6. fundur

Lögð fram tillaga að breytingu aðalskipulags Garðabæjar 2004-2016 og tillaga að breytingu á aðalskipulagi Garðabæjar 20176-2030 sem gerir ráð fyrir legu borgarlínu um Hafnarfjarðarveg og Arnarnesveg. Svæðisskipulagsstjóri Hrafnkell Proppé gerði grein fyrir tillögunni ásamt Stefáni Thors og Andreu Kristinsdóttur hjá VSÓ sem eru ráðgjafar verkefnisins.

Tillagan sett fram á uppdráttum og á þemakorti eru sýnd líkleg áhrifasvæði borgarlínunnar.

Lagðar fram umsagnir um verkefnislýsingar svæðisskipulagsbreytingar og aðalskipulagsbreytinga vegna innleiðingar Borgarlínu. Umsagnir eru frá Heilbrigðiseftirliti Reykjavíkur, Minjastofnun, Samgöngustofu, Skiplagsráði Kópavogs, Skipulagsstofnun, Vegagerðinni og Baldri Snæ Jónssyni.

Skipulagsnefnd vísar tillögunni til forkynningar í samræmi við 1.mgr.36.gr. og 2.mgr.30.gr.Skipulagslaga. Sveitarfélög á höfuðborgarsvæðinu munu forkynna tillögur að samkskonar aðalskipulagsbreytingum sameiginlega.

Lögð fram tillaga að breytingu aðalskipulags Garðabæjar 2004-2016 gerir ráð fyrir því að land sem tilheyrir Heiðmörk innan Garðabæjar og svæði Skógræktarfélags Garðabæjar í Sandahlíð verði skilgreint sem opið svæði til sérstakra nota. Gert er ráð fyrir breytingum á legu útivistarstíga og reiðstíga. Breytingartillagan er sett fram á uppdrætti með greinargerð.

Tillagan var í auglýsingu frá 10.mars til 21.apríl.

Athugasemdir hafa borist frá eftirfarandi aðilum:

Hestannafélagið Sprettur dags.18.apríl 2017

Jón Lárusson og Björn Erlendsson f.h.eigenda Selskarðs dags.21.apríl 2017

Umsagnir liggja fyrir frá eftirfarandi aðilum:

Landsnet dags 25.apríl 2017

Heilbrigðiseftirlit dags. 25.apríl 2017

Vegagerðin dags 2.maí 2017

Skipulagsnefnd samþykkir auglýsta tillögu óbreytta sem breytingu á aðalskipulagi Garðabæjar 2004-2016 í samræmi við 1.mgr. 32.gr.Skipulagslaga og felur skipulasstjóra að ganga frá tillögunni í samræmi við 2.mgr. sömu greinar sömu laga.

Lögð fram tillaga að deiliskipulagi Heiðmerkur og Sandahlíðar. Tillagan hefur það markmið að fá heildstæðara og markvissara skipulag fyrir svæðið sem verndar- ræktunar- og útivistarsvæði. Gildi svæðisins sem slíks verður styrkt með því að skilgreina skógræktarsvæði fyrir útivistarskóg, afmarka útivistarsvæði þar sem lítil útilífsmiðstöð verður staðsett, afmarka áningarstaði m.a. með nestis- og grillaðstöðu, sýna lagfæringu á Heiðmerkurvegi og á línuveginum og skilgreina bílastæði. Skilgreindir eru göngu-, hjóla- og reiðstígar sem tengja saman mismunandi svæði til að bæta aðgengi almennings og styrkja gildi svæðisins til fjölbreyttrar útivistar. Einnig á deiliskipulagið að taka tillit til þeirrar verndunar sem í gildi er á skipulagssvæðinu og tryggja verndun náttúru- og menningarminja.

Tillagan var í auglýsingu frá 10.mars til 21.apríl samhliða tillögu að breytingu aðalskipulags vegna sama svæðis.

Athugasemdir hafa borist frá eftirfarandi aðilum:

Hestannafélagið Sprettur dags.18.apríl 2017

Jón Lárusson og Björn Erlendsson f.h.eigenda Selskarðs dags.21.apríl 2017

Umsagnir liggja fyrir frá eftirfarandi aðilum:

Landsnet dags 25.apríl 2017

Heilbrigðiseftirlit dags. 25.apríl 2017

Vegagerðin dags 2.maí 2017

Að mati nefndarinnar kalla athugasemdir og umsagnir ekki á breytingu á tillögnni. Hugmyndum Hestamannafélagsins Spretts um nýjar reiðleiðir er vísað til tækni-og umhverfissviðs. Ef niðurstaða þeirrar skoðunar er jákvæð skal leggja fram tillögur að breytingu deiliskipulags og aðalskipulags sem hljóta þá nauðsynlega umfjöllun og ferli.

Skipulagsnefnd samþykkir auglýsta tillögu óbreytta sem deiliskipulag Heiðmerkur og Sandahlíðar í samræmi við 3.mgr. 41.gr.Skipulagslaga.

Lögð fram tillaga að breytingu deiliskipulags Hraunsholts eystra að lokinni auglýsingu sem fór fram frá 10.mars til 21.apríl sl. Tillagan var auglýst í Fréttablaðinu, Garðapóstinum og á heimasíðu Garðabæjar auk þess sem dreifibréf var sent í öll hús í Lynghólum og Hraunhólum. Tillagan gerir ráð fyrir því að lóðirnar Lynghólar 32, 34, 36 og 38 breytist úr raðhúsalóðum í tvíbýlishúsalóðir. Íbúðum fjölgar úr 4 í 8. Byggingarmagn og hæð húsa er óbreytt. Gert verður ráð fyrir utanhússstigum sem ná út fyrir byggingarreit að framanverðu.

Lagt fram erindi undirritað af 14 íbúum í nágrenninu þar sem því er mótmælt að íbúðum verði fjölgað.Einnig er gerð athugasemd við legu stofnstígs um Lynghóla á þessum stað í aðalskipulagi.

Skipulagsnefnd telur að þó að fjölgun íbúða hafi einhver áhrif til aukningar umferðar um Lynghóla þá stuðli fjölgun íbúða að því að auka framboð á minni íbúðum sem henti ungu fjölskyldu fólki. Staðsetningin sé auk þess í góðu göngufæri við grunnskóla, útvistarsvæði, íþróttasvæði og almenningssamgöngur.

Skipulagsnefnd leggur til að athugasemd við legu stofnstígs í aðalskipulagi sé vísað til úrvinnslu aðalskipulagstillögu þeirrar sem nú er í auglýsingu. Skipulagsnefnd beinir því til tækni-og umhverfissviðs að leitað sé leiða til þess að breyta legu stofnstígs á þessum stað.

Skipulagsnefnd samþykkir tillöguna óbreytta frá augýstri tillögu sem breytingu á deiliskipulagi Hraunsholts eystra í samræmi við 3.mgr.41.gr.Skipulagslaga nr.123/2010.

Lögð fram tillaga að óverulegri breytingu á deiliskipulagi Akra sem nær til verslunar-og þjónustulóðarinnar Akrarbraut 1 að lokinn grenndarkynningu.Tillagan geri ráð fyrir því að byggingarreitur stækki um 3 metra til suðurs en styttist um 14 metra úr vestri. Einnig er gert ráð fyrir skjólveggjum.

Lagt fram athugsemdabréf frá stjórn Húsfélagsins að Línakri 3.

Til að koma til móts við athugasemdir leggur skipulagsnefnd til að eftirfarandi ákvæðum verði bætt við deiliskipulag lóðarinnar:

Að skjólveggur á mörkum Línakurs 3 og Akrabrautar 1 verði 1,5 til 2,0 metrar að hæð.

Að skjólveggurinn verði klæddur tvöfaldi timburklæðningu á steyptum sökkli.

Skipulagsnefnd samþykkir tillöguna sem óverulega breytingu á deiliskipulagi Akra í samræmi við 2.mgr.43.gr.Skipulagslaga nr.123/2010.

Lögð fram umsókn um byggingarleyfivegna veitingarstaðar að Ránargrund. Birt flatarmál byggingarinnar er 645,4 m2 en deiliskipulag heimilar 500 m2. Opin rými (B-rými) eru 120,6 m2. Bygging er öll innan byggingarreits. Þegar að hámarkbyggingarmagn var ákvarðað lá til grundvallar lágmarksgreining á byggingarmagnsþörf fyrir veitingastað á þessum stað. Rekstraraðili hefur nú skilgreint þörfina til fullnustu og kemst að þeirri niðurstöðu að til þess að uppfylla skilyrði um fjölda salerna, rými í eldhúsi, starfsmannaaðstöðu og til að tryggja rekstrargrundvöllinn sé nauðsynlegt að fara fram á þessa aukningu.

Skipulagsnefnd samþykkir breytinguna sem óverulega breytingu deiliskipulags Ása og Grunda þar sem gert er ráð fyrir að birt flatarmál byggingar stækki úr 500 í 645,4 m2 og vísar tillögunni til grenndarkynningar í samræmi við 2.mgr.43.gr. skipulagslaga nr. 123/2010.

Grenndarkynna skal íbúum að Ægisgrund, 7,9,11,13,15,17 og 19,Þórsmörk, Unnargrund 1,3,5,7 og 9, Ránargrund 1 og Sjálandsskóla.

Lögð fram fyrirspurn frá lóðarhafa þar sem borin er undir nefndina tillaga um að stækka aðra íbúð parhússins að Hörgatúni 7 að lóðarmörkum Hörgatúns númer 5. Húsveggur yrði þá í 50 cm fjarlægð frá lóðarmörkum og byggt yrði fyrir innkeyrslu að bílgeymslu á baklóð.

Svar við fyrirspurn er neikvætt.

Lögð fram fyrirspurn lóðarhafa um afstöðu nefndarinnar til tillagna að breytingu deiliskipulags lóðanna sem gerir ráð fyrir verulegu auknu byggingarmagni, stækkun byggingarreita og breytinga á ákvæðum um fjölda fermetra á hvert bílastæði. Gildandi krafa er 50 fermetrar á bílastæði en leitað er eftir afstöðu nefndarinnar um hugmynd að 100 fermetrum á hvert bílastæði. Í eldri byggingarreglugerð var gert ráð fyrir 35 fermetrum á bílastæði í skrifstofu og verslunarhúsnæði en í öðru atvinnuhúsnæði 50 fermtetum. Í Kauptúni er nú miðað við 30 fermetra og var sú tala nýverið hækkuð úr 22 fermetrum. Byggði það á fenginni reynslu.

Skipulagsnefnd er jákvæð gagnvart hugmyndum um uppbyggingu lóðanna en óskar eftir ítarlegri rökstuðningi um skilgreiningu á bílastæðaþörf.

Lögð fram tillaga að breytingu á deiliskipulagi Vesturhluta Urriðaholts.

Tillagan gerir ráð fyrir því að lóðin verði sameinuð í eina lóð. Gert er ráð fyrir sameiginlegri bílgeymslu á lóð. Fjölbýlihúsum á lóð verði snúið og svalgangar verði heimilaðir á garðhlið. Fallið er frá hugmynd um parhús mót Mosagötu en íbúðarhluti færður að Mosagötu. Íbúðum fjölgar um tvær.

Umsögn deiliskipulagshöfundar liggur fyrir og er hún jákvæð.

Skipulagsnefndar vísar tillögunni til auglýsingar í samræmi við 1.mgr.41.gr.skipulagslaga nr.123/2010.

Lögð fram tillaga að lokinni auglýsingu. Engar athugasemdir, tillagan skoðast því samþykkt í samræmi við 3.mgr. 41.gr.Skipulagslaga nr.123/2010.

Lögð tillaga að deiliskipulagi sem gerir ráð fyrir því að íbúðum að Urriðaholtsstræti 14-16 fjölgi um 2 en á nr. 18-20 fjölgi þeim um tvær. Gert er ráð fyrir einu bílastæði fyrir íbúðir undir 90 fermetrum en tveimur fyrir stærri íbúðir. Tillagan gerir ráð fyrir því að bílastæðum fjölgi á lóð sem nemur fjölgun íbúða og að allar íbúðir eigi bílastæð á lóð og allar íbúðir stærri en 90 m2 bílastæði í bílageymslu að auki.

Umsögn deilskipulagshöfundar er jákvæð.

Meirihluti skipulagsnefndar hafnar tillögu um fjölgun íbúða þar sem að deiliskipulag Urriðaholts Norðurhluta 3 er nýsamþykkt og til þess vandað á allan hátt. Súsanna Björg Vilhjálmsdóttir greiðir atkvæði á móti öðrum nefndarmönnum og telur að vísa ætti tillögunni til auglýsingar.

Lögð fram tillaga að breytingu deiliskipulags Urriðaholts Norðurhluti 3 sem gerir ráð fyrir því að í fjölbýlishúsnum fjölgi íbúðum um 9 alls án þess að breyta eða stækka byggingarreit. Á lóðunum nr 36 og 38 er fjölgað um 4 íbúðir (úr 20 í 24) og á nr. 40-42 yrði fjölgað um 5 íbúðir (19 í 24). Allar nýjar íbúðir yrðu minni en 90 m2. Við fjölgun íbúða er gert ráð fyrir því að bílastæðum í bílageymslu sé fjölgað um 8.

Lögð fram umsögn deiliskipulagsráðgjafa og er niðurstaða hennar neikvæð.

Með vísan í umsögn deiliskipulagsráðgjafa og afgreiðslu fundarliðar 11 hafnar skipulagsnefnd tillögunni.

Lögð fram beiðni Urriðaholts ehf um að heiti Vörðuvegar verði breytt í Vinarstræti í samræmi við óskir Oddfellowreglunnar þar um. Skipulagsnefnd er jákvæð gagnvart hugmyndinni og vísar henni til bæjarstjónar.

Lögð fram umsókn Urriðaholts ehf um breytingar á deiliskipulagi vegna bygginganna að Vörðuvegi 2-18 sem eru á háholtinu.

Er hér um að ræða minni háttar breytingar á útfærslu bygginganna sem eiga að stuðla að því að bæta útlit þeirra og yfirbragð. Sérstakur rýnihópur á vegum þróunaraðlila hefur það hlutverk að rýna tillögur að byggingum á háholtinu með tilliti til mikilvægi þess í heildarmynd hverfisins. Rýnihópurinn styður framlagðar tillögur. Jákvæð umsögn deiliskipualagshöfndar liggur fyrir og hún lögð fram.

Skipulagsnefnd telur að hér sé um óverulegar breytingar á deiliskipulagi að ræða. Þar sem að tillagan varða eingöngu hagsmuni Garðabæjar og umsækjanda er grenndarkynning felld niður sbr.3.mgr.44.gr.Skipulagslaga nr.123/2010.