43. (1951). fundur

Bæjarstjóri gerði grein fyrir hertum sóttvarnarráðstöfunum sem tóku gildi 1. nóvember sl. Meginbreytingin felst í 10 manna fjöldatakmörkum í stað 20 áður. Allt íþróttastarf verður óheimilt og sviðslistir sömuleiðis. Gert er ráð fyrir að reglur um hertar aðgerðir gildi til og með 17. nóvember nk.

Bæjarstjóri upplýsti að unnið hafi verið að breyttum útfærslum í stofnum Garðabæjar en reglurnar kalla á breytingar á starfsemi skóla og annarra stofnana. Á bæjarskrifstofunum hefur starfsemin á 3. hæð verið skipt upp í þrjú hólf til að tryggja 10 manna fjöldamörk og margir starfsmenn vinna heima.

Ný reglugerð um takmarkanir á skólastarfi hefur verið gefin út og tók gildi í dag. Í leikskólum eru breytingar minniháttar en í grunnskólum og tónlistarskólum er gert ráð fyrir töluverðum takmörkunum hvaða varðar fjölda í kennslustofum og öðrum svæðum. Þá er krafa um grímuskyldu nemenda í efri bekkjum grunnskólans þegar víkja þarf frá tveggja metra reglunni. Í sameiginlegum rýmum skóla, svo sem við innganga, í anddyri, á salerni og göngum, er heimilt að víkja frá fjöldatakmörkun og reglu um blöndun hópa að því gefnu að nemendur í 5.-10. bekk og starfsfólk notist við andlitsgrímu.

Skipulagt íþrótta-, æskulýðs- og tómstundastarf barna á grunnskólaaldri, þ.m.t. starf félagsmiðstöðva, er óheimilt á meðan reglugerðin er í gildi.

Sviðsstjóri fræðslu- og menningarsviðs gerði nánari grein fyrir vinnu við útfærslu á skólastarfi í skólum bæjarins. Sviðsstjóri hrósaði stjórnendum og starfsmönnum skólanna fyrir magnað vinnuframlag við að skipuleggja skólastarf við þessar erfiðu aðstæður. Öll börn koma í skóla á hverjum degi en kennsla í sömum greinum er takmörkuð en reynt er að bæta það upp með heimaverkefnum. Fram kom að sveitarfélög á höfuðborgarsvæðinu hafa haft samráð um alla megindrætti við útfærslu á skólastarfi.

Félagsmálastjóri fóru yfir stöðu mála á fjölskyldusviði.

Inga Þóra Þórisdóttir, mannauðsstjóri sagði frá viðburðum sem hefur verið streymt til allra starfsmanna og upplýsti að mannauðsdeild er í reglulegum samskiptum við forstöðumenn stofnana.

Svanhildur Þengilsdóttir, stuðnings- og þjónustufulltrúi, sagði frá stöðu mála á Ísafold en þar hefur starfsemin gengið vel að undanförnu og hefur dagdvölin verið opin. Jónshús er opið og hafa starfsmenn í samstarfi við Félag eldri borgara verið að hringja í eldra fólk til að fylgjast með líðan þess og almennt aðstæðum þess. Starfsemi heimaþjónustu hefur gengið vel og er lítið um afbókanir. Lögð er áhersla á sóttvarnir og grímunotkun starfsmanna.

Bæjarfulltrúarnir, Sara Dögg Svanhildardóttir, Gunnar Valur Gíslason, Harpa Þorsteinsdóttir og Jóna Sæmundsdóttir voru á fundi bæjarráðs undir dagskrárliðum 1-3.

Lúðvík Hjalti Jónsson, fjármálastjóri var á fundi bæjarráðs undir dagskrárliðum 1-3.

Fulltrúar í neyðarstjórn Garðabæjar, Inga Þóra Þórisdóttir, mannauðsstjóri, Björgvin Magnússon, forstöðumaður eignasjóðs, Edda Björg Sigurðardóttir, grunn- og tónlistarskólafulltrúi, Vala Dröfn Hauksdóttir, deildarstjóri tölvudeildar, Svanhildur Þengilsdóttir, forstöðumaður stuðnings- og öldrunarþjónustu og Sunna G. Sigurðardóttir, verkefnastjóri voru á fund bæjarráðs undir þessum dagskrárlið.

Fjármálastjóri gerði grein fyrir viðaukum nr. 11, 12, 13 og 14 við fjárhagsáætlun Garðabæjar fyrir árið 2020. Bæjarráð samþykkir að leggja til við bæjarstjórn að samþykkja eftirfarandi viðauka nr. nr. 11, 12, 13 og 14 við fjárhagsáætlun 2020 samkvæmt 2. mgr. 63. gr. sveitarstjórnarlaga nr. 138/2011.

Viðauki 11

Covid útgjöld

Eftirfarandi kostnaður hefur fallið á málaflokka vegna covid útgjalda.

Kostnaður sem forstöðumenn voru beðnir um að merkja með sérstöku verknúmeri og er vegna beins útlagðs kostnaður vegna Covid 19 heimsfaraldurs.

Um er að ræða hreinlætisvörur, hanskar, grímur, spritt, viðbót við tölvubúnað sem nauðsynlegur var vegna fjarfunda og fleira.

Fjölskyldusvið 300.000 02-xxxx

Fræðslumál 15.000.000 04-xxxx

Menningarmál 700.000 05-xxxx

Æskulýðs og íþróttamál 2.000.000 06-xxxx

Umhverfismál 200.000 11-xxxx

Sameiginlegur kostnaður 2.600.000 21-xxxx

Eignasjóður 200.000 31-xxxx

Samtals 21.000.000

Fjölskyldusvið

Samningur við Vinakot vegna búsetuúrræða sem gert var ráð fyrir hluta ársins að fjárhæð 44,5 millj. kr. var framlengdur út árið.

Jafnframt hefur reynst nauðsynlegt að kaupa sérfræðiráðgjöf sem snýr að atferlisþjálfun.

Aðkeypt sólarhringsþjónusta 44.500.000 02530-4382

Aðkeypt sérfræðisþjónusta 500.000 02530-4990

Samtals 45.000.000

Fjármögnun:

Kostnaðarauka skal mætt með seldum byggingarrétti

Byggingarréttur -66.000.000 31400-0397

Viðauki 12

Breyting á fjárfestingaáætlun

Lagt er til að eftirfarandi breyting verði gerð á fjárfestingaráætlun 2020.

Við upphaflega áætlun var gert ráð fyrir nettó tölu vegna byggingar fjölnota íþróttahús. Sú breyting er nú gerð að tekjufæra byggingarétt í málaflokki 31 eignasjóði, en færa ekki tekjur á móti kostnaði við byggingu mannvirkisins.

Fjárfestingar:

Skólahúsnæði 108.000.000

Framlag Urriðaholts -110.000.000

Íþróttamannvirki 32.000.000

Fjölnota íþróttahús 1.000.000.000

Búsetuúrræði fyrir fatlaða -190.000.000

Vífilsstaðaland -211.800.000

Samtals 628.200.000

Fjármögnun:

Seldur byggingarréttur -628.200.000 31400-0397

Viðauki 13

Lækkun tekna vegna Covid-19

Vegna heimsfaraldurs Covid 19 verður að breyta áætlun útsvarstekna, vegna gríðarlegra breytinga á vinnumarkaði. Gert er ráð fyrir að útsvarstekjur á árinu 2020 verði um 400 millj. kr. lægri en fjárhagsáætlun ársins gerði ráð fyrir

Staðgreiðsla útsvars 400.000.000 00010-0021

Leikskólagjöld og gjöld í tómstundaheimilum hafa verið felld niður þegar börn hafa verið í sóttkví eða veik vegna Covid-19.

Þjónustugjöld hafa verið lækkuð eða felld niður vegna lokunar og skertrar þjónustu

Leikskólagjöld 37.000.000

Þjónustugjöld tómstundaheimila 14.000.000

Samtals 51.000.000

Viðauki 14

Vegna samþykktar bæjarstjórnar um almenningssamgöngur í Urriðaholti þar af bæta við 13 millj. kr á fjárhagsáætlun til að mæta kostnaði við verkefnið.

Strætó 13.000.000 10720-9195

Fjármögnun:

Lækkun rekstrarafgangs -13.000.000

Millifærsla milli A- og B- sjóðs

Hjúkrunarheimilið Ísafold var rekið sem B-deildar fyrirtæki Garðabæjar á árunum 2013 - 2017. Halli var á rekstrinum öll árin. Samkvæmt reikningsskilaaðferðum sveitarfélaganna ber að gera reikningskil við lok starfsemi B-deildarfyrirtækja milli A og B sjóðs. Þar sem Garðabær var í málaferlum við ríkið vegna hallareksturs stofnunarinnar var ekki gengið frá þessu uppgjöri og ákveðið að bíða með það þangað til niðurstaða dóms lægi fyrir. Nú þykir því rétt að gera upp þessi reikningskil milli A- og B- sjóðs enda liggur fyrir niðurstaða með dómi Hæstaréttar. Það er því fullreynt að ríkið mun ekki standa skil á verkefninu gagnvart Garðabæ.

Niðurstaðan hefur engin áhrif á samantekin reikningsskil.

Hjúkrunarheimili uppgjör A sjóður 538.000.000

Hjúkrunarheimili uppgjör B- sjóður -538.000.000

Engin áhrif á heildarrekstur

Fjármálastjóri gerði grein fyrir útkomuspá 2020 að teknu tilliti til ofangreindra viðauka.

Fjármálastjóri kynnti fyrstu drög að fjárhagsáætlun Garðabæjar fyrir árið 2021 og árin 2022-2024 ásamt drögum að framkvæmdayfirliti.

Gert er ráð fyrir að frumvarp að fjárhagsáætlun Garðabæjar fyrir árið 2021(2021-2024) verði lagt fram við fyrri umræðu í bæjarstjórn 19. nóvember nk.

Bæjarráð samþykkir afgreiðslu byggingarfulltrúa að veita Jónu Sigríði Einarsdóttir, kt. 310365-3009, leyfi fyrir stækkun á samþykktum teikningum einbýlishúss í byggingu að Þrastanesi 10.

Bæjarráð samþykkir afgreiðslu byggingarfulltrúa að veita Antoni Kristni Þórarinssyni, kt. 140379-4339, leyfi fyrir breytingum á samþykktum teikningum einbýlishúss í byggingu að Haukanesi 24.

Bæjarráð leggur til við bæjarstjórn að samþykkja tillögu skipulagsnefndar um að veita leyfi til framkvæmda samkvæmt 13. gr. skipulagslaga nr. 123/2010 við endurnýjun aðkomuvegar að Hliði á Álftanesi. Framkvæmdin er í samræmi við deiliskipulag sem gildir fyrir Hlið, upphaflega samþykkt árið 2000. Framkvæmdin er háð leyfi Umhverfisstofnunar, samkvæmt 12. gr. auglýsingar nr. 606/2020 um friðlýsingu Hliðs í Garðabæ , sbr. 2. mgr. 40. gr. laga um náttúruvernd nr. 60/2013.

Bæjarráð leggur til við bæjarstjórn að samþykkja tillögu skipulagsnefndar um að veita leyfi til framkvæmda samkvæmt 13. gr. skipulagslaga nr. 123/2010 fyrir lagningu stígs frá Vífilsstaðavatni að Grunnavatnsskarði. Framkvæmdin er í samræmi við deiliskipulag sem gildir fyrir Heiðmörk, upphaflega samþykkt 2017, sbr. auglýsing í B-deild Stjórnartíðinda nr. 1115/2017 og breyting deiliskipulagi , sbr. auglýsing í B-deild Stjórnartíðinda nr. 1047/2020. Framkvæmdin er háð leyfi Umhverfisstofnunar, samkvæmt 5. gr. auglýsingar um friðlýsingu Vífilsstaðavatns og nágrennis nr. 1064/2007, sbr. 2. mgr. 40. gr. laga um náttúruvernd nr. 60/2013.

Bæjarráð samþykkir að leggja til við bæjarstjórn að samþykkja tillögu skipulagsnefndar um gerð lýsingar skv. 1. mgr. 30. gr. skipulagslaga nr. 123/2010 vegna breytinga á aðalskipulagi Garðabæjar 2016-2030 er tekur til svæðis við Brekkuás. Leita skal umsagnar um lýsinguna hjá Skipulagsstofnun, umsagnaraðilum og kynna hana almenningi.

Bæjarráð samþykkir að leggja til við bæjarstjórn að samþykkja tillögu skipulagsnefndar um gerð lýsingar skv. 1. mgr. 30. gr. skipulagslaga nr. 123/2010 vegna breytinga á aðalskipulagi Garðabæjar 2016-2030 er tekur til svæðis í Garðahverfi. Leita skal umsagnar um lýsinguna hjá Skipulagsstofnun, umsagnaraðilum og kynna hana almenningi.

Ingvar Arnarson, vakti athygli á bókun Baldurs Ó. Svavarssonar sem lögð var fram við afgreiðslu málsins í skipulagsnefnd.

Bæjarráð samþykkir að leggja til við bæjarstjórn að samþykkja tillögu skipulagsnefndar um gerð lýsingar sbr. skv. 1. mgr. 40. gr. skipulagslaga nr. 123/2010 vegna breytinga á deiliskipulagi Garðahverfis. Leita skal umsagnar um lýsinguna hjá Skipulagsstofnun, umsagnaraðilum og kynna hana almenningi, sbr. 2. mgr. 40. gr. sömu laga.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa samkvæmt 1. mgr. 31. gr. skipulagslaga nr. 123/2010 tillögu að breytingu á aðalskipulagi Garðabæjar er varðar landnotkunarreit 5.04 VÞ í norðanverðu Urriðaholti. Tillagan skal send Skipulagsstofnun til athugunar, sbr. 3. mgr. 30. gr. skipulagslaga.

Bæjarráð samþykkir að leggja til við bæjarstjórn að samþykkja tillögu skipulagsnefndar um að auglýsa samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga tillögu að nýju deiliskipulagi fyrir 4. áfanga norðurhluta Urriðaholts.

Bæjarráð samþykkir að leggja til við bæjarstjórn að samþykkja tillögu skipulagsnefndar um breytingu á deiliskipulagi 3. áfanga norðurhluta Urriðaholts samkvæmt 41. gr. skipulagslaga nr. 123/2010, vegna fjölgunar íbúða úr 9 í 10 við Urriðaholtsstræti 42. Tillagan var auglýst og bárust engar athugasemdir Samþykkt tillaga skal send Skipulagsstofnun samkvæmt 1. mgr. 42. gr. skipulagslaga sbr. einnig 3. mgr. 41. gr. skipulagslaga.

Lóðarhafa skal bent á að við fjölgun íbúða kemur til greiðslu gjalds til uppbyggingar skóla- og íþróttamála samkvæmt samningi um uppbyggingu byggðar í Urriðaholti og nemur gjaldið kr. 860.672 á íbúð m.v. BVT 743,4 stig í nóvember 2020 og gjaldfellur við útgáfu á byggingarleyfi.

Bæjarráð samþykkir að leggja til við bæjarstjórn að samþykkja tillögu skipulagsnefndar að heimila útgáfu byggingarleyfis þó að þakpappi verði ysta byggingarefni á þaki en um óverulegt frávik er að ræða sem ekki varðar neina grenndarhagsmuni og þarf því ekki að koma til breytinga á deiliskipulagi sbr. heimild í 3. mgr. 43. gr. skipulagslaga nr. 123/2010.

Lögð fram.

Lögð fram.

Lögð fram.

Lögð fram.

Bæjarverkfræðingur vakti athygli á að tillagan gæti haft áhrif á staðsetningu skolpdælustöðvar sem er í sameiginlegri eigu sveitarfélaganna Reykjavíkur, Kópavogs Seltjarnarness og Garðabæjar. Bæjarráð felur bæjarverkfræðingi að kanna málið nánar og eftir atvikum gera athugasemdir til að tryggja skaðleysi Garðabæjar komi til röskunar og kostnaðar vegna breytingar á staðsetningu og byggingar nýrrar dælustöðvar.

Lögð fram.

Lögð fram.

Bæjarráð vísar málinu til afgreiðslu fjárhagsáætlunar fyrir árið 2021. Lagt fram rekstraruppgjör janúar - ágúst 2020.

Björg Fenger, fulltrúi í stjórn skíðasvæða höfuðborgarsvæðisins sagði frá stöðu vinnu við framtíðarsýn og uppbyggingu á skíðasvæðunum.

Lögð fram.

Lagður fram úrskurður úrskurðarnefndar umhverfis- og auðlindamála þar sem fram kemur að kæru vegna synjunar á byggingarleyfi er vísað frá úrskurðarnefndinni.

Fylgiskjöl

• 3568_001.pdf

Bæjarráð vísar bréfinu til bæjarstjóra.

Fylgiskjöl

• Áhyggjur af aukinni umferð á "flóttamannaleið".