10. fundur

Lögð fram tillaga að breytingu Aðalskipulags Garðabæjar 2016-2030 að lokinni auglýsingu í samræmi við 31. gr. Skipulagslaga nr. 123/2010. Tillagan gerir ráð fyrir því að landnotkunareitur 2.06 S Brekkuás breytist í 2.06 Íb sem er breyting úr svæði fyrir samfélagsþjónustu í svæði fyrir íbúðarbyggð.

Tillagan var í auglýsingu frá 7.maí til 18.júní 2021. Alls bárust 7 erindi innan athugasemdafrests þar sem athugasemdir eru gerðar við tillöguna og við tillögu að breytingu deiliskipulags sem nær til sama svæðis. Athugasemdir lagðar fram.

Lögð fram tillaga að greinargerð þar sem fram koma svör Garðabæjar við þeim athugasemdum sem borist hafa. Skipulagsnefnd samþykkir framlagða greinargerð.

Skipulagsnefnd samþykkir tillöguna óbreytta sem breytingu Aðalskipulags Garðabæjar 2016-2030 í samræmi við 1.mgr.32.greinar Skipulagslaga nr.123/2010.

Lögð fram tillaga að breytingu deiliskipulags Hraunsholts vestra (Ásahverfis) að lokinni auglýsingu í samræmi við 1.mgr. 43.greinar og 41.grein Skipulagslaga nr.123/2010.

Tillagan gerir ráð fyrir því að lóð fyrir leikskóla breytist í lóð fyrir búsetukjarna fyrir fatlað fólk og opið leiksvæði. Heimilt verður að byggja einnar hæðar hús með 6-7 íbúðum.

Tillagan var í auglýsingu frá 7.maí til 18.júní 2021. Alls bárust 7 erindi innan athugasemdafrests þar sem athugasemdir eru gerðar við tillöguna og við tillögu að breytingu Aðalskipulags Garðabæjar 2016-2030 sem nær til sama svæðis og var auglýst samhliða. Athugasemdir lagðar fram.

Skipulagsnefnd áréttar enn og aftur mikilvægi þess að starfsemi búsetukjarna fyrir fatlað fólk verði valinn góður staður og óbyggða svæðið ofan Brekkuás uppfyllir þau skilyrði með ágætum.

Lögð fram tillaga að greinargerð þar sem fram koma svör Garðabæjar við þeim athugasemdum sem borist hafa. Skipulagsnefnd samþykkir framlagða greinargerð.

Skiplagsnefnd samþykkir tillöguna óbreytta sem breytingu deiliskipulags Hraunsholts vestra (Ásahverfis) í samræmi við 3.mgr.41.gr.Skipulagslaga nr.123/2010.

Lögð fram fyrirspurn um gerð viðbyggingar sem nær 4 metra út fyrir byggingarreit til suðausturs en 7 metrar eru frá byggingarreit að lóðarmörkum. 10 metrar eru á milli byggingarreita í gildandi deiliskipulagi.

Skipulagsnefnd leggur til að byggingarreitur verði skilgreindur fyrir létta viðbyggingu og hámarkshæð sem er lægri en teikning sem fylgir fyrirspurn sýnir.

Lögð fram fyrirspurn um gerð gróðurhúss fyrir utan byggingarreit og nær lóðarmörkum að bæjarlandi en 3 metrar.

Vísað til skoðunar hjá tækni og umhverfissviði.

Lögð fram tillaga að breytingu deiliskipulags Ása og Grunda sem nær til lóðanna Eskiás 2,4 og 6 að lokinni auglýsingu. Tillagan gerir ráð fyrir því að hæðir húsa við Eskiás 2, 4 og 6 lækki um eina hæð og heimilað verði að fjölga íbúðum í öðrum húsum sem nemur fækkun íbúða vegna lækkunar um hæð. Hámarkshæðir annarra húsa verða óbreyttar. Byggingarreitir lóðanna nr. 8 og 10 breytast þannig að þar verða lokaðir innigarðar. Heildarfjöldi íbúða verður óbreyttur eða 276 íbúðir.

Tillagan var í auglýsingu frá 10.mars til 21.apríl 2021. Alls barst 1 erindi með athugasemdum við tillöguna frá eigendum að Lyngási 13 og 15.

Tillagan var lögð fyrir skipulagsnefnd ásamt innsendum athugasemdum sem var vísað til úrvinnslu.

Farið hefur verið yfir innsendar athugasemdir af tækni-og umhverfissviði og skipulagsráðgjafa hjá Batteríinu ehf. Tillaga að greinargerð þar sem fram koma svör Garðabæjar lögð fram.

Ekki er talin ástæða til að breyta tillögunni vegna atriða sem athugasemdar eru gerðar við enda varða þær í flestum tilfellum ekki breytingartillöguna.

Erindi með athugasemdum er vísað til úrvinnslu í fyrirhugaðri endurskoðun skipulags á Lyngássvæði og Hafnarfjarðarvegar.

Í fyrirhugaðri endurskoðun skipulags og uppbyggingar á svæðinu mun skipulagsnefnd leggja áherslu á að móta stefnu og áætlun sem sátt er um meðal Garðbæinga og eigenda fasteigna á svæðinu.

Skipulagsnefnd samþykkir auglýsta tillögu óbreytta sem breytingu deiliskipulags Ása-og Grunda í samræmi við 3.mgr.41.gr.Skipulagslaga nr.123/2010. Samþykkt er einnig framlögð greinargerð með svörum við athugasemdum.

Sólveig Helga Jóhannsdóttir vék af fundi undir þessum lið.

Lögð fram fyrirspurn um gerð viðbyggingar sem kallar á stækkun byggingarreits til austurs að opnu svæði.

Skipulagsnefnd mælir ekki með því að byggingarreitir í Akrahverfi verði stækkaðir frekar enda var deiliskipulagi á sínum tíma breytt og gert ráð fyrir ytri byggingarreitum.

Lögð fram tillaga að breytingu deiliskipulags Arnarness sem gerir ráð fyrir stækkun byggingarreits vegna viðbyggingar við suð-austurhlið hússins Blikanes 22.

Skipulagsnefnd mælir með því að ákvæði verði bætt við tillöguna sem gerir ráð fyrir því að gluggar á suð-austurhlið efri hæðar verði í 1,8 m hæð yfir gólfi íverurýma.

Skipulagsnefnd metur tillöguna sem óverulega breytingu deiliskipulags Arnarness í samræmi við 2.mgr.43.gr.Skipulagslaga nr.123/23010 og vísar henni til grenndarkynningar í samræmi við 44.gr.sömu laga.

Grenndarkynna skal eigendum Blikaness 19, 20,21,23 og 24 sem og Tjaldaness 17.

Auglýsingu lokið engar athugasemdir

Lögð fram tillaga að breytingu á deiliskipulagi Urriðaholts austurhluta sem gerir ráð fyrir því að fjölgað verði um fjórar íbúðir stærri en 90 m2 og fjórar íbúðir minni en 90 m2. Bílastæðum á lóð fjölgar til samræmis við fjölgun íbúða. Tillagana var í auglýsingu frá 15.júní til 27.júlí sl.

Engar athugasemdir bárust við tillöguna.

Skipulagsnefnd samþykkir tillöguna sem breytingu deiliskipulags Urriðaholts austurhluta í samræmi við 3.mgr. 41.gr. Skipulagslaga nr. 123/2010.

Lögð fram tillaga að óverulegri breytingu deiliskipulags að lokinni grenndarkynningu. Innsendar athugasemdir lagðar fram.

Gerðar eru athugasemdir við að framkvæmdir séu hafnar við þann hluta mannvirkis sem grenndarkynning lýtur að og að þær séu ekki að fullu í samræmi við grenndarkynnt gögn.

Við skoðun kemur í ljós að verið er að framkvæma í samræmi við grenndarkynnt gögn. Framkvæmdaaðili hefur beðist velvirðingar á því að hafa farið fram úr sér.

Skipulagsnefnd samþykkir tillöguna sem óverulega breytingu deiliskipulags Vesturhluta Urriðaholts í samræmi við 2.mgr.43.gr.Skipulagslaga nr.123/2010.

Lögð fram tillaga að breytingu deiliskipulags Kauptúns sem gerir ráð fyrir stækkun byggingarreits og byggingarmagns. Þess skal gætt að tillaga sé í samræmi við ákvæði aðalskipulags.

Tillögu vísað til umsagnar rekstrarfélags Kauptúns og deiliskipulagshöfundar.

Lögð fram umsókn tækni-og umhverfissviðs um framkvæmdaleyfi fyrir gerð gatna og lagna í Andvarahverfi og Rjúpnahlíðarhverfi á Kjóavöllum.

Skipulagsnefnd samþykkir veitingu framkvæmdaleyfis sem er í samræmi við gildandi deiliskipulag m.s.br. í samræmi við 13.gr.Skipulagslaga nr.123/2010.

Lögð fram umsókn tækni-og umhverfissviðs um framkvæmdaleyfi fyrir gerð gatna í Garðahrauni (Prýðahverfi) sunnan Garðahraunsvegar.

Skipulagsnefnd samþykkir veitingu framkvæmdaleyfis sem er í samræmi við gildandi deiliskipulag Garðahrauns m.s.br. í samræmi við 13.gr.Skipulagslaga nr.123/2010.

Lögð fram umsókn tækni-og umhverfissviðs um framkvæmdaleyfi fyrir gerð reiðstígs í Urriðakotshrauni og Urriðavatnsdölum til bráðabirgða.

Gert er ráð fyrir legu hans í stæði línuvegar eins og það er sett fram í óverulegri breytingu deiliskipulags Golfvallar í Urriðavatnsdölum sem staðfest var í byrjun mánaðarins. Þess skal gætt að raska eins litlu af hrauninu og kostur er og gera ráð fyrir að sá hluti stígs verði afturkræfur.

Skipulagsnefnd samþykkir veitingu framkvæmdaleyfis sem er í samræmi við gildandi deiliskipulag m.s.br. og ofangreinda aðgát í sbr. 13.gr.Skipulagslaga nr.123/2010.

Skýrsla lögð fram.

Skýrsla lögð fram. Skipulgasnefnd/umferðarnefnd samþykkir framlögð gögn og vísar þeim til bæjarráðs.