11. fundur

SKipulagsstjóri og Þráinn Hauksson landslagsarkitekt hjá Landslagi ehf gerðu grein fyrir úrvinnslu þeirra athugasemda og umsagna sem borist hafa. Fundað hefur verið með Skógræktarfélagi Garðabæjar og gengið með fulltrúum félagsins um Smalaholt til þess að átta sig betur á áhrifum tillögunnar á skóginn. Vísað til áframhaldandi úrvinnslu hjá umhverfissviði og skipulagsráðgjafa.

Lagt fram erindi Skipulagsstofnunar dags.24.júlí sl þar sem gerðar eru athugasemdir við eftirfarandi atriði í samþykktri tillögu að breytingu deiliskipulags Vetrarmýrar.

- ekki er unnt að fella út hluta deiliskipulagssvæðisins fyrr en að önnur áætlun tekur yfir á viðkomandi hluta.

- gera þarf betur grein fyrir breytingum á sérskilmálum einstakra lóða

- gera þarf grein fyrir umhverfisáhrifum deiliskipulagsbreytingarinnar.

- gera þarf grein fyrir mögulegum áhrifum deiliskipulagsbreytingarinnar á hljóðvist.

Skipulagsnefnd beinir því til umhverfissviðs og skipulagsráðgjafa að koma til móts við athugasemdir stofnunarinnar og leggja fram lagfærða tillögu í skipulagsnefnd.

Lögð fram tillaga að deiliskipulagi Miðbæjar, svæði I og II að lokinni forkynningu, ásamt þeim umsögnum og ábendingum sem bárust á kynningartíma. Skipulagsstjóri gerði nánar grein fyrir fundum með rekstraraðilum og fulltrúum húsfélaga á svæðinu.

Ræddir þeir valkostir sem staðið er frammi fyrir um áframhald verkefnisins.

Vísað til úrvinnslu hjá skipulagsráðgjafa og umhverfissviði.

Lögð fram tillaga að óverulegri breytingu deiliskipulags Víðiholts sem nær til veggja, girðinga og smáhýsa að lokinni grenndarkynningu.

Engar athugasemdir bárust og skoðast tillagan því samþykkt í samræmi við 3.mgr.41.gr.skipulagslaga nr.123/2010.

Lögð fram fyrirspurn um útfærslu á viðbyggingu við einbýlishúsið að Gerðakoti nr.4. Ekkert deiliskipulag er í gildi á svæðinu.

Skipulagsnefnd telur að til greina komi að vísa byggingarleyfisumsókn fyrir viðbyggingunni til grenndarkynningar en þá þarf að liggja fyrir rétt afmörkun lóðar og stærð þannig að unnt sé að átta sig á nýtingarhlutfalli lóðar og húss með viðbyggingu. Gera þarf mæliblað lóðarinnar og lagfæra skráningu hennar en hún er í ósamræmi við raunstærð. Lóðin er 1000 m2 samkvæmt fasteignaskráningu en mælist a.m.k. 1.400 m2 á kortavef.

Lögð fram breytt tillaga að breytingu deiliskipulags Sjálands sem gerir ráð fyrir breytingu á fyrirkomulagi bílastæða framan við Nýhöfn 1-5.Tillagan gerir ennfremur ráð fyrir stækkun lóðarinnar Nýhöfn 1-5. Skipulagsnefnd vísar tillögunni til auglýsingar í samræmi við 1. mgr. 43. gr.og 41. gr. skipulagslaga nr. 123/2010. Vekja skal athygli á auglýsingunni í nánasta nágrenni með því að bera dreifibréf í húsin Nýhöfn 1, 2,3, 4,5,6 og 7 sem og Löngulínu 13, 15,17, 19,20, 21,22, 23, 24 og 26.

Lögð fram fyrirspurn um tillögu að útfærslu á austurhluta lóðar endaraðhússins Ljósakur 17. Tillagan gerir ráð fyrir gróðurhúsi, pergólu yfir heitum potti og girðingum (skjólveggjum) á lóðarmörkum að götu en utan lóðarmarka að austanverðu.

Með vísan í samþykkt Garðabæjar um veggi og girðingar mælir skipulagsnefnd með því að skjólveggur sem snýr að götu sé 1,5 m að hæð eða fjær lóðarmörkum en 30 cm ef hann er 1,8 m að hæð. Runnagróður komi þá milli gangstéttar og skjólveggjar ef hann liggur ekki við lóðarmörk.

Þar sem girðingar (skjólveggir) yrðu samkvæmt tillögunni utan lóðarmarka að girðingu (fallvörn) Garðabæjar meðfram göngustíg bendir nefndin á að samkomulag Garðabæjar og lóðarhafa þarf að liggja fyrir um girðinguna og það svæði sem lendir innan hennar. Skipulagsnefnd gerir ekki athugasemd við að samkomulag verði gert sem er í samræmi við framlagða tillögu. Nefndin bendir einnig á að samþykki annarra eigenda raðhúslengjunnar fyrir tillögunni þarf að liggja fyrir.

Lögð fram fyrirspurn lóðarhafa um útfærslu skrifstofubyggingar (Heilsuklasa) við Ósakur í Arnarlandi.

Fyrirspurn vísað til umsagnar deiliskipulagshöfundar.

Lögð fram fyrirspurn lóðarhafa um hugmynd að gróðurhúsi á þaki einbýlishússins að Stekkholti 6 ásamt umsögn deiliskipulagshöfundar.

Skipulagsnefnd telur að áhrif gróðurhúsa ofan á þaki tveggja hæða einbýlishúsa við Stekkholt eða Útholt á útsýni frá fjölbýlishúsum við Vorbraut og upplifun íbúa séu umtalsverð. Fordæmisgildi þess að veita byggingarleyfi fyrir þessháttar útfærslu á einni lóð er mikið og hefur það því áhrif á fjölda eigna.

Svar skipulagsnefndar er því neikvætt.

Lögð fram tillaga að breytingu deiliskipulags Hnoðraholts norður sem nær til lóðarinnar Þorraholt 2-4 að lokinni grenndarkynningu.

Vísað til úrvinnslu hjá umhverfissviði.

Baldur Ó. Svavarsson vék af fundi undir þessum lið.

Lögð fram fyrirspurn lóðarhafa um tillögu að útfærslu á íbúðum á jarðhæðum fjölbýlishúsanna að Þorraholti 9 og 15. Útfærslan kallar í fjölgun íbúða á hvorri lóð eða um tvær íbúðir alls. Stærð bílageymsla er næg til að þjóna þessari fjölgun íbúða.

Skipulagsnefnd telur að útfærsla með íbúð á jarðhæð geri aðkomu að húsinu meira aðlaðandi og fellst því á að tillagan nái fram að ganga.

Skipulagsnefnd samþykkir tillöguna sem óverulega breytingu deiliskipulags Hnoðraholts norður í samræmi við 2.mgr.43.gr.skipulagslaga

Í samræmi 2.ml.3.mgr.44.gr.sömu laga er grenndarkynning felld niður þar sem að breytingin varðar ekki hagsmuni annarra en sveitarfélagsins og umsækjanda.

Lögð fram fyrirspurn um tillögu að staðsetningu þriggja smáhýsa á endaraðhúslóðinni að Kinnargötu 70 ásamt umsögn deiliskipulagshöfundar.

Með vísan í umsögn og deiliskipulagsákvæða fellst skipulagsnefnd ekki á staðsetningu þriggja smáhýsa en gerir ekki athugasemd við staðsetningu smáhýsis við sorpgeymslu sem er ekki stærri en 10 m2 að grunnfleti.

Lögð fram umsókn um byggingaráform og byggingarleyfi fyrir leikskóla til skemmri tíma á lóð Sjálandsskóla innan byggingarreits. Flatarmál byggingar yrði 616 m2 á einni hæð.



Skipulagsstjóri leggur fram tillögu að breytingu deiliskipulags Ása og Grunda sem nær til lóðar Sjálandsskóla, sem gerir ráð fyrir að eftirfarandi ákvæði bætist við greinargerð deiliskipulagsins: "Heimilt er að nýta skólalóðina innan byggingarreits sem stæði fyrir færanlegar kennslustofur og önnur nauðsynleg rými fyrir grunnskólastarfsemi eða leikskólastarfsemi til bráðabirgða enda uppfylli þær kröfur byggingarreglugerðar um brunavarnir. Að öðru leyti gilda áður útgefnir skilmálar."

Skipulagsnefnd metur tillöguna sem óverulega breytingu deiliskipulags Ása og Grunda í samræmi við 2.mgr.43.greinar skipulagslaga nr.123/2010. Í samræmi við 2.ml.3.mgr.44.greinar sömu laga er fallið frá grenndarkynningu.

Skipulagsnefnd mælir með því að skoðað verði að nýta hluta lóðarinnar Ránargrund 3 sem er víkjandi í deiliskipulagi undir starfsemi skólalóðar.

Lögð fram tillaga að breytingu deiliskipulags Kjóavalla sem nær til svæðis innan lögsögu Kópavogsbæjar. Bæjarstjórn Kópavogs samþykkti þann 11. mars 2025 með tilvísan í 1. mgr. 43. gr. skipulagslaga nr. 123/2010 að auglýsa tillögu að breyttu deiliskipulagi fyrir Kjóavelli. Tillagan er sett fram á uppdrætti í mkv. 1:2000 dags. 28. júní 2024, uppfærður 14. ágúst 2024 og 28. febrúar 2025. Tillagan var auglýst í Lögbirtingablaðinu og Morgunblaðinu þann 10. apríl 2025 og Kópavogspóstinum þann 17. apríl 2025 og er hún jafnframt aðgengileg á vefsíðu Kópavogsbæjar og í Skipulagsgátt málsnr. 453/2025.

Kynningartími var frá 10. apríl 2025 til 30. maí 2025. Athugasemdir og ábendingar bárust á kynningartíma.

Á fundi skipulags- og umhverfisráðs Kópavogs þann 7. júlí 2025 var tillagan lögð fram að nýju að lokinni auglýsingu ásamt innsendum athugasemdum og umsögn skipulagsdeildar dags. 13. Júní 2025. Skipulagsráð samþykkti tillöguna og vísaði til afgreiðslu bæjarráðs og bæjarstjórnar.

Bæjarráð Kópavogs, í umboði bæjarstjórnar, samþykkti á fundi sínum þann 17. júlí 2025 breytingu á deiliskipulagi Kjóavalla.

Tillagan var lögð fyrir skipulagsnefnd þann 29.ágúst 2024 en fyrir mistök var bókað að tillagan væri samþykkt um leið og önnur breytingartillaga á deiliskipulagi Kjóavalla innan lögsögu Kópavogs og snerist um miðlunartanka.

Þar sem að tillagan hafði verið lögð fyrir skipulagsnefnd áður en hún var auglýst lýtur skipulagsnefnd Garðabæjar svo á að heimild til auglýsingar hafi verið til staðar. Athugasemdir og ábendingar sem borist hafa lögð fram ásamt umsögn skipulagsdeildar Kópavogs og lagfærður uppdráttur lögð fram.

Skipulagsnefnd Garðabæjar samþykkir tillöguna sem breytingu á deiliskipulagi Kjóavalla með þeim smávægilegu breytingum sem gerðar voru af skipulagsdeild Kópavogsbæjar við samþykkt breytingarinnar.

Skipulagsnefnd Garðabæjar gerir ekki athugasemd við tillöguna.

Skipulagsnefnd Garðabæjar gerir ekki athugasemd við tillöguna.

Lögð fram

Lögð fram

Lögð fram

Lögð fram