðrún Dóra Brynjólfsdóttir vék af fundi undir þessum lið.

Lögð fram umsókn Garðasóknar um framkvæmdaleyfi fyrir stækkun kirkjugarðs að Görðum til vesturs sem nemur 0,45 ha.

Skipulagsnefnd samþykkir veitingu framkvæmdaleyfis sem er í samræmi við ákvæði deiliskipulags.

Lagt fram.