10. fundur

Lögð fram tillaga að breytingu deiliskipulags Akra sem nær til lóðanna Breiðakur 2-16 að lokinni kynningu sem stóð frá 15.maí til 26.júní. Tillagan gerir ráð fyrir því að í stað 2.hæða raðhúsa með 8 íbúðum komi tvö 2.hæða fjölbýlishús með 16 íbúðum. Tvö athugasemdabréf hafa borist þar sem að íbúar við Árakur og Dalakur lýsa yfir áhyggjum af aukinni umferð og álagi vegna aukins íbúafjölda. Íbúðum mun fjölga um 8 en ekki 16 eins og fram kemur í athugasemd. Íbúðum sem nota neðri hluta Akrabrautar sem aðkomu fjölgar úr 79 í 87 sem er ásættanleg aukning að mati skipulagsnefndar. Húsin að Breiðakri 2-16 liggja ekki að lóðum íbúðarhúsa að Dalakri eins og gengið er út frá í athugasemd. Skipulagsnefnd samþykkir tillöguna óbreytta og felur skipulagsstjóra að svara þeim sem athugasemdir gerður og ljúka skipulagsferli.

Lögð fram tillaga að breytingu deiliskipulags Ása og Grunda sem nær til lóðar Sjálandsskóla að lokinni kynningu sem stóð frá 15.maí til 26.júní. Tillagan gerir ráð fyrir því að skólalóð stækki og að aðkoma frá Löngulínu breytist. Athugasemdabréf hefur borist frá stjórn Húseigendafélagsins að Löngulínu 2. Athugsemd er gerð við fækkun bílastæða við aðkomu að Löngulínu og óskað eftir því að girðing og gróðurbelti verði á lóðarmörkum. Skipulagsnefnd bendir á að markmið breytingarinnar er að auðvelda flæði bifreiða við inngang skólans með snúningsaðkomu. Bílastæði fyrir Sjálandsskóla eru austan við bygginguna með aðkomu frá Vífilsstaðavegi og er því aðeins um skammtímastæði að ræða við aðkomu frá Löngulínu.

Skipulagsnefnd leggur til að gert sé ráð fyrir því í deiliskipulagi að girðing og/eða gróðurbelti verði inn á skólalóðinni meðfram lóðarmörkum frá Lönguhlínu að Hraunsholtslæk. Skipulagsnefnd samþykkir tillöguna með framangreindri breytingu í samræmi við 3.mgr.41.gr.Skipulagslaga.

Lögð fram tillaga að breytingu á deiliskipulagi Ása og Grunda sem nær til veitingahúslóðarinnar Ránargrund 2-4 að lokinni kynningu sem stóð frá 15.maí til 26.júní. Tillagan gerir ráð fyrir því að lóð stækki og að hámarksbyggingarmagn aukist. Engar athugasemdir bárust.

Tillagan skoðast því samþykkt sbr. 3.mgr.41.gr. Skipulagslaga.

Lögð fram tillaga að breytingu á deiliskipulagi vesturhluta Urriðaholts sem nær til lóðarinnar Holtsvegur 27 að lokinni kynningu sem stóð frá 15.maí til 26.júní. Tillagan gerir ráð fyrir því að hámarksfjöldi íbúða hækki úr 9 í 10. Engar athugasemdir bárust.

Tillagan skoðast því samþykkt sbr. 3.mgr.41.gr. Skipulagslaga.

Lögð fram tillaga að breytingu á deiliskipulagi vesturhluta Urriðaholts sem nær til lóðanna Holtsvegur 41 og 43 að lokinni kynningu sem stóð frá 15.maí til 26.júní. Tillagan gerir ráð fyrir því að hámarksfjöldi íbúða hækki úr 9 í 10 á hvorri lóð. Engar athugasemdir bárust.

Tillagan skoðast því samþykkt sbr. 3.mgr.41.gr. Skipulagslaga.

Lögð fram tillaga að steinsteyptu garðhýsi á lóðinni Klettás 2. Húsið yrði staðsett við lóðarmörk að Hlíðarási. Skipulagsnefnd metur tillöguna sem óverulega breytingu á deiliskipulagi Hraunsholts vestra (Ása) og vísar henni til grenndarkynningar. Lóðarhafi verður þó í samráði við byggingarfulltrúa að finna lausn á útfærslu þaks sem uppfyllir öryggiskröfur. Öll byggingin skal vera innan lóðarmarka. Grenndarkynna skal eigendum raðhúslengjunnar auk Hraunáss 1, Klettáss 1, Kjarráss 2 og Lerkiáss 1.

Lögð fram umsókn um breytingu á deiliskipulagi Flata sem nær til lóðarinnar Sunnuflöt 25. Tillagan gerir ráð fyrir því að byggingarreitur stækkar til suðurs og innan hans verði heimilt að reisa viðbyggingu við kjallara auk 13 m2 við aðalhæð hússins. Skipulagsnefnd metur tillöguna sem óverulega breytingu á deiliskipulagi Flata og vísar henni til grenndarkynningar. Grenndarkynna skal eigendum Sunnuflatar 23, 26, 27, 28 og 30. Einnig Markarflatar 24 og 26.

Lögð fram fyrirspurn þar sem spurt er hvort heimilt verði að byggja við bifreiðargeymslu einbýlishússins að Markarflöt 4 fram á bílastæði að götu. Svar er neikvætt þar sem að samkvæmt deiliskipulagi Flata skal hámarkslengd brunagafls við lóðarmörk ekki vera lengri en 7,5 metrar.

Lögð fram fyrirspurn um hugmyndir að viðbyggingum við íbúðarhúsið að Hagaflöt 22 og hvort að þær teljist í samræmi við deiliskipulag. Svar: Framlögð tillaga er eftir því sem best verður séð í samræmi við deiliskiplag og kallar því ekki á deiliskiplagsbreytingu.

Erindi svæðisskipulagsstjóra lagt fram þar sem fram kemur að Svæðisskipulag höfuðborgarsvæðisins "Höfuðborgarsvæðið 2040" hafi tekið gildi með auglýsingu í B-deild Stjórnartíðinda þann 14.júlí sl. Jafnframt fellur úr gildi Svæðisskipulag Höfuðborgarsvæðisins 2001-2024 sem staðfest var árið 2002. Skipulagsnefnd vísar erindinu til skipulagsstjóra og aðalskipulagsráðgjafa enda skal gæta þess að innra samræmi sé milli gildandi svæðisskipulags og aðalskipulags sem nú er í vinnslu.

Lagt fram erindi Halldóru Hreggviðsdóttur framkvæmdastjóra Alta fyrir hönd Urriðaholts ehf þar sem óskað er eftir heimild til þess að vinna tillögu að deiliskipulagi skv. meðfylgjandi drögum að skipulagslýsingu. Lýsing gerir ráð fyrir því að svæðið sem deiliskipulagið nái til sé 7 ha að stærð og nær til efsta hluta "norðurhluta", hluta af "viðskiptahverfis" og hluta af "háholti".

Skipulagsnefnd mælist til þess að það deiliskipulag sem nú skal vinna nái til þess sem eftir er af "viðskiptahverfi" og "háholti" auk þess sem eftir er af "norðurhluta". Einnig skal gera ráð fyrir íþróttasvæði innan deiliskiplagssvæðisins sem nýtist íbúum hverfisins en til þessa hefur ekki verið gert ráð fyrir íþróttasvæðum.

Lögð fram fyrirspurn VA arkitekta fyrir hönd lóðarhafa þar sem óskað er eftir því að skipulagsnefnd skeri úr um túlkun kennisniðs fyrir lóðir þar sem 1,5 hæð er heimiluð(mynd 3D). Lögð er tillaga að nýju kennisniði sem gildir fyrir lóð ofan við götu (mynd A). Skipulagsnefnd fellst á túlkun kennisniðsins eins og fram kemur á framlagðri tillögu (mynd A)

Lögð fram umsókn um byggingarleyfi vegna breytinga að Holtsbúð 91 sem er í hverfi án deiliskipulags í gildi. Skipulagsnefnd fellur frá grenndarkynningu í samræmi við 3.mgr.44.gr. Skipulagslaga þar sem að leyfisskyld framkvæmd varðar ekki hagsmuni annara en Garðabæjar og umsækjenda.