10. fundur

Lögð fram tillaga að deiliskipulagi Austurhluta Urriðaholts að lokinni auglýsingu sem fór fram 23.maí til 4.júlí. 3 erindi með athugasemdum hafa borist.

Lögð fram greinargerð deiliskipulagshöfunda með tillögum að svörum við athugasemdum. Hrafnhildur Brynjólfsdóttir skipulagsfræðingur hjá Alta gerði grein fyrir greinargerðinni.

Lögð fram athugasemd Urriðaholts ehf þar sem lagðar eru til breytingar á skipulagi lóðanna Holtsvegur 53 til 57. Skipulagsnefnd telur að þær breytingartillögur séu til bóta fyrir skipulag lóðanna.

Skipulagsnefnd samþykkir tillöguna sem deiliskipulag Austurhluta Urriðaholts í samræmi við 41.grein skipulagslaga nr.123/2010 með eftirfarandi breytingum:

-Stígur við heimreið að golfskála verði austan heimreiðar.

-Byggingarreitir og útfærsla bifreiðageymslna að Holtsvegi 53, 55 og 57 breytast skv. tillögu Urriðaholts ehf.

Skipulagsnefnd samþykkir svör til þeirra sem gera athugasemdir sem fram eru sett í framlagðri greinargerð.

Þráinn Hauksson landslagsarkitekt hjá Landslagi ehf gerði grein fyrir tillögu að staðarvísi fyrir háholt Urriðaholts.

Skipulagsnefnd leggur til að bætt verði við leiðbeiningum varðandi útfærslu skjólveggja á lóðum og samræmi þeirra við markmið deiliskipulagins.

Skipulagsnefnd samþykkir staðarvísinn fyrir sitt leyti.

Skipulagsstjóri gerði grein fyrir stöðu mála varðandi útfærslur á skjólveggjum sem eru víða að rísa á lóðum í Urriðaholti. Sumir skjólveggjanna eru ekki í samræmi við deiliskipulag.

Skipulagsnefnd beinir því til tækni- og umhverfissviðs að koma því á framfæri við húsbyggjendur, húsfélög í Urriðaholti og fasteignasala að mikilvægt sé að útfærsla veggja gangi ekki gegn markmiðum um yfirbragð hverfisins og fylgi gildandi deiliskipulagi. Mælir nefndin með því að gerðar verði skýringarmyndir sem sýni dæmi um útfærslur á skjólveggjum og gróðri sem séu í samræmi við deiliskipulagsáætlanir í Urriðaholti. Þá er lagt til að tækni- og umhverfissvið hafi samband við þá sem byggt hafa skjólveggi sem ekki samræmast deiliskipulaginu.

Lögð fram ný tillaga að deiliskipulagi Lundahverfis þar sem að nú er gert ráð fyrir ákvæðum um bílageymslur sem eru óbreyttar frá því sem verið hefur. Ekki er gert ráð fyrir fjölgun deilda í leikskólanum Lundabóli. Lögfræðiálit mælir með því að tillagan verði auglýst að nýju. Skipulagsnefnd vísar tillögunni til auglýsingar í samræmi við 1. mgr. 41. gr. skipulagslaga nr.123/2010. Ljúka skal gerð húsakönnunar.

Lagðar fram þær ábendingar og umsagnir sem borist hafa vegna tillögu að verkefnislýsingu aðalskipulagsbreytingarinnar. Skipulagsráðgjöfum og skipulagsstjóra falið að vinna áfram að mótun rammaskipulagstillögu Vífilsstaðalands sem verður grundvöllur aðalskipulagsbreytingartillögu.

Skipulagsstjóri gerði grein fyrir umleitan Barnaverndarstofu um að Garðabær finni meðferðarheimili viðeigandi stað innan marka sveitarfélagsins og í útjaðri byggðar. Lögð fram þarfagreining sem unnin hefur verið fyrir Barnaverndarstofu vegna starfsemi meðferðarheimilis. Skipulasstjóri kynnti þá hugmynd að meðferðarheimili yrði fundinn staður á Vífilsstaðahálsi (gengt Kjóavöllum). Skipulagsnefnd tekur undir þá hugmynd og felur tækni-og umhverfissviði að vinna áfram að með málið, sérstaklega þarf að fara yfir með Barnaverndastofu tímafresti varðandi umrædda lóð enda er hún utan vaxtamarka höfuðborgarsvæðsins samkvæmt Svæðisskipulagi og á þróunarsvæði samkvæmt Aðalskipulagi Garðabæjar sem enn er ekki deiliskipulagt.

Tillaga að breytingu deiliskipulags Hnoðraholts og Vetrarmýrar lögð fram að lokinni auglýsingu sem fram fór 11. júní til 27. ágúst. Lagðar fram umsagnir og athugasemdir sem borist hafa vegna tillögunnar.

Skipulagsstjóri og bæjarverkræðingur gera grein fyrir fundi með Skipulagsstofnun vegna umsagnar stofnunarinnar. Tillögunni vísað til frekari skoðunar hjá tækni- og umhverfissviði.

Lögð fram tillaga lóðarhafa að breytingum á deiliskipulagi Molduhrauns sem nær til lóðarinnar Miðhraun 24.

Skipulagsnefnd samþykkir að vísa tillögunni til auglýsingar í samræmi við 1.mgr.41.gr. skipulagslaga nr.123/2010.

Lögð fram tillaga að óverulegri breytingu deiliskipulags Iðnbúðar og Smiðsbúðar sem nær til lóðarinnar Smiðsbúð 6 sem gerir ráð fyrir stækkun byggingarreits á baklóð og stoðveggjar á lóðarmörkum. Engar athugasemdir hafa borist. Tillagan skoðast því samþykkt sbr. 2. mgr. 43. gr. og 2. mgr. 44. gr. skipulagslaga nr.123/2010.

Lögð fram tillaga að óverulegri breytingu á deiliskipulagi Flata sem nær til lóðarinnar Tjarnarflöt 12 að lokinni grenndarkynningu. Engar athugasemdir hafa borist. Tillagan skoðast því samþykkt sbr. 2.mgr. 43.gr. og 2.mgr. 44.gr. skipulagslaga nr.123/2010.

Lögð fram tillaga að breytingu á deiliskipulagi Bessastaða sem gerir ráð fyrir breytingum á legu og útfærslu bílastæða og aðkomuvegar. Tillagan hefur verið forkynnt og ábendingar hafa ekki gefið tilefni til breytinga á tillögunni. Skipulagsnefnd vísar tillögunni til auglýsingar í samræmi við 1. mgr. 43. gr. og 1. mgr. 41. gr. skipulagslaga nr.123/2010. Áður en tillagan verður auglýst skal umsögn Minjastofnunar, Vegagerðarinnar og Umhverfisstofnunar liggja fyrir.

Lögð fram tillaga að deiliskipulagi Holtstúns ásamt umsögnum Vegagerðarinnar, Heilbrigðiseftirlits og Minjastofnunar.

Skipulagsnefnd mælir með því að sá hæðarkóti sem Vegagerðin leggur til sem lágmarkshæð verði notaður eða 4,2 mys í stað 4,0 mys eins og auglýst tillaga gerir ráð fyrir.

Skipulagsnefnd samþykkir deiliskipulagið í samræmi við 3. mgr. 41. gr. skipulagslaga nr.123/2010 með ofangreindri breytingu og lagfæringu á aðkomu að Asparvík sbr. ábendingu landeiganda.

Baldur Ó. Svavarsson vék af fundi undir þessum lið.

Skipulagsnefnd gerir ekki athugasemd við tillöguna.

Lagt fram.

Fundargerð lögð fram. Skipulagsnefnd gerir ekki athugasemd við afgreiðslur skipulagsstjóra.

Fundargerð lögð fram. Skipulagsnefnd gerir ekki athugasemd við afgreiðslur skipulagsstjóra.

Fundargerð lögð fram. Skipulagsnefnd gerir ekki athugasemd við afgreiðslur skipulagsstjóra.