5. fundur

Lögð fram tillaga að breytingu Aðalskipulags Garðabæjar 2016-2030 sem nær til stígakerfis í upplandi sveitarfélagsins að lokinni forkynningu í samræmi við 2.mgr.30.gr.Skipulagslaga nr.123/2010.

Tillagan var forkynnt samhliða tillögu að deiliskipulagi útivistarsvæðis í Urriðavatnsdölum og tillögu að deiliskipulagi fólkvangsins í Vífilsstaðahrauni.

Almennur kynningarfundur var haldinn 6.apríl sl þar sem tillögurnar voru kynntar og ræddar.

Frestur til að skila inn ábendingum vegna tillögunnar rann út 25.apríl.

Ábendingar og umsagnir sem borist hafa vegna tillögunnar lagðar fram.

Skipulagsanefnd vísar tillögunni ásamt ábendingum og umsögnum til nýrrar bæjarstjórnar að afloknum sveitarstjórnarkosningum.

Lögð fram tillaga að deiliskipulagi útivistarsvæðis í Urriðavatnsdölum að lokinni forkynningu í samræmi við 3.mgr.40.gr.Skipulagslaga nr.123/2010.

Tillagan var forkynnt samhliða tillögu að breytingu Aðalskipulags Garðabæjar 2016-2030 sem nær til stígakerfis í upplandi sveitarfélagsins og tillögu að deiliskipulagi fólkvangsins í Vífilsstaðahrauni.

Almennur kynningarfundur var haldinn 6.apríl sl þar sem tillögurnar voru kynntar og ræddar.

Frestur til að skila inn ábendingum vegna tillögunnar rann út 25.apríl.

Ábendingar og umsagnir sem borist hafa vegna tillögunnar lagðar fram.

Skipulagsanefnd vísar tillögunni ásamt ábendingum og umsögnum til nýrrar bæjarstjórnar að afloknum sveitarstjórnarkosningum.

Lögð fram tillaga að deiliskipulagi Vífilsstaðahrauns að lokinni forkynningu í samræmi við 3.mgr.40.gr.Skipulagslaga nr.123/2010.

Tillagan var forkynnt samhliða tillögu að breytingu Aðalskipulags Garðabæjar 2016-2030 sem nær til stígakerfis í upplandi sveitarfélagsins og tillögu að deiliskipulagi útivistarsvæðis í Urriðavatnsdölum.

Almennur kynningarfundur var haldinn 6.apríl sl þar sem tillögurnar voru kynntar og ræddar.

Frestur til að skila inn ábendingum vegna tillögunnar rann út 25.apríl.

Ábendingar og umsagnir sem borist hafa vegna tillögunnar lagðar fram.

Skipulagsanefnd vísar tillögunni ásamt ábendingum og umsögnum til nýrrar bæjarstjórnar að afloknum sveitarstjórnarkosningum.

Lögð fram tillaga að breytingu deiliskipulags Ása og Grunda sem nær til lóðarinnar Lyngás 7-9 að lokinni auglýsingu í samræmi við 41.gr.Skipulagslaga nr.123/2010.

Um er að ræða tillögu að breytingu á fyrri breytingu á byggð sem nær til byggðar við Eskiás og lóðir við Lyngás að ofanverðu (nr. 7-9, 13,15 og 17)

Greinargerð deiliiskipulagsins eftir breytingu verður með auðkennisnúmer 0.7.

Tillagan gerir ráð fyrir eftirfarandi breytingum:

1- Í kafla 2.5.3 er orðinu "húsnæði"; breytt í "atvinnuhúsnæði";.

2- Lóðirnar Lyngás 7 og 9 eru sameinaðar. Heildarfjöldi fermetra fyrir atvinnu og íbúðir sem og fjöldi íbúða er óbreyttur fyrir sameinaða lóð. Stærðartöflu í kafla 4.4.3 er breytt þar sem lóðir og heildarbyggingarmagn er lagt saman í eina lóð. Villa í útreikningi lagmarksfjölda bílastæða fyrir Lyngás er leiðrétt í töflunni.

3- Í kafla 4.4.5 er tekin út setning um bílastæði við Eskiás sem ekki á við þennan kafla, en bætt við setningu um bílastæði við Lyngás og Stórás.

4- Bætt er við orðunum "fyrir íbúðir" í umfjöllun um djúpgáma í kafla 4.4.6.

5- Bætt er við nýjum kafla: "4.4.8 Sérákvæði fyrir Lyngás 7-;9"

6- Kafli 4.5 er uppfærður og heitir núna Veitustöðvar. Lóðirnar eru nú tvær, Eskiás 3a og 3b, skv. breytingu sem gerð var á deiliskipulagi og auglýst í B-;deild Stjórnartíðinda 06.09.2021.

Breyting á uppdrætti nær aðeins til lóðarinnar Lyngás 7-9 og gangstétta meðfram lóðarmörkum við Lyngás og Stórás.

Engar athugasemdir bárust á auglýsingartíma.

Skipulagsnefnd samþykkir tillöguna sem breytingu deiliskipulags Ása-og Grunda í samræmi við 41.grein Skipulagslaga nr.123/2010.

Lögð fram tillaga að deiliskipulagi Silfurtúns að lokinni auglýsingu í samræmi við 41.gr.Skipulagslaga nr.123/2010. Tillagan gerir ráð fyrir því að nýtingarhlutfall lóða breytist úr 0,3 í 0,35. Þar sem hæðarmunur á lóð býður upp á útfærslu húss með kjallara verði hámarks nýtingarhlutfall 0,45.

Engar athugasemdir bárust á auglýsingartíma.

Skipulagsnefnd samþykkir tillöguna sem breytingu deiliskipulags Silfurtúns í samræmi við 41.grein Skipulagslaga nr.123/2010.

Baldur Ó.Svavarsson vék af fundi undir þessum lið.

Lögð fram tillaga að óverulegri breytingu deiliskipulags Silfurtúns sem næri til lóðarinnar Aratún 36 að lokinni grenndarkynningu. Reiturinn stækkar um 1,5 metra til vesturs inn á baklóð.

Engar athugasemdir hafa borist innan tilskilins frests.

Skipulagsnefnd vísar málinu til afgreiðslu hjá skipulagsstjóra þegar breyting deiliskipulags Silfurtúns vegna nýtingarhlutfalls hefur verið staðfest.

Lagðar fram tvær tillögur að breytingu deiliskipulags; annarsvegar á (1.áfanga) Austurhluta Urriðaholts og hinsvegar á Vesturhluta Urriðaholts.

Í fyrri tillögunni sem nær til Austurhluta Urriðaholts er gert ráð fyrir að afmörkun deiliskipulagssvæðisins til vesturs breytist lítillega. Deiliskipulagssvæðið minnkar um 778 m². Grænn geiri sem áður var að hluta til innan deiliskipulagsmarka Austurhluta og að hluta innan Vesturhluta verður nú að öllu leyti innan deiliskipulagsmarka Vesturhluta.

Í síðari tillögunni sem nær til Vesturhluta Urriðaholts er gert ráð fyrir stækkun deiliskipulagssvæðisins til austurs um 778 m2 sem nemur því svæði sem fyrri tillaga gerir ráð fyrir. Gert verður ráð fyrir stærra leiksvæði á græna geiranum neðan Kinnargötu á milli húsa númer 16 og 18, ofan við húsin Dýjagata 13 og 15.

Skipulagsnefnd vístar báðum tillögum til auglýsingar í samræmi við 1.mgr.43.gr. og 41.gr.Skipulagslaga nr.123/2010.

Lögð fram tillaga að breytingu deiliskipulags Urriðaholts Norðurhluta 3 sem nær til lóðanna Vinastræti 22-30 og Vinastræti 30 á háholti Urriðaholts.

Í deiliskipulagsbreytingunni felst að lóðamörkum er breytt. Bílakjallari Vinastrætis 30 stækkar og nær undir götuna. Byggingareitum er breytt og byggingamagn eykst á lóð Vinastrætis 30 en minnkar á lóð Vinarstrætis 22-28. Í heildina er um að ræða 872 fermetra aukningu byggingamagns.

Sett er kvöð um umferð og lagnir um Vinastræti.

Kvöð er um samnýtingu bílastæða á lóðum Vinastrætis 30 og Vinastrætis 22-28.

Ekki er gert ráð fyrir hámarksfjölda hæða eins og í gildandi skipulagi en hámarkshæð er skilgreind í sneiðingu. Hámarkshæð syðri byggingarreitar lóðar nr.22-28 lækkar úr 10,3 mys í 107,4 mys. Hámarkshæð hæsta hluta byggingarreits á lóð nr.30 lækkar úr 106,6 mys í 103,3 mys. Hámarkshæðir byggingarreits hækka úr 90,3 mys og 96,6 mys í 98,3 mys.

Stefnt er að því að félagsheimili Oddfellowreglunnar verði reist að Vinastræti 30.

Tillögurnar gera ekki ráð fyrir breytingu á nýtingu húsanna í deiliskipulagi og er því áfram um atvinnuhúsnæði að ræða.

Skipulagsnefnd vísar tillögunni til auglýsingar í samræmi við 1.mgr.43.gr. og 41.gr.Skipulagslaga nr.123/2010. Tillögum skulu fylgja skýringamyndir sem sýna breytingu á skuggavarpi og útisýni í aðliggjandi byggð.

Lögð fram tillaga að breytingu deiliskipulags Kauptúns sem nær til lóðarinnar Kauptún nr.4 (IKEA) að lokinni auglýsingu samkvæmt 41.gr.Skipulagslaga nr.123/2010.

Aðalsteinn Snorrason arkitekt hjá Arkís var viðstaddur þennan fundarlið og svaraði spurningum nefndarmanna.

Í deiliskipulagsbreytingunni felst að færa alla starfsemi IKEA að Kauptúni 4 og koma öllu lagerhaldi á einn stað til hagræðingar

og þjónustuaukningar.

Til þess að svo megi verða þarf að koma til lóðarstækkun og aukið byggingarmagn á lóðina Kauptún 4.

Lóðin Kauptún 4 stækkar til vesturs um 16.866 m². Lóðastærð fyrir breytingu er 56.403 m² en verður eftir breytingu 73.269 m².

Byggingarreitur stækkar til vesturs.

Skilgreindur er nýr byggingarreitur fyrir útigeymslu og spennistöð milli núverandi húss og Reykjanesbrautar.

Reitur T2-fjarskiptabúnaður færist til.

Hámarksbyggingamagn á lóð eykst úr 22.500 m² í 35.500 m².

Fjöldi bílastæða eykst í samræmi við bílastæðakröfu sem er óbreytt, þ.e. 1 stæði fyrir hverja 30 m².

Heimilt er að áfangaskipta uppbyggingu bílastæða í samræmi við bílastæðaþörf.

Bílastæði milli IKEA og Reykjanesbrautar verði grasstæði.

Þar sem kvöð er um aðgang slökkviliðs á grasstæðum verði akbraut malbikuð.

Lagðar fram umsagnir sem borist hafa og kalla þær ekki á breytingar á tillögunni. Umhverfisstofnun bendir á í umsögn sinna að röskun á hrauni falli undir a.lið 2.mgr.61.gr.laga nr.60/2013 um náttúruvernd og skal því forðast röskunina nema brýna nauðsyn beri til. Skipulagsnefnd metur nauðsyn þess að stækka verslunarhúsnæði stærstu húsgagna- og híbýlaprýðisverslunar landsins brýna og verður ekki séð að aðrir kostir séu í stöðunni. Auk þess er svæðið sem stækkunin nær til skilgreint fyrir verslun-og þjónustu í gildandi aðalskipulagi.

Lögð fram greinargerð umsækjanda sem er sett fram sem athugasemd við breytingartillöguna. Greinargerðin lítur að skilgreiningum á lokunarflokkum byggingarinnar, þ.e. A-rýmum og B-rýmum, í deiliskipulaginu. Skipulagshöfundar telja rétt að hnykkja á þessu atriði með einfaldri setningu í lok kafla 7.5.1 í þeirri deiliskipulagsbreytingu sem nú hefur verið kynnt og hljóði svo:

"B-rými sem myndast undir útkrögunum efri hæðar við vörumóttökur og innganga teljast ekki til heildarflatarmáls bygginga né heldur B-rými undir nauðsynlegum skyggnum við innganga."

Færð eru frekari rök fyrir breytingartillögunni í framlagðri greinargerð.

Skipulagsnefnd fellst á rök deiliskipulagshöfundar.

Skipulagsnefnd samþykkir tillöguna sem breytingu á deiliskipulagi Kauptúns í samræmi við 41.gr.Skipulagslaga nr.123/2010 með ofangreindri breytingu í greinargerð.

Lögð fram tillaga að breytingu deiliskipulags Kauptúns sem nær til lóðarinnar Kauptún 1. Tillagan gerir ráð fyrir stækkun byggingarreits.

Samkvæmt tillögu er byggingarreitur stækkaður um 766 m2, þar af 149 m2 til vesturs vegna fyrirhugaðs anddyris en um 617 m2 til austurs. Hámarksbyggingarmagn er aukið úr 8.100 m2 í

8.400 m2. Að öðru leyti skulu gilda skilmálar sem koma fram í áður samþykktum deiliskipulagsskilmálum.

Lagðar fram skýringarmyndir sem sýna útfærslu á hæð byggingarinnar að ofanverðu að göngustíg milli Kauptúns 1 og Urriðaholtsstrætis 2. Þær hugmyndir hafa verið kynntar fyrir rekstraraðilum og eigendum að Urriðaholtsstræti 2.

Skipulagsnefnd vísar tillögunni með þeirri útfærslu sem skýringarmyndir sýna til auglýsingar samkvæmt 41.gr.Skipulagslaga nr.123/2010. Óska skal eftir umsögnum rekstrarfélags Kauptúns og Urriðaholts ehf.

Lögð fram fyrirspurn húseigenda um byggingu sólskála við parhúsið að Vesturtúni 27 a.

Svar: Skipulagsnefnd telur að sólskáli við vesturenda húss fari ekki vel þar sem að viðbygging myndi rjúfa heillega götumynd sem einkennist að sömu fjarlægð húsa frá götu. Sólskáli við suðurhlið kæmi frekar til greina ef útfærslan er ásættanleg.

Lögð fram tillaga að breytingu deiliskipulags Urriðaholts Norðurhluta 4 sem nær til fjölbýishúslóðarinnar Vörðugata 2.

Í breytingartillögunni felst eftirfarandi:

Byggingarreitur bílgeymslu breytist og stækkar. Kjallara er bætt við undir húsið. Í stað inngrafinnar bílgeymslu suðaustan við byggingu með aðkomu frá bílastæðum á lóð er keyrt niður í bílgeymslu um a.m.k. hálfa hæð frá bílastæðum á lóð. Aðkomuhæð er lyft upp um að hámarki hálfa hæð. Innsti hluti aðkomuhæðar, sem er inngrafin verður hluti af byggingarreit bílgeymslu sem verður að hluta til á tveimur hæðum. Hámarkshæð húss frá bílastæðum er óbreytt. Bílastæðum í bílgeymslu er fjölgað og krafa um gestastæði á lóð er lækkuð úr 12 stæðum í 6 stæði.

Byggingamagn bílgeymslu, nú í kjallara, eykst um 1.574 m².

Form byggingarreits ofanjarðar breytist lítillega. Byggingamagn ofanjarðar helst óbreytt.

Heimilt er að koma fyrir hljóðvegg við Urriðaholtsstræti. Hámarkshæð hljóðveggs er 1,0 m.

Skipulagsnefnd vísar tillögunni til auglýsingar í samræmi við 41.gr. og 1.mgr.43.gr.Skipulagslaga nr.123/2010.

Lagt fram erindi frá Byggingarsamvinnufélagi eldri borgara í Garðabæ til bæjarstjórnar dags. 29.mars þar sem óskað er eftir samtali við bæjaryfirvöld um uppbyggingu á íbúðarbyggðar á vegum félagsins norðan við Hleinar hjá Hrafnistu. Forsendur eru fyrir hendi í aðalskipulagi og deiliskipulagi.

Skipulagsnefnd vísar erindinu til nýrrar skipulagsnefndar sem tekur til starfa að afloknum sveitarstjórnarkosningum´.

Lögð fram tillaga að breytingu deiliskipulags sem gerir ráð fyrir stækkun byggingarreits á baklóð lóðarinnar Blikanes 6. Útfærslan er með öðrum hætti en deiliskipulagsbreyting sem hlaut ferli á síðasta ári og var staðfest í desember sl.

Skipulagsnefnd metur tillöguna sem óverulega breytingu deiliskipulags Arnarness í samræmi við 2.mgr.43.gr.Skipulagslaga nr.123/2010 og vísar henni til grenndarkynningar í samræmi við 44.gr.sömu laga. Grenndarkynna skal eigendum Blikaness 3, 4,5,8 og 7 sem og Tjaldaness 3,5 og 7.

Lögð fram tillaga að breytingu aðalskipulags Hafnarfjarðar.

Breytingin felst í að Suðurhöfn H1 verður að hluta til íbúðasvæði ÍB15 og miðsvæði M6 og M7. Flensborgarhöfn H2 breytist í miðsvæði M5. Ný smábátahöfn og5m strandræma verður H6.

Skipulagsnefnd Garðabæjar gerir ekki athugasemd við tillöguna.