32. (2039). fundur

Á fund bæjarráðs kom Sunna G. Sigurðardóttir, verkefnastjóri stafrænnar þróunar hjá Garðabæ og gerði grein fyrir minnisblaði um stöðu stafrænnar þróunar hjá Garðabæ.

Í minnisblaðinu kemur fram að starfshópur hafi verið skipaður í janúar 2020 til að koma að framgangi stafrænnar þróunar hjá Garðabæ. Þá er gerð grein fyrir þeim kerfum sem innleidd hafa verið og verkefnum sem unnið hefur verið að og eru í vinnslu. Einnig kemur fram að í samstarfi við Samband íslenskra sveitarfélaga er unnið að sameiginlegum verkefnum fyrir sveitarfélögin.

Fylgiskjöl

• Minnisblað um stöðu stafrænnar þróunar í Garðabæ, sept 2022.pdf
• Stafrænn Garðabær samantekt greiningarvinnu vor 2020.pdf

Bæjarráð samþykkir afgreiðslu byggingarfulltrúa að veita Önnu Ragnhildi Halldórsdóttur, kt. 030874-3319, leyfi til að rífa bílskúr og byggja nýjan ásamt viðbyggingu við núverandi hús að Holtsbúð 6.

Bæjarráð samþykkir að leggja til við bæjarstjórn að samþykkja tillögu skipulagsnefndar um skipulagslýsingu fyrir rammahluta aðalskipulags og deiliskipulagsáætlanir fyrir þróunarsvæði A, ásamt Hafnarfjarðarvegi milli bæjarmarka, samkvæmt 1. mgr. 30. gr. og 1. mgr. 40. gr. skipulagslaga nr. 123/2010. Leita skal umsagnar um lýsinguna hjá Skipulagsstofnun og umsagnaraðilum og kynna hana fyrir almenningi.

Bæjarráð samþykkir að leggja til við bæjarstjórn að samþykkja tillögu skipulagsnefndar um óverulega breytingu á aðalskipulagi samkvæmt 2. mgr. 36. gr. skipulagslaga nr. 123/2010 vegna stækkunar á lóðinni við Kauptún 4.

Bæjarráð samþykkir að leggja til við bæjarstjórn að samþykkja tillögu skipulagsnefndar um að leyfa útgáfu byggingarleyfis, að uppfylltum öllum skilyrðum, vegna breytingar á leikrými í íbúð á jarðhæð fjölbýlishússins við Hrísmóa 1, sbr. 1. mgr. 44. gr. skipulagslaga nr. 123/2010. Grenndarkynning fellur niður sbr. heimild í 2. ml. 2. mgr. sömu greinar enda varðar framkvæmdin ekki hagsmuni annarra en sveitarfélagsins og umsækjanda.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Lundahverfis í tilefni umsóknar um að heimilað verði að stækka byggingarreit lóðarinnar við Skógarlund 10 um 40 fermetra. Grenndarkynna skal tillöguna eigendum og íbúum að Skógarlundi nr. 7, 8, 9 og 11 og Hvannalundi 7, 9, og 11.

Bæjarráð samþykkir að leggja til við bæjarráð að samþykkja tillögu skipulagsnefndar um að leyfa útgáfu byggingarleyfis, að uppfylltum öllum skilyrðum, vegna byggingar sólskála við íbúð 07 0001 að Brekkubyggð 35. Umsókn um byggingarleyfi var grenndarkynnt og bárust engar athugasemdir og þá liggur fyrir samþykki lóðarhafa sameiginlegrar lóðar við Brekkubyggð 25-35 vegna hækkunar á þaki um 20 cm miðað við grenndarkynnta tillögu.

Bæjarráð samþykkir að leggja til við bæjarstjórn að samþykkja tillögu skipulagsnefndar um að fram fari grenndarkynning skv. 2. mgr. 43. gr. skipulagslaga nr. 123/2010 og 2. mgr. 44. gr. sömu laga vegna tillögu að óverulegri breytingu á deiliskipulagi Akrahverfis í tilefni umsóknar um að heimilað verði að fjölga bílastæðum á lóðinni við Jafnakur 7 úr þremur í fjögur. Grenndarkynna skal tillöguna eigendum og íbúum að Jafnakri 5, 6 og 8 og Hjálmakri 6 og 8.

Bæjarráð samþykkir að leggja til við bæjarstjórn að samþykkja tillögu skipulagsnefndar um að veita framkvæmdaleyfi samkvæmt 13. gr. skipulaglaga nr. 123/2010 fyrir stækkun kirkjugarðs við Garðakirkju í Garðahverfi. Framkvæmdin er í samræmi við gildandi deiliskipulagsskilmála.

Eftirfarandi tilboð bárust í eftirlit með framkvæmdum við gatnagerð í hesthúsahverfinu á Kjóavöllum.

Verkfræðistofa Reykjavíkur ehf. kr. 14.287.280

Efla hf. kr. 19.960.032

Kostnaðaráætlun kr. 16.800.000

Bæjarráð samþykkir að taka tilboði lægstbjóðanda Verkfræðistofu Reykjavíkur ehf.. Samþykktin er með fyrirvara um að uppfylltir séu allir skilmálar útboðsins og er bæjarverkfræðingi falin afgreiðsla málsins. Vakin er athygli á að samkvæmt 86. gr. laga um opinber innkaup nr. 120/2016 þarf að líða 5 daga biðtími frá ákvörðun um töku tilboðs til gerðar samnings. Heimilt er að skjóta ákvörðun bæjarráðs til kærunefndar útboðsmála og er kærufrestur samkvæmt 106. gr. laga um opinber innkaup 20 dagar frá því að kæranda var eða mátti vera kunnugt um ofangreinda ákvörðun.

Lagt fram.

Fylgiskjöl

• Fylgibréf - Áfangastaðastofa höfuðborgarsvæðisins-GRB.pdf
• 1. Minnisblað Björns H Reynissonar dags 1 september 2022.pdf
• 2. Áfangastaðastofa höfuðborgarsvæðisins Rekstrargreining KPMG Ágúst 2022.pdf
• 3.Kynning-stefnuráð-2fundur.pdf

Lagt fram minnisblað frá starfshópi um samræmingu úrgangsflokkunar dags. 1. september 2022. Í minnisblaðinu kemur fram að starfshópurinn leggur til að stefnt verði að samræmdu innheimtu- og álagningarkerfi á höfuðborgarsvæðinu vegna sorphirðu og meðhöndlun úrgangs.

Bæjarráð samþykkir að starfshópurinn vinni áfram að málinu í samstarfi við fjármálastjóra sveitarfélaganna.

Fylgiskjöl

• Minnisblað_borgað þegar hent_samráðshópur_1.9.22.pdf

Lagt fram bréf Sambands íslenskra sveitarfélaga varðandi ramma að samkomulagi um samræmda móttöku flóttafólks sem var til umfjöllunar á fundir stjórnar Sambandsins 26. ágúst sl.

Bæjarráð vísar málinu til bæjarstjóra og felur honum að undirbúa kynningu á stöðu flóttafólks í Garðabæ fyrir næsta fund bæjarráðs.

Fylgiskjöl

• Rammi að samkomulagi um samræmda móttöku flóttafólks.pdf
• samraemd-mottaka-kynning-25082022.pdf
• Þjónustusamningur.pdf
• Kröfulýsing.pdf
• Kostnaðarlíkan.pdf
• Rammi að samkomulagi um samræmda móttöku flóttafólks.pdf

Bæjarráð tekur jákvætt í erindið og vísar því til bæjarstjóra.

Fylgiskjöl

• garð - úthlutun.docx

Bæjarráð vísar samþykktunum til afgreiðslu bæjarstjórnar.

Á fundi bæjarstjórnar sem haldinn var 5. maí sl. var tillögunni vísað til tækni- og umhverfissviðs og til bæjarráðs hvað varðar skipun stýrihóps.

Bæjarráð vísar því til næsta fundar að skipa fulltrúa í stýrihóp.

Fylgiskjöl

• Tillaga Garðabæjarlistans um gerð hjólreiðaáætlunar fyrir Garðabæ.doc

Lögð fram eftirfarandi tillaga.

„Bæjarráð samþykkir að kolefnisjafna rekstur sveitarfélagsins ár hvert með greiðslu í Votlendissjóð til þess að undirstrika mikilvægi þess að draga úr losun koltvíoxíð.“

Greinargerð

Núverandi kolefnisspor af rekstri sveitarfélagsins nemur um 650 tonnum af CO2 ígildum. Hægt væri að kolefnisjafna reksturinn á hverju ári og taka ábyrgð á fyrri losun, t.d. með því að láta viðurkenndan aðila eins og Votlendissjóð endurheimta votlendi fyrir sömu upphæð. Endurheimt votlendis er skjótvirkasta loftslagsaðgerðin og hefur mikil jákvæð áhrif á vistkerfið.

Garðabær vinnur markvisst að því að draga úr losun frá starfsemi sveitarfélagsins en er í skuld við framtíðina vegna fyrri losunar. Því er kjörið tækifæri til að stíga fram fyrir skjöldu og kolefnisjafna síðustu 10 ár og verða fyrsta sveitarfélagið sem kolefnisjafnar sig.

Árið 1976 varð Garðabær kaupstaður og það væri metnaðarfullt að stefna að því á 50 ára afmælinu árið 2026 væri sveitarfélagið kolefnisjafnað frá upphafi.

Kostnaðurinn við þessa aðgerð miðað við verð Votlendissjóðs á hvert tonn er 2.000 krónur. Fyrir hvert ár væri áætlað verð í kring um 1.3 milljónir króna.

Sara Dögg Svanhildardóttir - bæjarfulltrúi Viðreisnar

Bæjarráð samþykkir að vísa tillögunni til umfjöllunar umhverfisnefndar.

Fylgiskjöl

• Tillaga Viðreisnar um kolefnisjöfnun reksturs sveitarfélagsins.pdf

Eftirfarandi tilboð bárust í byggingu dælustöðvar fyrri vatnsveitu í Vetrarmýri.

Langeldur ehf. kr. 109.747.000

Fortis ehf. kr. 111.809.316

Stéttafélagið ehf. kr. 103.878.870

Kostnaðaráætlun kr. 77.797.950

Bæjarráð vísar tilboðunum á þessu stigi til nánari yfirferðar hjá tækni og umhverfissviði.