18. (1784). fundur

Bæjarráð samþykkir að leggja til við bæjarstjórn að samþykkja tillögu skipulagsnefndar að kynna tillögu að breytingu á aðalskipulagi Garðabæjar, samkvæmt 2. mgr. 30. gr. skipulagslaga nr. 123/2010, sbr. 1. mgr. 36. gr. sömu laga, vegna legu borgarlínu um Hafnarfjarðarveg og Arnarnesveg. Um verður að ræða sameiginlega kynningu sveitarfélaga á höfuðborgarsvæðinu vegna málsins.

Bæjarráð samþykkir að leggja til við bæjarstjórn að samþykkja tillögu skipulagsnefndar um breytingu á aðalskipulagi Garðabæjar vegna Heiðmerkur. Í athugasemdafresti auglýsingar bárust athugasemdir sem afstaða hefur verið tekin til samkvæmt 1. mgr. 32.gr. skipulagslaga nr. 123/2010. Samþykkt tillaga ásamt athugasemdum og umsögn skal send Skipulagsstofnun samkvæmt 3. mgr. 32. gr. sömu laga.

Bæjarráð samþykkir að leggja til við bæjarstjórn að samþykkja tillögu skipulagsnefndar um breytingu á deiliskipulagi Heiðmerkur, samkvæmt 41. gr. skipulagslaga nr. 123/2010. Tillagan var auglýst og bárust athugasemdir við tillöguna sem þykja ekki gefa tilefni til breytinga á henni. Samþykkt tillaga skal send Skipulagsstofnun samkvæmt 1. mgr. 42. gr. skipulagslaga og þá skal niðurstaða bæjarstjórnar auglýst, sbr. 3. mgr. 41. gr. skipulagslaga.

Bæjarráð samþykkir að leggja til við bæjarstjórn að samþykkja tillögu skipulagsnefndar um breytingu á deiliskipulagi Hraunsholts eystra, samkvæmt 41. gr. skipulagslaga nr. 123/2010, vegna fjölgunar íbúða við Lynghóla 32-38. Tillagan var auglýst og bárust athugasemdir þar sem fjölgun íbúða var mótmælt. Um er að ræða óverulega fjölgun íbúða og gefa athugasemdir við tillöguna ekki tilefni til breytinga á henni. Samþykkt tillaga skal send Skipulagsstofnun samkvæmt 1. mgr. 42. gr. skipulagslaga og þá skal niðurstaða bæjarstjórnar auglýst, sbr. 3. mgr. 41. gr. skipulagslaga.

Bæjarráð samþykkir að leggja til við bæjarstjórn að samþykkja tillögu skipulagsnefndar um óverulega breytingu á deiliskipulagi Akra samkvæmt 2. mgr. 43. gr. skipulagslaga nr. 123/2010, vegna lóðarinnar við Akrabraut 1. Tillagan var grenndarkynnt samkvæmt 44. gr. skipulagslaga og hefur verið komið á móts við athugasemdir við afgreiðslu tillögunnar.

Bæjarráð samþykkir að leggja til við bæjarstjórn að samþykkja tillögu skipulagsnefndar að grenndarkynna tillögu að óverulegri breytingu á deiliskipulagi Ása og Grunda vegna aukins byggingarmagns á lóðinni við Ránargrund 4 samkvæmt 2. mgr. 43. gr. skipulagslaga nr. 123/2010, sbr. 2. mgr. 44. gr. sömu laga.

Lögð fram.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa tillögu að breytingu á deiliskipulagi vesturhluta Urriðaholts samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga, vegna sameiningar lóðanna við Mosagötu 9-27.

Bæjarráð samþykkir með vísan til 3. ml. 3. mgr. 41. gr. skipulagslaga nr. 123/2010 að samþykkt tillaga um breytingu á deiliskipulagi 2. áfanga norðurhluta Urriðaholts vegna lóðanna við Holtsveg 1 og Lynggötu 1-3 verði send til meðferðar Skipulagsstofnunar enda voru ekki gerðar neinar athugasemdir við tillöguna í athugasemdafresti auglýsingar.

Bæjarráð samþykkir að leggja til við bæjarstjórn að samþykkja tillögu skipulagsnefndar að hafna umsókn um breytingu á deiliskipulagi 3. áfanga norðurhluta Urriðaholts þar sem farið er fram á fjölgun íbúða í fjölbýlishúsi á lóðinni við Urriðaholtsstræti 14-20.

Bæjarráð samþykkir að leggja til við bæjarstjórn að samþykkja tillögu skipulagsnefndar að hafna umsókn um breytingu á deiliskipulagi 3. áfanga norðurhluta Urriðaholts þar sem farið er fram á fjölgun íbúða í fjölbýlishúsi á lóðinni við Urriðaholtsstræti 36, 38, 40 og 42.

Bæjarráð samþykkir að leggja til við bæjarstjórn að samþykkja tillögu skipulagsnefndar um óverulega breytingu á deiliskipulagi 3. áfanga norðurhluta og háholts Urriðaholts samkvæmt 2. mgr. 43. gr. skipulagslaga nr. 123/2010 vegna lóðanna við Vörðuveg 2-18. Grenndarkynning fellur niður samkvæmt heimild í 3. mgr. 44. gr. skipulagslaga þar sem breytingin varðar ekki hagsmuni annarra en umsækjanda og Garðabæjar.

Bæjarráð samþykkir að leggja til við bæjarstjórn að samþykkja umsókn Urriðaholts ehf., um að götuheiti Vörðuvegar verði breytt í Vinastræti.

Bæjarráð samþykkir að leggja til við bæjarstjórn að samþykkja samning við Arkitektafélag Íslands um samkeppni um rammaskipulag fyrir Hnoðraholt og Vífilsstaðaland. Verðlaunafé samkvæmt 7. gr. skal vera kr. 10.000.000 og fyrstu verðlaun ekki lægri en kr. 6.000.000.

Í bréfinu er gerð grein fyrir kynningar- og umsagnarferli um drög að reglugerð um rekstur héraðsskjalasafns.

Bæjarráð vísar bréfinu til nánari athugunar bæjarstjóra.

Fylgiskjöl

• Bréf þjóðskjalavarðar vegna umsagnarferils.pdf
• Drög að reglugerð um rekstur héraðsskjalasafns.pdf

Lagt fram.

Fylgiskjöl

• Bréf Alþingis varðandi frumvarp til laga um kosningar til sveitarstjórnar (kosningaaldur), 190 mál, dags. 05.05.17.doc

Bæjarráð gerir ekki athugasemdir við að umbeðið leyfi verði veitt.

Bæjarráð samþykkir að veita Hestamannafélaginu Spretti styrk að fjárhæð kr. 1.960.870 til greiðslu fasteignagjalda árið 2017.

Fylgiskjöl

• Hestamannfélagið Sprettur - Beiðni um niðurfellingu fasteignagjalda

Bæjarstjóri gerði grein fyrir kynningarfundi með starfsmönnum Íbúðalánasjóðs og undirbúningi að gerð húsnæðisáætlunar fyrir Garðabæ sem verður unnin í samráði við Samtök sveitarfélaga á höfuðborgarsvæðinu.

Fylgiskjöl

• Kynningarfundur um gerð húsnæðisáætlana

Bæjarráð telur eigi tímabært að verða við erindinu og vísar í því sambandi til hugmynda um endurskoðun skipulags á svæðinu í tengslum við rammaskipulag Lyngáss og Hafnarfjarðarvegar og tillögu um legu borgarlínu um Hafnarfjarðarveg og Arnarnesveg.

Fylgiskjöl

• beiðni fyrir dælustöð.pdf

Bæjarverkfræðingur gerði grein fyrir að tilboð í yfirborðsefni voru opnuð í gær en nákvæm úrvinnsla um niðurstöður þeirra liggur ekki fyrir.

Lögð fram eftirfarandi tilboð í skólamálsverði í grunnskólum Garðabæjar þar sem útkoman byggir á besta hlutfalli milli verðs (60%) og gæða (40%)

Verð Matseðlar Rekstur Samtals

Skólamatur ehf. 60,00 25 15 100

ISS Íslandi ehf. 59,11 23 15 97,11

Sölufélag Garðyrkjumanna (i) 59,36 23 15 97,36

Sölufélag Garðyrkjumanna (ii) 56,24 25 15 96,24

Bæjarráð samþykkir að taka tilboði Skólamats ehf., með fyrirvara um að uppfylltir séu allir skilmálar útboðsins og felur forstöðumanni fræðslu- og menningarsviðs afgreiðslu málsins. Vakin er athygli á að samkvæmt 86. gr. laga um opinber innkaup þarf að líða 5 daga biðtími frá ákvörðun um töku tilboðs til gerðar samnings.

Bæjarráð tekur jákvætt í erindið varðandi breytingar á skilti í Vetrarmýri enda verði settir skilmálar um ljósmengun sem lagðir verða fram til staðfestingar í bæjarráði.

Fylgiskjöl

• beiðni fyrir auglýsingaskiltum -ítrekun .pdf

Bæjarverkfræðingur gerði grein fyrir að engin tilboð bárust í forvali vegna framkvæmda við

viðbyggingu og endurbætur Lundabóls.

Bæjarráð samþykkir að bæjarverkfræðingur leiti samninga við verktaka um tilboð í verkið sem lagt skal fram í bæjarráði til staðfestingar.