31. (1846). fundur

Á fund bæjarráðs mættu Sigríður Björk Guðjónsdóttir, lögreglustjóri, Karl Steinar Valsson, yfirmaður rannsóknardeildar og Ásgeir Þór Ásgeirsson, yfirmaður almennrar deildar.

Rætt um nýlega atburði í Garðabæ þar sem veist var að ungum stúlkum og kom fram að rannsókninni miðar vel. Umræða var um á hvern hátt hægt er að auka eftirlit og tryggja öryggi almennt í samfélaginu.

Bæjarráð samþykkir afgreiðslu byggingarfulltrúa að veita Orra Sigurðssyni, kt. 030379-4709, leyfi til að reisa garðskála á lóð núverandi einbýlishúss að Rjúpnahæð 13.

Bæjarráð samþykkir að leggja til við bæjarstjórn að samþykkja tillögu skipulagsnefndar um nýtt deiliskipulag fyrir austurhluta Urriðholts, samkvæmt 41. gr. skipulagslaga nr. 123/2010. Tillagan var auglýst og bárust athugasemdir og liggja fyrir svör við athugasemdum. Á tillögunni hafa verið gerðar eftirfarandi breytingar. Stígur við heimreið golfskála Odds verður færuð austan við heimreið. Byggingarreitir og útfærsla bifreiðageymslna að Holtsvegi 53, 55 og 57 breytast.

Samþykkt tillaga skal send Skipulagsstofnun samkvæmt 1. mgr. 42. gr. skipulagslaga og þá skal niðurstaða bæjarstjórnar auglýst, sbr. 3. mgr. 41. gr. skipulagslaga.

Bæjarráð samþykkir að staðarvísir Urriðaholts verði hafður að leiðarljósi við uppbyggingu í Urriðaholti og kynntur sem handbók eða leiðbeiningarit fyrir íbúum, eigendum, hönnuðum, verktökum o.fl. sem koma að málum í Urriðaholti.

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa til kynningar að nýju tillögu að deiliskipulagi Lundahverfis, samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga.

Lögð fram til kynningar.

Bæjarráð samþykkir með vísan til umfjöllunar skipulagsnefndar að áfram verði unnið að því að finna meðferðarheimili á vegum Barnaverndarstofu stað á Vífilsstaðahálsi (gegnt Kjóavöllum).

Ingvar Arnarson lagði fram eftirfarandi bókun:

„Garðabæjarlistinn fagnar beiðni Barnaverndarstofu og telur að Garðabær eigi að styðja heilshugar við þessa hugmynd. Garðabær hefur næg svæði sem gætu hentað fyrir slíkt meðferðarheimili, svæði sem eru hlýleg, aðlaðandi og í tengingu við náttúruna. Það er því von Garðabæjarlistans að viðræður geti hafist sem allra fyrst.“

Bæjarráð samþykkir að leggja til við bæjarstjórn að samþykkja tillögu skipulagsnefndar að auglýsa tillögu að breytingu á deiliskipulagi Molduhrauns samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga, vegna lóðarinnar við Miðhraun 24. Í breytingunni felst stækkun lóðar, breytingar á aðkomu, breyting á byggingarreit ofl.

Bæjarráð samþykkir með vísan til 3. ml. 3. mgr. 41. gr. skipulagslaga nr. 123/2010 að tillaga að breytingu á deiliskipulagi Iðnbúðar og Smiðsbúðar vegna lóðarinnar við Smiðsbúð 6 verði send til meðferðar Skipulagsstofnunar enda voru ekki gerðar neinar athugasemdir við tillöguna í athugasemdafresti auglýsingar.

Bæjarráð samþykkir með vísan til 2. mgr. 43. gr. skipulagslaga nr. 123/2010 tillögu að óverulegri breytingu á deiliskipulagi Flatahverfis vegna lóðarinnar við Tjarnarflöt 12. Tillagan var grenndarkynnt samkvæmt 2. mgr. 44. gr. skipulagslaga og bárust engar athugasemdir. Breyting skal send Skipulagsstofnun og auglýst í B- deild Stjórnartíðinda.

Bæjarráð samþykkir að leggja til við bæjarstjórn að samþykkja tillögu skipulagsnefndar samkvæmt 1. mgr. 43. gr. skipulagslaga nr. 123/2010 um breytingu á deiliskipulagi Bessastaða. Tillagan skal auglýst samkvæmt 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga. Áður en tillagan verður auglýst eiga að liggja fyrir umsagnir Minjastofnunar, Vegagerðarinnar og Umhverfisstofnunar.

Afgreiðslu frestað.

Afgreiðslan varðar drög að tillögu vegna breytinga á aðalskipulagi Reykjavíkur og svæðisskipulagi höfuðborgarsvæðisins varðandi iðnaðarsvæði fyrir efnisvinnslu við Álfsnesvík. Frestur til að skila umsögn er til 20. september og þá verður boðað til kynningarfundar fyrir miðjan september. Skipulagsnefnd telur ekki ástæðu til athugasemda.

Lögð fram eftirfarandi tilboð eftir yfirferð.

Vegamál - Vegmerking ehf. kr. 34.981.668

Íslenska gámafélagið ehf. kr. 37.362.000

Garðlist ehf. kr. 39.300.000

Gröfuverk ehf. kr. 41.533.332

Hreinsitækni ehf. kr. 42.474.000

Kostnaðaráætlun kr. 39.900.000

Tilboð lægstbjóðanda uppfyllir ekki kröfur sem gerðar eru til hæfni og reynslu í grein 0.1.3. í útboðsskilmálum en bjóðandi hefur ekki unnið sambærilegt verk að umfangi á síðast liðnum 5 árum og yfirstjórnandi verksins hefur ekki 5 ára reynslu af sambærilegum verkefnum. Þá hefur bjóðandi ekki skilað lýsingu á gæðastjórnunarkerfi eins og áskilið er í grein 0.4.2 í útboðsgögnum.

Tilboði lægstbjóðanda er af ofangreindum ástæðum hafnað.

Bæjarráð samþykkir að taka tilboði næst lægstbjóðanda Íslenska gámafélagsins með fyrirvara um að uppfylltir séu allir skilmálar útboðsins og felur bæjarverkfræðingi afgreiðslu málsins. Vakin er athygli á að samkvæmt 86. gr. laga um opinber innkaup þarf að líða 10 daga biðtími frá ákvörðun um töku tilboðs til gerðar samnings en um er að ræða innkaup yfir viðmiðunarfjárhæðum Evrópska efnahagssvæðisins.

Vetrarþjónusta göngu- og hjólaleiða var áður boðin út í byrjun júní en á fundi bæjarráðs sem var haldinn 3.júlí sl. var samþykkt vísan til ágalla í auglýsingu, og að öðru leyti við framkvæmd útboðsins, að hafna öllum tilboðum og auglýsa útboðið að nýju.

Bæjarráð vísar bréfinu til íþrótta- og tómstundaráðs og felur ráðinu að taka tillögur starfshóps ráðuneytisins um aðgerðir gegn kynferðislegri áreitni og ofbeldi í íþrótta- og æskulýðsstarfi til umfjöllunar með íþrótta- og æskulýðsfélögum í Garðabæ.

Fylgiskjöl

• Skýrsla - lokaskjal2.pdf
• Bréf frá ráðherra.pdf

Lagt fram.

Fylgiskjöl

• Breyting á lögum og upprifjun á hlutverki stofnunarinnar ásamt bók um Nárrúruvá Íslands.

Bæjarráð samþykkir að áður en umsögn verði veitt láti rekstraraðili mæla að nýju högghljóðeinangrun frá eldhúsi í framhaldi af úrbótum á húsnæðinu.

Bæjarráð vísar bréfinu til afgreiðslu menningar- og safnanefndar.

Fylgiskjöl

• Menningarhátíð Norrænu félaganna í Reykjavík og Garðabæ

Bæjarráð vísar bréfinu til úrvinnslu og afgreiðslu hjá tækni- og umhverfissviði.

Fylgiskjöl

• Garðabær.pdf

Bæjarráð vísar bréfinu til afgreiðslu menningar- og safnanefndar.

Fylgiskjöl

• Bréf til bæjarráðs.docx

Lagt fram.

Fylgiskjöl

• Tilkynning um nýtt fasteignamat 2019